БАРГУЗОРИИ ДАРСИ КУШОД ДАР КАФЕДРАИ БЕҲДОШТ ВА ЭПИДЕМИОЛОГИЯ: “ГЕПАТИТИ ВИРУСИИ В ВА С”
14 - уми апрели соли равон дар кафедраи беҳдошт ва эпидемиологияи Донишгоҳи давлатии тиббии Хатлон дар мавзуи “Гепатити вирусии В ва С” дарси кушод баргузор гардид. Дарси кушоди мазкур дар гурӯҳи 505-и курси панҷуми факултети педиатрӣ аз ҷониби омӯзгор Эшматов С. гузаронида шуд.
Дар дарси кушод сардори бахши гурӯҳи назорати сифати таҳсилот Қурбонов Х.Ш., мудири кафедраи анатомияи нормалӣ, анатомияи патологӣ, тибби судӣ ва гистология н.и.т. Алиев А.А., профессори фахрӣ Должикова В.А. ва омӯзгорон аз кафедраҳои химия ва биологияи тиббӣ, фармакология ва микробиология, бемориҳои сироятӣ ва дерматовенерология иштирок карданд.
Дар раванди дарс аз воситаҳои технологӣ истифода бурда, дар доираи мавзуъ презентатсия ва видеоролики хурд нишон дода шуд.
Cардори бахши гурӯҳи назорати сифати таҳсилот Қурбонов Х.Ш. дарси кушодро ҷамъбаст намуда, барои омӯзгор дар гузаронидани дарсҳои минбаъда тавсияҳои методӣ дод.
ХАБАРНИГОРИ СОМОНА
МАҲФИЛИ НАВБАТИИ “МОДАРИ СОЛИМ - ҶОМЕАИ СОЛИМ” ДАР КАФЕДРАИ АКУШЕРӢ - ГИНЕКОЛОГӢ ВА ТИББИ ОИЛАВӢ
11 - уми апрели соли равон дар кафедраи акушерӣ ва гинекологии Донишгоҳи давлатии тиббии Хатлон таҳти роҳбарии омӯзгори кафедраи мазкур Сармисоқова Х.Ҷ. маҳфили илмии “ Модари солим - ҷомеаи солим” дар мавзуи “Нақши соҳаи акушерӣ дар тиб” баргузор гардид.
Дар маҳфил мудири кафедраи акушерӣ - гинекологӣ ва тибби оилавӣ н.и.т. Шокирова У.Ғ., мудири кафедраи ҷароҳии №2 доктор PhD Норматова М.А., мудири кафедраи анатомияи паталогӣ, тибби судӣ ва гистология н.и.т. Алиев А.А., омӯзгорони кафедраҳо ва донишҷӯёни курси 4-уми факултети тиббӣ иштирок карданд.
Аъзои маҳфил ба чор гурӯҳ ҷудо шуда, ҳар як гурӯҳ оид ба давраи ҳайзбинӣ, бордоршавӣ, ҳомиладорӣ ва равиши он маълумот доданд.
Дар идомаи маҳфил донишҷӯи курси 6-уми факултети тиббӣ Шукуров А. бо иҷрои суруд дар васфи модар хотири иштирокчиёнро болида гардонид.
Барои боз ҳам мустаҳкам кардани дониши донишҷӯён оид ба мавзу ба донишҷӯён саволҳои санҷишӣ дода шуд. Донишҷӯён ба саволҳо ҷавобҳои мушаххас доданд.
Мудири кафедраи акушерӣ - гинекологӣ ва тибби оилавӣ Шокирова У.Ғ маҳфилро ҷамъбаст намуда, ба ташкилкунандагони он изҳори сипос намуд.
ХАБАРНИГОРИ СОМОНА
ДАРАҶАИ ИЛМӢ МУБОРАК!
Донишгоҳи давлатии тиббии Хатлон моҳи апрели соли равон боз ба як дастоварди назаррас ноил гардид.
