БАХШИДА БА КОНСТИТУТСИЯИ ҶУМҲУРИИ ТОҶИКИСТОН ДАРСИ КУШОДИ ТАРБИЯВӢ БАРГУЗОР ГАРДИД

Дар оғози чорабинӣ мудири кафедра, номзади илмҳои педагогӣ Файзуллозода Алишер Файзулло дар мавзуи «Конститутсияи Ҷумҳурии Тоҷикистон-ҳуҷҷати сарнавиштсоз» суханронӣ намуда, нақш ва аҳаммияти ин санади тақдирсозро дар бунёди ҷомеаи демократӣ, таъмини ҳуқуқу озодиҳои инсон ва таҳкими пояҳои давлатдории миллӣ шарҳ дод.

Сипас, саромӯзгори кафедра, номзади илмҳои филологӣ Одинаев С.П. дар мавзуи «Таърихи пайдоиш ва рушди Конститутсия» баромад намуда, оид ба таърихи ташаккул ва қабули аввалин конститутсияҳо дар давлатҳои Аврупо ва Амрико маълумоти муфассал пешниҳод кард.

Қисмати фарҳангии чорабиниро донишҷӯёни гурӯҳи 105-уми факултети педиатрӣ таҳти роҳбарии сарпарсти гурӯҳ Рӯзиматова Н.Т. бо пешниҳоди суруду рақс, қироати шеър ва саҳначаҳои тарбиявӣ рангин гардониданд. Ҳамзамон, донишҷӯён оид ба аҳаммияти Конститутсия дар ҳаёти ҷомеа ва давлат андешаҳои олимону мутафаккиронро иброз дошта, нақши ин санади муҳимро дар ҳифзи ҳуқуқу озодиҳои инсон ва таҳкими давлатдории миллӣ шарҳ доданд.

Зимни дарси кушод аҳаммияти таърихии Конститутсия, ҳуқуқу уҳдадориҳои шаҳрвандон дар назди давлату ҷомеа, инчунин масъулияти касбии табибон дар ҳифзи саломатии аҳолӣ, касби ман-ифтихори ман ва саҳмгузорӣ дар пешрафту ободии Ватан мавриди баррасӣ қарор гирифт.

Дарси кушоди навбатии тарбиявӣ дар баланд бардоштани маърифати ҳуқуқӣ, таҳкими ҳисси ватандӯстиву масъулиятшиносӣ ва ифтихори донишҷӯён аз давлату миллат ва касби интихобкардаашон таъсири мусбат хоҳад расонид.

Кафедраи забонҳо.