Тавре ки маълум аст, яке аз роҳҳои баланд бардоштани сифати таълим ва тайёр намудани мутахассисони ба талабот ҷавобгӯйи соҳа ин бо китобҳои таълимӣ таъмин намудани донишҷӯён мебошад.
Дар ин замина, санаи 14-уми августи соли 2025 аз муассисаи нашриётии “ГЭОТАР–МЕДИА”, ки давоми чанд сол аст, ки Раёсати донишгоҳ бо он ҳамкориҳои судмандро ба роҳ мондааст, 52 номгӯй китобҳои таълимӣ бо теъдоди 663 нусха бо забони русӣ барои китобхонаи донишгоҳ харидорӣ гардида, дастрас карда шуданд.
Ин иқдом ҳамасола аз ҷониби Раёсати донишгоҳ амалӣ карда мешавад ва ҷиҳати боло бурдани дониши тиббии донишҷӯён аҳаммияти бузурги амалиро доро мебошад.
Хабарнигори сомона.
Санаи 29-уми июли соли 2025, тибқи нақшаи тасдиқгардидаи Вазорати маориф ва илми Ҷумҳурии Тоҷикистон ҷиҳати иҷрои Амри Президенти Ҷумҳурии Тоҷикистон аз 04 марти соли 2005, таҳти № АП – 1677, дар Донишгоҳи давлатии тиббии Хатлон бо иштироки намояндагони Васоити ахбори омма нишасти матбуотӣ доир гардид.
Нишасти матбуотиро муовини ректор оид ба таълим, номзади илмҳои сиёсатшиносӣ, дотсент Аҳмадиён Шодмон Раҷаб оғоз намуда, вобаста ба заминаи моддӣ - техникии донишгоҳ, шумораи донишҷӯён, сатҳу сифати таълим дар донишгоҳ, натиҷаи имтиҳонҳои сессияи зимистона ва тобистонаи донишҷӯён, дастовардҳои илмии ҳайати профессорону омӯзгорон, иштироки донишҷӯён дар озмунҳои ҷумҳуриявӣ ва байналмилалӣ, омодасозии кадрҳои соҳаи тиб, таҳсилоти баъдаздипломӣ, перомуни фаъолияти таълимӣ, тарбиявӣ, илмӣ, муолиҷавӣ, хоҷагидорӣ ва муносибатҳои байналмилалӣ дар шаш моҳи соли 2025 маълумоти муфассал пешниҳод намуд.
Сипас, аз тарафи намояндагони ВАО оид ба паҳлуҳои гуногуни фаъолияти ДДТХ, дастовардҳои донишҷӯёни донишгоҳ дар озмунҳои ҷумҳуриявӣ, шартномаи ҳамкории ДДТХ бо дигар муассисаҳои таҳсилоти олии касбии хориҷӣ, рафти иҷрои Консепсияи давлатии рақамикунонӣ, тартиби супоридан ба зинаи ординатура ба хатмкардагони буҷавӣ ва дигар масъалаҳои корӣ саволҳо дода шуданд.
Ба саволҳои намояндагони ВАО аз ҷониби муовини аввали ректори донишгоҳ ҷавобҳои мушаххас дода шуд.
Хабарнигори сомона.
30-юми сентябри соли 2025 дар Донишгоҳи давлатии тиббии Хатлон бо ташаббуси кафедраи забонҳо маҳфили адабӣ-фарҳангӣ бахшида ба Рӯзи бузургдошти орифи шаҳири Шарқ – Мавлоно Ҷалолиддини Балхӣ баргузор гардид.
29-уми сентябри соли 2025 вохӯрии расмии Раёсати Донишгоҳи давлатии тиббии Хатлон бо намояндагони Донишгоҳи улумпизишкии Теҳрон (Ҷумҳурии Исломии Эрон) ба тариқи маҷозӣ (онлайн) баргузор гардид.