Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

Санаи  05 – уми апрели соли равон  ректори ДДТХ, профессор Убайдулло Қурбон ва  ҳайати намояндагии ДДТХ –ро   Узви Комитети ҳизбии  Донишгоҳи тиббии Синзян, котиби комитети ҳизбии Клиникаи якуми донишгоҳи мазкур, профессор Яо Хуа ба ҳузур пазируфт.

        Дар оғози мулоқот ба намояндагони мо  профессор Яо Хуа доир ба таърихи таъсисёбии беморхонаи клиникии донишгоҳ, ки он соли 1956 сохта ва ба истифода дода шудааст, маълумоти муффасал дод. Аз ҷумла, қайд гардид, ки дар беморхонаи мазкур айни замон 5273 нафар корманд фаъолият менамоянд, ки аз ин теъдод 1485 нафарашонро табибон, 311 нафарашро профессорону дотсентон ва  225 нафарашро роҳбарони илмии аспирантону унвонҷӯён ташкил медиҳад. Ҳамзмон маълумот дода шуд, ки кормандони илмӣ ва табибони беморхона дар ин давом соҳиби зиёда аз 60 номгуӣ ҷоизаҳои давлатию байналмилалӣ гардидаанд. 

           Зимни мулоқот ректори донишгоҳи тиббӣ, профессор Убайдулло Қурбон барои қабул ва муҳтавои мулоқот изҳори сипос намуд. Баъдан  аз мақсади сафари хидматӣ сухан намуда, барои шиносоии бештар аз  фаъолияти пурмаҳсули имрӯзаи Беморхонаи клникии Донишгоҳи тиббии Синзян изҳори  ақида намуд. Ҳамзамон қайд намуд, ки гуруҳи кории ДДТХ барои омӯхтани фаъолияти корӣ ва ошно гаштан аз шароити муосири технологияи беморхона ҳадафи сафари кории худ қарор доданд, то ки дар баробари сохта ва ба истифода дода шудани Бино ва ишоотҳои таълимию клиникии ДДТХ, ин дастовардҳо  ҳамчун намуна  баҳрабардорӣ карда шавад.  

          Дар натиҷаи мулоқот ҷонибҳо бо мақсади таҳким ва рушди ҳамкориҳои минбаъда, оид ба  масъалаҳои бозомӯзии касбии кормандони ДДТХ  ва ҳамзамон дар таҷрибаомӯзии мутахассисон ибрози ақида намуданд. Аз ҷониби роҳбарияти Беморхонаи клиникии ДТС илова карда шуд, ки дар доираи фаъолияти хеш кӯшиш ба харҷ медиҳад, ки ҳамкориҳо боз ҳам ривоҷ ёфта, сатҳу сифати  ин ҳамкориҳо боз ҳам баланд бардошта шаванд.  

 

                

          Сипас, бо роҳбарии профессор Яо Хуа ва намояндагони дигари Беморхонаи клиникии лонишгоҳ як қатор сохторҳо, шуъбаи бемориҳо,  марказҳои озмоишию ташхисӣ аз қабилӣ:

  • Маркази озмоишии тибби исботшуда
  • Маркази озмоишии маводи доруворӣ
  • Маркази тадқиқотии этикӣ / кумитаи этика
  • Шуъбаи мониторинги маводҳои доруворӣ – табобатӣ
  • Шуъбаи тадқиқотии фармасевтӣ
  • Маркази тадқиқотии трансплантатсияи узвҳо
  • Маркази клиникӣ-тадқиқотии беҳисгардонӣ
  • Маркази клиникӣ-тадқиқотии ултрасадо
  • Маркази тадқиқотии гематологӣ
  • Маркази тадқиқотии ташхиси шуоӣ
  • Маркази тадқиқотии дилу рагҳо
  • Озмоишгоҳи пойгоҳии инкубатсионӣ
  • Шуъбаи илмӣ-тадқиқотӣ
  • Маркази тадқиқотии нефрологӣ
  • Озмоишгоҳи калидӣ доир ба эхинококкоз
  • Озмоишгоҳи калидӣ доир ба бемориҳои дилу рагҳо ва инчунин Маркази тибби фосилавии (телемедицина) беморхонаи мазкур, ки аз лиҳози технологӣ бо муосиртарин асбобҳо таҷҳизонида шудааст,  ба гурӯҳи корӣ шинос карда шуданд.

