29 марти соли равон дар кафедраи анатомияи нормалӣ, анатомияи топографӣ ва амалияи ҷарроҳӣ, забони лотинӣ маҳфили навбатии «Анатомҳои ҷавон» баргузор гардид. Маҳфилро сардори он, донишҷӯи курси дуюми факултети педиатрӣ - Эргашев И.З. ифтитоҳ намуд.

     Аз рӯи нақша донишҷӯёни курси якуми факултети педиатрӣ Мирзоева Л. ва Мирсаидова Р. дар мавзӯъҳои «Топографии и фасции верхней конечностей» ва «Топографии и фасции нижний конечностей»  бо забони русӣ маърӯза карданд. Ҳамзамон, донишҷӯи курси якуми педиатрӣ Абдуллоева М. дар мавзӯи «Развития и аномалия мышц» маърӯза намуд.

   Сипас барои шавқовар намудани маҳфил ва боз ҳам мустаҳкам кардани дониши аъзои маҳфил оид ба мавзӯи «Миология»  дар шакли викторина саволу ҷавоб  анҷом дода шуд.

   Роҳбари маҳфил омӯзгори кафедраи мазкур - Каримов С.С. викторинаро ҷамъбаст намуда,  гурӯҳҳои 105 ва 107 - ро, ки ба саволҳо ҷавоби пурра гардонида буданд, ғолиб эълон намуд.

   Дар анҷом мудири кафедра - Зарипов И. А. ба маҳфили баргузоргардида баҳои баланд дода, қайд кард, ки гузаронидани чунин маҳфилҳо барои боз ҳам мустаҳкам кардани донишҳои назариявӣ ва амалии донишҷӯён хеле муфид мебошад. 

КАФЕДРАИ

АНАТОМИЯИ НОРМАЛӢ,

АНАТОМИЯИ ТОПОГРАФӢ