Рӯзи 5-уми октябри соли 2016 дар толори фарҳангии Донишгоҳи давлатии тиббии Хатлон бахшида ба Рӯзи забони давлатӣ ва Рӯзи муаллимон маҳфили илмию адабӣ баргузор гардид. Ҷамъомадро бо сухани табрикӣ ректори Донишгоҳи давлатии тиббии Хатлон доктори илмҳои тиб, профессор Убайдулло Қурбон ҳусни оғоз бахшиданд.

Сипас мудири кафедраи забонҳо, доктори илмҳои филология Тағоймуродов Р. дар мавзӯи «Назаре ба мафҳуми «забон»  ва таърифи он», муаллими калони кафедраи забонҳо Қурбонов Х.Ш. дар мавзӯи «Забон – муқаддасоти миллӣ» баромад намуданд.      

Базми шеър    оид ба забон ва  муаллим дар иҷрои донишҷуён Ғайратова Н. (гурӯхи 8-и педиатрӣ), Валиева Ш. (гурӯҳи 7 педиатрӣ), Ҳабибова Зуҳал (гурӯҳи 10-и тиббӣ), Раҷабов Н. (гурӯхи 8-педиатрӣ), Ҳамроев М. (гурӯҳи 10-и тиббӣ),  Абдуллоев М. садо дод. Донишҷӯи гурӯҳи 8-уми тиббӣӣ Қодирова Нигора ва донишҷӯи гурӯҳи 1-уми стоматологӣ бо суруд хотири иштирокчиёнро болида намуданд. Ба чорабинии мазкур ректори Донишгоҳи давлатии тиббии Хатлон доктори илмҳои тиб, профессор Убайдулло Қурбон ҳусни хотима бахшид.

Барандагии маҳфилро донишҷӯи гурӯҳи 8-уми педиатрӣ Ғайратова Наврӯза ва донишҷӯи гурӯҳи 1-уми стоматологӣ Зикиров Икромиддин ба уҳда доштанд.

   Рӯзи 12-уми октябри соли 2016 ҷаласаи навбатии муовинати таълимии ДДТХ баргузор гардид. Дар ҷаласа муовини ректор оид ба таълим д.и.х Ғафуров Б.А., сардори Шуъбаи таълим н.и.т. Қузибоева Н.К., сармутахассис оид ба назорати сифати таълим Одинаев С.П., сардори шуъбаи кадрҳо Шоев Ҳ., декани факултетҳо н.и.т. Саидов И.З., мудирони кафедраҳо ва ҳайати омӯзгорон ширкат доштанд. Масъалаҳои иҷроиши нақшаи таълимӣ, таҳлили сифати таълим ва роҳҳои баланд бардоштани он, вазъи ҳуҷҷатгузорӣ дар кафедраҳо, интизоми кории ҳайати профессорону омӯзгорони донишгоҳ баррасӣ карда шуданд. Муовини ректор оид ба таълим д.и.х Ғафуров Б.А. оид ба рафти иҷроиши нақшаҳои таълимӣ ахбор  дода, қайд намуданд, ки раванди таълим дар ДДТХ ба низоми муайяне даромада истодааст ва бо назардошти  таклифу  пешниҳодҳои мудирони кафедраҳо Низомномаи сабақгардонии донишҷӯ            ён аз фанҳои таълимӣ таҳия карда шуда, барои тасдиқ ба Шӯрои олимони донишгоҳ пешниҳод карда мешавад. Дигар мушкилоти раванди таълим, роҳҳои бартараф намудани онҳо, иштироки донишҷӯён дар дарсҳо, дараҷаи дарсазхудкунии онҳо мавриди муҳокима қарор дода шуд. Ҳамчунин масъалаи аз тарафи кормандони кафедраҳо омода намудани дастуру коркардҳои методӣ аз фанҳои гуногуни таълимӣ ва нашри онҳо баррасӣ карда шуд.

    Сармутахассис оид ба назорати  сифати таълим Одинаев С.П. оид ба сифати таълим дар донишгоҳ маълумот дода қайд намуд, ки мониторинги назорати сифати таълим дар моҳи сентябр гузаронида шуда, аз рӯи он натиҷагирӣ карда шуд. Натиҷаи таҳлили сифати дарсазхудкунии донишҷқён нишон медиҳад, ки  чун анъана сифати дарсазхудкунӣ аз фанҳои назариявӣ (забони тоҷикӣ, русӣ, хориҷӣ, таърихи халқи тоҷик, фарҳангшиносӣ) дар муқоиса бо фанҳои дақиқ (анатомияи одам, биология, химия, информатика) баландтар мебошад.

