Санаи 12-уми марти соли 2026 дар кафедраи ҷомеашиносии Донишгоҳи давлатии тиббии Хатлон маҳфили адабӣ таҳти унвони “Наврӯз-ҷашни ҷаҳонӣ” баргузор гардид. Чорабинӣ ба истиқболи ҷашни байналмилалии Наврӯз дар доираи нақша-чорабиниҳои донишгоҳӣ ташкил ва баргузор гардид.Дар маҳфил омӯзгорони кафедра, донишҷӯён ва аъзои маҳфили адабӣ фаъолона иштирок намуданд. Маҳфил бо сухани ифтитоҳии мудири кафедраи ҷомеашиносӣ, н.и.ф., дотсент Гулзода А.А. гардида, дар он оид ба аҳаммияти ҷашни Наврӯз ҳамчун мероси гаронбаҳои фарҳанги башарият ва нақши он дар таҳкими дӯстиву ҳамдигарфаҳмии халқҳо таъкид карда шуд.
Дар идомаи маҳфил устодону омӯзгорон ва донишҷӯён бо маърузаҳои ҷолиб баромад намуда, паҳлуҳои гуногуни ҷашни Наврӯзро баррасӣ карданд. Аз ҷумла, маърузаҳо дар мавзуъҳои “Аз таърихи Наврӯз”, “Нақш ва ташаббуси Президенти Ҷумҳурии Тоҷикистон муҳтарам Эмомалӣ Раҳмон дар ҷаҳонӣ гардидани Наврӯз” ва “Фалсафаи ҷашни Наврӯз” ироа гардиданд. Дар ин баромадҳо таъкид шуд, ки Наврӯз яке аз куҳантарин ҷашнҳои фарҳангии мардумони ориётабор буда, аз замонҳои қадим ҳамчун рамзи эҳёи табиат, оғози баҳор, тозагӣ ва навшавии зиндагӣ таҷлил мегардад. |
 |
 |
 |
Хабарнигори сомона