7 - уми апрели соли 2023 ассисенти кафедраи фанҳои ҷарроҳии № 1-и ДДТХ Холов А.Д. рисолаи номзадиро дар мавзуи «Баҳодиҳии муқоисавии натиҷаҳои усулҳои гуногуни геморроидэктомия ҳангоми геморрои музмин» аз рӯи ихтисоси 3.1.9. “Ҷарроҳӣ” сарбаландона ҳимоя намуд.
Раёсати Донишгоҳи давлатии тиббии Хатлон, ҳайати омӯзгорону профессорон ва донишҷӯён Холов Акмал Давлаталиевичро барои ҳимояи рисолаи номзадӣ ва шарафёб гардидан ба дараҷаи илмии номзади илмҳои тиб самимона табрик ва муборакбод намуда, барояш комёбиҳои беназир таманно доранд.
РАЁСАТИ ДДТХ
СЕМИНАРИ ОМӮЗИШӢ: “ВАЗИФАҲОИ НАВИ МАТБУОТИ ДАВРӢ ДАР ШАРОИТИ ҶАҲОНИШАВӢ”
5 - апрели соли равон дар Қасри фарҳанги шаҳри Бохтар бо мақсади татбиқи амалии сиёсати давлатӣ дар соҳаи иттилоот, баланд бардоштани малакаи роҳбарӣ ва такмили ихтисоси нашрияҳои шаҳриву вилоятӣ ва соҳавӣ семинари омӯзишӣ дар мавзуи “Вазифаҳои нави матбуоти даврӣ дар шароити ҷаҳонишавӣ” бо иштироки муовини раиси вилояти Хатлон Фирӯза Шарифӣ баргузор гардид.
Дар семинари мазкур масъалаҳои матбуоти даврии ноҳиявӣ ва вилоятӣ мавриди баррассӣ қарор гирифта, таъкид гардид, ки холӣ мондани фазои иттилоотӣ дар шароити ҷаҳонишавӣ бар зарари ҷомеа мебошад.
Аз Донишгоҳи давлатии тиббии Хатлон дар семинари мазкур муҳаррири масъули рӯзномаи “Пайки шифо” Ошурмаҳмади Саркорӣ иштирок намуд.
ХАБАРНИГОРИ СОМОНА
БАРГУЗОРИИ КОНФЕРЕНСИЯИ ИЛМӢ-АМАЛӢ ТАҲТИ УНВОНИ “ПИРЯХҲО - МАНБАИ ОБҲОИ ШИРИН” ДАР ДДТХ
4-уми апрели соли равон дар Донишгоҳи давлатии тиббии Хатлон Конференсияи илмӣ-амалӣ дар мавзуи “Пиряхҳо - манбаи обҳои ширин” бахшида ба соли байналмилалии ҳифзи пиряхҳо ва Рӯзи ҷаҳонии пиряхҳо баргузор гардид.
Дар конференсия ҳайҳати профессорону омӯзгорон ва донишҷӯён фаъолона иштирок намуданд.
Мудири кафедраи фанҳои ҷомеашиносӣ н.и.ф., дотсент Гулов А.А. кноференсияро ҳусни ифтитоҳ бахшид.
Омӯзгорони кафедраи химия ва биологияи тиббӣ Ҳошимов М.Т., Худоиев С.С. ва Шомуродов М.Ҳ. дар мавзуъҳои “Мавқеи ҷойгиршавии пиряхҳо ҳамчун манбаи обҳои ширин дар курраи замин”, Меъёрҳои биохимиявии талаботи об дар организм” ва “Тағйирёбии иқлим ва таъсири он ба захираҳои оби Ҷумҳурии Тоҷикистон” маърӯзаҳои пурмуҳтаво карданд.
Дар идомаи Конференсияи илмӣ - амалӣ донишҷӯёни курси дуюми факултети тиббӣ Зоирова Г. ва Рустамқулова Г. дар мавзуъҳои “Пешвои миллат оқилест андар сайёра” ва “Эълони соли ҳифзи пиряхҳо дар ҷаҳон - нишонаи дурандешии Пешвои муаззами миллат” маърӯза карданд.