         

Дар хотима барои муносибатҳои минбаъдаи дӯстона лаҳзаи тақдими туҳфаҳои хотиравӣ ва аксбардории якҷоя,  сурат  гирифт.

 

Шуъбаи таҳлил, назорат ва робита бо ҷомеа

   

   Бо мақсади ба роҳ мондани ҳамокриҳои судманд ҳайати корӣ аз ДДТХ ва Институти лоиҳакашии «САНИОСП» таҳти роҳбарии ректори ДДТХ, профессор Убайдулло Қурбон ба Донишгоҳи тиббии Синзян сафар намуданд.

    Дар доираи барномаи сафари корӣ санаи 06 –уми апрели соли ҷорӣ Президенти тозаинтихоби Донишгоҳи тиббии Синзян,  профессор Қайсар Абдукарим ректор ва ҳайати намояндагони  Донишгоҳи давлатии тиббии Хатлонро ба ҳузур пазируфт.

    Саравал профессор Қайсар Абдукарим ташрифи  профессор Убайдулло Қурбон ва ҳамроҳонашонро ба ДТС хайрамақдам гуфта, барои иқдому ташаббус ва изҳори ҳавсамандӣ, ҷиҳати ба роҳ мондани ҳамкориҳо бо  ДДТХ –ро   самимона қабул намуд. Инчунин доир ба ҳамкориҳои бисёрсола ва муносибатҳои хуби бадастомада  аз  ҷониби   ДТС ва ДДТТ ба номи Абӯалӣ ибни Сино   сухан  намуд. 

     Дар навбати худ  профессор Убайдулло Қурбон бо изҳори эҳтиром Қайсар Абдукаримро барои ба тозагӣ ба вазифаи Президенти  Донишгоҳи тиббӣ Синзян таъйин гардиданаш табрику таҳният гуфта, инчунин ба роҳбарияти донишгоҳ, ҷиҳати қабули пешниҳодот ва пазироии самимӣ миннаторӣ  намуд. Ректори ДДТХ профессор Убайдулло Қурбон оид ба мақсади сафари корӣ ва ҳамзамон доир ба  иқдом ва ҳадафҳои созандаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон,   ҷиҳати  таъсис ёфтани  дуюмин  муассисаи олии тиббӣ дар Ҷумҳурии Тоҷикистон маълумот дод.  Илова бар ин, қайд намуд, ки бо шарофати Истиқлолияти давлатӣ  Ҷумҳурии Тоҷикистон рӯз то рӯз мавқеъ ва манзалати худро дар арсаи байналмилалӣ устувор намуда исодааст. Муносибати кишвари мо бо  давлати бузурги Хитой ҳанӯз аз соли 1992 оғоз гардида, дар ин давом созишномаҳои зиёди  судманди байнидавлатӣ ба имзо расонида шудааст, ки бешубҳа имрӯз давлати Хитой яке аз асоситарин шарики стратегӣ ва дар таҳкиму густариши муносибатҳои хуби дӯстона  барои Ҷумҳурии Тоҷикистон ба шумор меравад.

    Дар шароити ҷаҳонишавӣ таҳкими  муносибатҳои бисёрҷонибаи ҳамкориҳо бо ҷомеаи ҷаҳонӣ, бахусус бо кишвари ба мо дӯсту ҳамсоя Ҷумҳурии Халқии Хитой зарурати замон аст. Дар ин бобат ҷорӣ шудани муносибатҳои ДДТХ бо Донишгоҳи  тиббии Синзян, бешубҳа, аз дастовардҳои аввалин дар сатҳи байналмилалии донишгоҳи мо ба ҳисоб меравад, зикр намуд дар идомаи мулоқот,  ректори ДДТХ, профессор Убайдулло Қурбон.

    Зимни мулоқот пешниҳод гардид, ки  тарафҳо метавонанд дар асоси боварӣ ва ҳамкорӣ дар доираи фаъолияти муассисаҳои худ    шартномаҳои судмандро  ба имзо расонанд.   

