Донишгоҳи давлатии
Нақшаи генералӣ
Барои маҷмааи донишгоҳ ва лоиҳаи «Шаҳраки табибон» 22 гектар замин ҷудо шудааст. Маҷмааи ДДТХ дар ҳудуди 7,8 га барои 5000 донишҷӯ тарҳрезӣ шуда, дар ду марҳила сохта мешавад.
Марҳилаҳо
- 31.08.2016 – Пешвои миллат ба оғози сохтмон санги асос гузоштанд
- 22.04.2017 – оғози корҳои сохтмонии бинои асосӣ, бинои таълимии №1 ва хобгоҳ
- 2020–2022 – бо сабаби пандемияи COVID-19 корҳо муваққатан боздошта шуданд
- 17.07.2022 – хобгоҳи 9-ошёна барои 800 ҷой (ошхона, толори хониш, бунгоҳи тиббӣ)
- 01.09.2023 – бинои асосӣ, бинои таълимии №1 ва ошхона бо иштироки Пешвои миллат ба истифода дода шуданд
- 23.10.2025 – биноҳои таълимии №2 ва №3 бо иштироки Пешвои миллат мавриди истифода қарор гирифтанд
Бинои асосӣ
Бинои асосӣ аз 4 қисмати ба ҳам пайваст иборат аст: қисмати марказӣ 9-ошёна, ду қисмати паҳлуӣ 7-ошёна ва қисмати пасӣ 3-ошёна.
- Масоҳати умумӣ – 25 956 м², аз ҷумла 13 452 м² масоҳати муфиди таълимӣ
- 80 синфхона (2004 ҷой) ва 12 толор (2190 ҷой)
- Толори калони маҷлисӣ-фарҳангӣ барои 1090 нафар, китобхонаи марказӣ ва электронӣ, осорхона
- Марказҳои симулятсионӣ, тестӣ, технологияҳои иттилоотӣ ва таҳсилоти баъдидипломӣ
Биноҳои таълимӣ
- Бинои №1 (6 ошёна): 16 синфхона, 6 озмоишгоҳи илмӣ, толори лексионӣ; осорхонаи анатомӣ (304 м²)
- Бинои №2: 45 синфхона, толори лексионӣ, 6 озмоишгоҳ – барои 1308 донишҷӯ
- Бинои №3: 49 синфхона, толори лексионӣ, толори имтиҳонҳои мутамарказ, 3 озмоишгоҳ – барои 1470 донишҷӯ
- Ошхона барои 300 нафар ва ошхонаи иловагӣ барои 200 нафар
Имрӯз
- 264 синфхона, 13 толори лексионӣ, 30 озмоишгоҳ ва 29 синфхона дар пойгоҳҳои клиникӣ
- Аз 7,8 га дар 3,3 га биноҳо бунёд шудаанд; маблағи умумии сохтмон – 356,8 млн сомонӣ
- Донишгоҳ имкони таҳсили 6–8 ҳазор донишҷӯро дорад
Қадами оянда
Дар марҳилаи дуюм – Озмоишгоҳи марказии илмӣ-тадқиқотӣ, виварий, майдони варзишӣ, толори лексионӣ ва Клиникаи донишгоҳӣ, ки лоиҳаи он соли 2019 аз ҷониби Ҳукумат тасдиқ шудааст.
Манбаъ: китоби «ДДТХ – меваи пурбори истиқлол» (2026). Китобро хонед