Донишгоҳ дар давраи COVID-19

Ситоди донишгоҳӣ

Апрели соли 2020, вақте ки дар Ҷумҳурии Тоҷикистон бемории COVID-19 расман тасдиқ гардид, дар донишгоҳ Ситоди пешгирии мубталошавии донишҷӯён ва кормандон таъсис дода шуд. Фаъолияти ситод се давра дошт: фаҳмондадиҳӣ ва мубориза бо овозаҳо, давраи хуруҷи беморӣ (29 апрел – 1 августи 2020) ва давраи табобату барқарорсозӣ.

Бригадаи захиравии ёрии тиббӣ

• Аз 6 майи соли 2020 аз ҳисоби омӯзгорони ДДТХ бригадаи 12-нафара ташкил шуд
• Мутахассисони донишгоҳ дастури методии «Оид ба ташхис, пешгирӣ ва табобати COVID-19» таҳия карданд
• Маҳлули антисептикӣ ҳар рӯз дар озмоишгоҳи кафедраи химия омода карда мешуд

Гурӯҳи волонтёрон

Аз 5 май то 30 августи соли 2020 донишҷӯёни курсҳои болоӣ зери роҳбарии омӯзгорон хона ба хона гашта, вазъи саломатии оилаҳоро муайян мекарданд ва рӯйхати беморони дорои нишонаҳои зуком ва илтиҳоби шушро ҳар рӯз ба Маркази саломатии ноҳия пешниҳод менамуданд.

• 4635 хона санҷида шуд
• вазъи саломатии 23 175 нафар аҳолии ноҳияи Данғара муайян гардид
• 84,2% кормандон ва 90,9% донишҷӯён ваксина гирифтанд

Ин саҳифаи ифтихор аст: донишҷӯёни мо дар рӯзҳои душвор табиби ҳақиқӣ буданд.

Манбаъ: китоби «ДДТХ – меваи пурбори истиқлол» (2026). Китобро хонед