Ҳамзамон, донишҷӯи курси чоруми факултети тиббӣ Гулматов Р. дар мавзуи “Омӯзиши пиряхҳо ва тағйирёбии иқлим” маърӯза кард.
Мудири кафедраи ҷомеашиносӣ Гулов А.А. конференсияро ҷамъбаст намуда, барои омӯзгорон ва донишҷӯёне, ки маърузаи пурмуҳтаво карда буданд, изҳори сипос намуд.
МУОВИНАТИ ИЛМ
ВА НАШРИЯ
ҶАЛАСАИ НАВБАТИИ ШӮРОИ ОЛИМОН
1 - уми апрели соли 2023 ҷаласаи навбатии Шӯрои олимони Донишгоҳи давлатии тиббии Хатлон баргузор гардид.
Дар оғози ҷаласа ректори донишгоҳ д.и.т., профессор Убайдулло Қурбон н.и.т., мудири кафедраи бемориҳои сироятӣ ва дерматовенерология Исоева Б. И.-ро ба муносибати 60-умин солгарди баҳори умраш табрику таҳният намуданд.
Тибқи рӯзнома дар ҷаласаи мазкур аз ҷониби муовини ректор оид ба корҳои таълимӣ ва методӣ Аҳмадиён Ш.Р. оид ба корҳои таълимӣ-методӣ дар бораи натиҷаи сессияи имтиҳонии зимистонаи соли таҳсили 2022-2023 ба таври муфассал маълумот дода шуд. Қайд гардид, ки дар асоси “Тартиби қоидаҳои баргузории имтиҳоноти ҷорӣ дар ДДТХ” баҳогузории имтиҳонҳои ҷорӣ аз рўи меъёри 100 хол муайян гардидааст, ки 60 холи он ба масъулияти кафедраҳо ва 40 холи боқимонда ба салоҳияти Маркази ягонаи тестӣ вогузор карда шудааст. Дар сессияи имтиҳонии зимистонаи соли таҳсили 2022-2023 130 нафар донишҷӯ бо баҳои аъло ва 647 нафар бо баҳои хубу аъло ҷамъбаст намуданд.
Дар идомаи ҷаласа мудири кафедраи фанҳои ҷарроҳии №2 Норматова М. А. оид ба фаъолияти кафедраи мазкур, мушкилот ва дурнамои он маълумот дод.
Инчунин, дар ҷаласа директори Маркази омӯзиши симулятсионӣ Насруллоев Д. оид ба фаъолияти Марказ маълумоти муфассал дод. Тибқи иттилои директори Марказ асбобу аёнияти мавҷудбуда дар марказ аз ҷониби донишҷӯён самаранок истифода бурда мешавад. Ҳамзамон асбобу таҷҳизот пурра ба рӯихат гирифта шуда, аз ҷониби масъулон ва омӯзгорони дарсдиҳанда таҳти назорати ҷиддӣ қароро дода шудааст.
Ҳамзамон, мудири китобхона Ҳалимов М. А. дар бораи фаъолияти китобхона маълумот дод. Қайд гардид, ки дар фонди китобхонаи донишгоҳ 21 734 адабиёти таълимӣ, 16 886 адабиёти илмӣ, 10 956 адабиёти бадеӣ, 4254 видеоролик ва 3096 маҷаллаи илмӣ -тиббӣ мавҷуд аст.
Дар ҷаласа масоили мухталиф баррасӣ гардида, аз ҷумла, қарорҳои Шӯрои олимон дар бораи “таҳрири нав “Низомномаи Шӯрои олимон ва тасдиқ намудани”, “тасдиқи Низомномаи хатми давлатӣ” ва “тасдиқ намудани натиҷаи аттестатсияи марҳилавии дохили донишгоҳӣ” қабул гардиданд.
Ректори донишгоҳ, муҳтарам Убайдулло Қурбон масъалаҳои дар боло зикргардидаро мавриди таҳлил қарор дода, бо мақсади рафъи камбудиҳо ва боз ҳам пурзӯр намудани кору фаъолият ба шахсони масъул супоришҳои мушаххас доданд.
ХАБАРНИГОРИ СОМОНА