   Сардори шуъбаи таълим н.и.т. Қузибоева Н.К. оид ба масъалаҳои ҳуҷҷатгузории кафедраҳо, аз ҷумла Низомномаҳои кафедраҳо, барномаҳои таълимӣ,  нақшаҳои корӣ ва инфиродии кафедраҳо, сарбории таълим баромад карданд.

    Ҳамчунин декани факултетҳо н.и.т. Саидов И.З., мудири  кафедраи забонҳо, д.и.т. Тағоймуроводов Р. Ҳ. оид ба масъалаҳои интизоми меҳнат ва дигар масъалаҳои дахлдор баромад карданд.

Имрӯз дар маркази вилояти Хатлон, ш.Қурғон-теппа  ҷаласа оид ба ташкил шудани шурои созмони ҷавонони вилояти Хатлон баргузор гардид. Дар ин чорабинӣ раисони ноҳияҳои вилояти Хатлон, муовинон, раисони шӯъбаҳои кор бо ҷавонон варзиш ва сайёҳии ноҳияҳо, ректорони донишгоҳҳои вилояти Хатлон, сардорони шӯъбаҳои кор бо ҷавонони донишгоҳҳо ва 10 нафар намояндагон аз қатори донишҷӯёни донишгоҳҳо  иштирок карданд. Донишгоҳи давлатии тиббии Хатлонро сардори шӯъбаи таълим, дотсент Кузибоева Н.К, сардори шӯъбаи кор бо ҷавонон донишҷӯи курси 1-уми факултети тиббӣ Раҳимов Х., 10 нафар донишҷӯёни курси 1 факултетҳо муаррифӣ намуданд. Дар ин ҷамъомад масъалаҳои иштироки донишҷӯён дар фаъолияти ҳаррузаи донишгоҳ, ҳаёти ҷамъиятии ҷумҳурӣ, дохил шудани онҳо ба гурӯҳҳои экстремистӣ ва террористӣ, пешгирӣ кардани онҳо ва ба роҳи дуруст мондани фикру ақидаҳои онҳо  баррасӣ шуд. Раиси вилояти Хатлон, Гулаҳмадзода Д.Қ ба маърӯзаи ҷаласа ифтитоҳ бахшид, баъдан дар рафти ҷаласа толибилмон, донишҷӯён ва кормандони донишгоҳҳо оид ба масъалҳои мубрами ҷавонон ва ҷаҳон баромад карда фикру ақидаҳо ва пешниҳодҳои худро манзур карданд. Дар хотима, раис бо назардошти пешниҳодҳо нақшаи кори шӯроро дар давраи аз моҳи сентябри соли 2016 то моҳи декабри соли 2016 барои тасдиқ пешниҳод намуд, ки аз ҷониби шӯро бо як овоз нақшаи кори шӯро тасдиқ шуд.

Шуъбаи таълим

                      Имрӯз дар ДДТХ дар асоси Нақша чорабиниҳои оид ба иҷрои дастуру супоришҳои Президенти ҶТ, Пешвои миллат, муҳтарам Эмомалӣ Раҳмон, ки зимни ҷараёни сафари кориашон ба вилояти Хатлон дар моҳи август – сентябр баён доштанд, вохӯрии донишҷӯёну омӯзгорон бо роҳбарияти мақомоти қудратии ноҳия  дар  мавзуи   сабабу омилҳои шомилшавии ҷавонон ба ҳизбу  ҳаракатҳои ифротӣ, оқибатҳои терроризму  экстримизм ва роҳҳои пешгирии он доир гардид.   Дар чорабинии мазкур  Ҳикматуллозода А.  – прокурори ноҳияи Данғара, Ҳусейнов М.  –сардори шуъбаи амнияти давлатии миллии ноҳияи  Данғара,  Неъмаптзода А.  - сардори шуъбаи корҳои дохилии ноҳияи Данғара ва намояндагони Раёсати кор бо ноболиғон  ва наврасону  ҷавонон ширкат доштанд.

