Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

     Чи  хеле, ки ҳамагон огоҳӣ доранд, ҳангоми вохӯрии Асозгузори  сулҳу ваҳдати миллӣ, Пешвои миллат,  Президенти  Ҷумҳурии Тоҷикистон,  муҳтарам Эмомалӣ Раҳмон ҳангоми ифтитоҳи маҷмааи таълимии нави Донишгоҳи давлатии тиббии  Хатлон қайд карда шуда буд, ки дар сохтмонҳои  бинноҳои  бунёдшавандаи  донишгоҳ бояд  худи донишҷӯён низ  саҳмгузор бошанд. Рӯзи 13 апрел зиёда аз 100 нафар донишҷӯён дар бинои асосии таълимии донишгоҳ , ки ифтитоҳи он соли 2020 дар назар дошта шудааст, шанбегии умумидонишгоҳӣ  гузарониданд. Дар шанбегӣ кормандони  деканати факултетҳо, иттифоқи касаба ва устодони фанни тарбияи ҷисмонӣ ширкат намуданд.

Деканати факултетҳо

       Волонтиёрони китобхона  дар якҷоягӣ бо кафедраи ҷомеашиносӣ санаи 12-уми апрел рӯзи кайҳонавардонро  дар кафедра қайд намуданд. Волонтиёрони аз ҳисоби донишҷӯёни курси 3-юм буда дар байни донишҷӯёни курси 1-ум бо як маҳорати баланд вобаста ба рӯзи таърихӣ маърӯза, презинтатсия ва викторина омада намуда, баромад намуданд. Донишҷӯён бошанд, бодиққатона гӯш намуданд ва ба онҳо хеле писанд омад. Ба саволҳои викторина бошад, ҷавобҳои саҳеҳ доданд. Ин аз он шаҳодат медиҳад, ки донишҷӯёни мо зираку ҳушёр мебошанд. Қайд кардан зарур аст, ки бо мақсади баланд бардоштани фарҳанги иттилоотии донишҷӯёни Донишгоҳ моҳи 2-юм аст, ки маъмурияти китобхона тасмим гирифтааст, то  рӯзҳои таърихию ҷашниро чӣ дар шакли семинар ва чӣ дар шакли маҳфил зуд-зуд баргузор намояд.

маъмурияти китобхона

                                                                          кафедраи ҷомеашиносӣ

   Санаи 10-уми апрели соли равон дар Донишгоҳи давлатии  тиббии  Хатлон    вохӯрии Ректори ДДТХ, узви вобастаи АИТ  ВТ ва ҲИА ҶТ,  д.и.т., профессор  Убайдулло Қурбон бо  донишҷӯён ва кормандоне,  ки барои дар сатҳи баланд  таҷлил намудани барномаи «Карнавали  Наврӯзӣ» дар шаҳри  Норак саҳм  гузоштаанд, баргузор гардид.

   Ректори донишгоҳ, муҳтарам, Убайдулло Қурбон ба  донишҷӯён,  кормандон  ва созмонҳо ҷамъиятӣ изҳори  миннатдорӣ намуда,  қайд  карданд, ки онҳо  дар ҷашнгирии  Наврӯз, ки имсол дар шаҳри  Норак бо шукӯҳу шаҳомати  зиёд  ҷашн  гирифта шуд,  саҳми  арзандаи худро  гузоштанд. Ҳамчунин  илова  намуданд, ки  бо иштироки худ  дар барномаи  «Карнавали  Наврӯзӣ-2019»  донишҷӯёни мо  аз мактаби бузурги фарҳангӣ  бархурдор гаштанд, ки ин таҷрибаи худро ташаккул дода,  метавонанд  барои  таҷлили сазовори ҷашнҳои дар пеш истодаи кишварамон ва зимни ифтитоҳи бинои асосии донишгоҳи азизамон истифода баранд. Инчунин, ректори донишгоҳ зимни суханронӣ ба волидайни донишҷӯён аз шаҳри Норак, ки донишгоҳро кӯмаку дастгирӣ намуданд, арзи сипоси худро расониданд.
     Дар воқеъ, ҳамаи расму оинҳои наврӯзӣ, ки сарчашмаи бузурги ахлоқию тарбиявӣ, меҳнатдӯстиву ватанпарастӣ, зебоипарастӣ ва эътирофи фарҳанги бузург мебошанд, барои аҳли кормандон ва донишҷӯёни Донишгоҳи давлатии тиббии Хатлон азизу мӯътабаранд.

Муовинати тарбия ва фарҳанги ДДТХ

 

    Санаи 9-уми апрели соли ҷорӣ маҳфили илмӣ дар мавзӯи «Парасторӣ, нигоҳубин ва усулҳои муоинаи беморон» гузаронида шуд. Чорабинӣ аз тарафи кормандони кафедраи фанҳои муолиҷавӣ бо иштироки донишҷӯён баргузор гардид. Маҳфилро ҷонишини декани факултетҳо – Омонов Э. оѓоз намуда, ба аҳли нишаст оид ба тарзи дурусти парасторӣ ва нигоҳубини беморон маълумот дод. Дар рафти маҳфил донишҷӯи курси 2-юми факултети тиббӣ Қудратова Б. доир ба мавзӯи зикршуда ва саломатии инсон баромад карда, аз ҷумла қайд намуд, ки саломатӣ – ин беҳбудии вазъияти пурраи ҷисмонӣ, руҳӣ ва иҷтимоии инсон ба шумор меравад. Саломатии ҳар шахс гавҳарест ноёб, на дар ҷое фурӯхта мешаваду на харида ва нигоҳдории ин ганҷинаи бебаҳо пеш аз ҳама аз худи шахс вобастагӣ дорад.
      Баъд аз маърӯза ва баромадҳо ба ҳозирин филми мустанади таълимие бахшида ба мавзӯи «Парасторӣ, нигоҳубин ва усулҳои муоинаи беморон» намоиш дода шуд. Баъд аз анҷоми филм байни донишҷӯёну устод доир ба мавзӯъ саволу ҷавоб ва баҳсу мунозираҳои ҷолиб сурат гирифт.
    Лозим ба ёдоварист, ки дар маҳфили мазкур наздики 200 нафар донишҷӯёни курсҳои 2- юм ва 3- юм, инчунин устодон аз кафедраҳои гуногун низ иштирок доштанд.

Кафедраи фанҳои муолиҷавӣ
Деканати факултетҳо

Подкатегории