    Дар охири мулоқот дар фазои расмӣ ҷонибҳо  Шартномаи   ҳамкории дарозмӯҳлатро  доир ба масоили мубодилаи ҳайати профессорону омӯзгорон, кормандони илмӣ,  мубодилаи донишҷӯён,     таълифаоти  маводҳои илмӣ ва тадқиқотӣ, ташкил ва баргузор  намудани барномаҳо, симпозиумҳо, семинарҳо ва конференсияҳои муштараки илмию  фарҳангӣ ва инчунин оид ба масъалаҳои расонидани кӯмакҳои моддӣ, ки барои Донишгоҳи давлатии тиббии Хатлон мусоидат менамоянд,  ба имзо расониданд.

    Лозим ба қайд аст, ки  чунин шартнома   пеш аз ҳама барои барқарор намудани муносибатҳои ҳамкорӣ дар соҳаи таълим, илм, муолиҷа, мубодилаи донишҷӯён ва ташкили  корҳои фарҳангӣ  байни Донишгоҳи тиббии Синзян ва Донишгоҳи давлатии тиббии Хатлон дар доираи манфиатҳои мутақобила арзёбӣ мегардад.

    Ҳамин тариқ, мулоқот дар фазои хусни тафоҳум ва созанда ба анҷом расида,  барои изҳорӣ дӯстӣ ба ҳамдигар туҳфаҳои хотиравӣ супориданд.

Шуъбаи таҳлил, назорат ва робита бо ҷомеа

Рӯзи 13-уми апрели соли 2017 вазири корҳои дохилии Ҷумҳурии Тоҷикистон Рамазон Раҳимзода, раиси ноҳияи Данғара Сайдализода Маҳмадулло, сардори ШВКД-и ноҳияи Данғара Алишер Неъматзода ва як гурӯҳи ҳамроҳонашон ба мақсади шиносоӣ ба Донишгоҳи давлатии тиббии Хатлон    ташриф оварданд. Вазир ва ҳамроҳонаш аз биноҳои таълимӣ, раёсат, синфхонаҳо, толорҳои лексионӣ, китобхона дидан намуда, аз рафти фаъолияти ин донишгоҳи нахустини тиббии вилояти Хатлон изҳори қаноатмандӣ намуданд.

 

Санаи 11.04.2017сол дар хобгоҳи ДДТХ санҷиш оиди вазъи беҳдошт ва риояи гигиенаи шахсии донишҷӯён гузаронида шуд. Мақсади  гузаронидани санҷиш ташфиқ намудани донишҷӯён ба тарзи ҳаёти солим ва риояи гигиенаи шахсӣ мебошад.

Гигиена (аз забони юнонӣ –“солим”) соҳаи донишҳои тиббӣ мебошад, ки алоқамандӣ ва ҳамкории инсон ва ҷомеаи инсониро бо табиат ва муҳити атроф омўхта, барои солим намудани шароити зиндагӣ меъёрҳои амалиро муқаррар менамояд.

Дар воқеъ гигиенаи шахсӣ яке аз омилҳои муҳими ҳифзи саломатӣ ва тарбияи насли ҷавон мебошад. Иҷро намудаи таъиноти гигиенӣ, ки барои инсон мушкилу заҳматталаб нестанд, барои ҳифзи саломатӣ, вусъати қобилияти азхудкунии дониш ва инкишофи мўътадили ҷисми донишҷӯён имконият медиҳанд.

Натиҷаҳои санҷиш нишон доданд, ки вазъияти риояи беҳдошт имрӯз дар хобгоҳи донишгоҳ ба талабот ҷавобгӯ ҳастанд. Аз рӯи натиҷаи санҷиш ҳуҷраи беҳтарин ва намунавӣ муайян карда шуд, ки ҳуҷраи №103 мебошад. Дар он донишҷӯён Шокирова Марҷона, Машрапова Муқаддас, Аҳмадова Фаришта ва Шокирова Меҳрангез истиқомат мекунанд.

Бо мақсади боз ҳам беҳтар гардонидани вазъи беҳдошти ҳуҷраҳо ва таҳким бахшидани корҳои фаҳмондадиҳӣ бо донишҷӯён сӯҳбат гузаронида шуда, ҳамзамон ба онҳо маслиҳатҳои муфид дода шуданд.

 Шӯрои занон ва духтарони ДДТХ

Подкатегории