                   Сараввал мушовири ректор А. Азизуллоев  аз номи роҳбарияти донишгоҳ меҳмоноро барои ташрифашон ба донишгоҳи тибби  хайрамақдам гуфта, сипас оид ба мавзуи вохӯри баромад карда, аз ҷумла  чунин қайд намуд. «Имрӯз, дар раванди ҷаҳонишавӣ муқобила ба густариши ақидаву афкори гуногуни бегона бидуни мавҷудияти ақидаи устувор ва мантиқан пурзӯр дар кадом соҳае, ки набошад, ғайриимкон аст. Бинобар ин, ягона роҳ барои хунсо намудани зуҳури ҳар гуна гурӯҳу ҳаракатҳои тундгаро ва ифротӣ, махсусан дар заминаи ақидаҳои динӣ, пеш аз ҳама, мусоидат ба боло бурдани сатҳи донишҳои илмию  дунявӣ  ва ҳамчунин донишҳои динӣ дар чаҳорчӯбаи мазҳаби суннатии мо - ҳанафия мебошад. Ҷилавгирӣ кардан аз ифроту тафрит яке аз омилҳои муҳими ҳифзи ваҳдати миллӣ, суботи ҷомеа ва рушди давлати миллӣ мебошад».

                     Сипас прокурори ноҳия Ҳикматуллозода А. ба сухан баромада, чнин изҳори назар кард. « Имрӯз дар дунё вазъият назар ба солҳои қаблӣ хеле печида, хеле хатарнок ва хеле нозук аст. Ҷангҳои харобовар   як қатор кишварҳои ободу зебо ва муқтадири  мамолики арабро  ба чӣ ҳоле овардааст,  дар ҳар рӯзу ҳар соат қатлу ғорат ва таркишҳои ҷонрабо, дар Афғонистону Покистон авҷ гирифтани террор, афзудани миқдори ҷавонони маргталаб, тарғибу ташвиқи ғояҳои ифротӣ - ҳамаи ин ҳолатҳо нигаронкунанда буда, аҳли ҷомеаро ба ташвиши ҷиддӣ овардааст ва  мутаассифона кишвари тозаистиқлолу озоду биҳиштосои мо низ  аз ин хатарҳо эмин нест. Аз ин хотир, дар ин лаҳзаҳои ҳассос, мардуми Тоҷикистон бояд ҳушёрии сиёсӣ, ватандӯстӣ ва муқаддас донистани арзишҳои миллиро аз манфиатҳои шахсиву гурӯҳӣ ва мазҳабӣ боло гузоранд».  Инчунин сардори шуъбаи КДАМ дар ноҳия Данғара Ҳусейнов М. низ баромад намуда, дар хусуси пайдоиши ҳар гуна ифроту тафритҳо ва ақидаҳои тундгароӣ  ва зуҳуру фаъолгардии гурӯҳу ҳаракатҳои тундгаро, ки ба  халқу миллати мо бегона мебашанд маълумот дод.

                  Лозим ба қайд аст, ки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни мулоқот бо  ҳайати профессорону омӯзгорони  муассисаҳои олии дар ноҳия қарордошта ва  бо  донишҷӯёни   ин  мактабҳои  олию мсиёнаи касбӣ   таъкид  намуда буданд, ки соҳаи маориф дар сиёсати давлатии Ҳукумати Ҷумҳурии Тоҷикистон ҷойгоҳи афзалу бартарро дорад ва минбаъд низ ин мақомро аз даст нахоҳад дод, зеро бе пуштибонӣ аз ин соҳа мо ба рушду пешрафти ҳама соҳаҳои хоҷагии халқ дастрасӣ пайдо нахоҳем кард. Илова бар ин, ба ҷавонони кишвар муроҷиат намуда, аз ҷумла қайд намуданд, ки имрӯзҳо вазъи гаравидани ҷавонон ба равияву созмонҳои иртиҷоӣ бисёр ташвишовар аст. Аз ин лиҳоз, мо бояд барои пешгирӣ кардани ин раванд чораҳои мушаххас андешем. Ҳамчунин ба ҷавонон омӯзонидани касбу кори гуногун, тарбияи онҳо дар рӯҳияи ватандӯстӣ, арҷ гузоштан ба муқаддасоти миллӣ вазифаи аввалиндараҷаи ҳар як фарди худогоҳу ватандӯст мебошад.

                   Оре, бо такя бо суханони Ҷаноби олӣ мутмаинем, ки донишҷӯёни  умедбахши мо вазифаҳои дар пеши худ гузоштаро содиқона иҷро намуда, баҳри дар оянда ба ҳайси табиби варзида ба воя расидан ва минбаъд дар самти солимгардонии ҷомеа нақши сазовор мегузоранд.