Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

        Ба маълумоти омӯзгорон ва донишҷӯён расонида мешавад, ки санаи 16.11.2016 дар Донишгоҳ Рӯзи Президенти Ҷумҳурии Тоҷикистон  ҷашн гирифта мешавад. Барои боз ҳам хотирмон гузаштани ин рӯзи таърихӣ дар толори Китобхонаи Донишгоҳ намоиши китобҳои  Асосгузори сулҳу ваҳдати миллӣ, Пешвои миллат, Ҷаноби Олӣ Эмомалӣ Раҳмон гузаронида мешавад. Хоҳишмандон метавонанд ба толори хониши Китобхона омада аз осор ва зиндагиномаи ин шахси бузург огаҳӣ ёбанд.

                                                                                                Маъмурияти Китобхона

 

 

    Варзиш ин амал ё фаъолиятест, ки    аз замонҳои хеле қадим дар байни одамон ба вуҷуд омада, таърихи хеле тӯлонӣ ва сабақомӯзе дорад. Масалан, аллакай дар Юнони Қадим  бозиҳои олимпӣ гузаронида мешуд. Ҳангоми гузаронидани ин бозиҳои варзишӣ   амалиётҳои  ҷангӣ қатъ мегаштанд ва ин бозиҳо тамоми юнониёнро ба якдигар муттаҳид  менамуданд.

   Имрӯз  варзиш   ягона сафирест, ки имконияти аз байн бурдани низову  нифоқро  дар байни одамон  дорад. Шукри    истиқлолият,  ваҳдати миллӣ ва фазои сулҳу суббот, ки ба мо аз тарафи Асосгузори сулҳу ваҳдати миллӣ , Пешвои миллат,  муҳтарам Ҷаноби Олӣ,  Эмомалӣ Раҳмон,  махсусан дар соҳаи варзиш дастгириҳои беназир  шуда  истодааст. Имсол дар ноҳияи Данғара  маҷмуаи варзишие кушода шуд, ки имконияти гузаронидани мусобиқаҳои байналмилалии сатҳи ҷаҳониро дорад.  Бинои нави  асосии ДДД, ки бо толори варзишии  ҳозирамон муҷаҳаз гардонида шудааст,  ба истифода дода шуд. Ин ҳама ба хотири тарзи  ҳаёти солимро интихоб намудани шаҳрвандон ва донишҷӯён ва аз ҳама гуна корҳои ношоям  ва ба гурӯҳҳои   ифротгаро ва дасисаҷӯй  шомил нашудани онҳо  мебошад.

    Раёсати ДДТХ ва раёсати ДДД дар якҷоягӣ бо бахши ҷавонон,  варзиш ва саёҳии  Данғара  тибқи нақша - чорабиниҳои Дастгоҳи иҷроияи Президенти ҶТ бахшида ба Рӯзи Президент  12-уми ноябри соли 2016 дар варзишгоҳи марказии ноҳияи Данғара мусобиқаи футболро байни дастаҳои яккачини Донишгоҳи давлатии тиббии Хатлон ва Донишгоҳи давлатии Данғара баргузор намуд. Албатта, ин мусобиқа барои боз ҳам ба ҳам наздик намудан ва мустаҳкам кардани дӯстию рафоқати ин ду таълимгоҳи олии ноҳия заминаи мустаҳкаме гузошт. Гарчанде дастаи навтъасиси ДДТХ бозиро   бохта бошад ҳам, ин барои ҷавонони ҳарду донишгоҳ сабақи бузурги хештаншиносӣ, рафоқату муттаҳидӣ гардид.

 

Шарипова Дилафрӯз, Қаюмов Сино - донишҷӯёни гурӯҳи 7-8-уми тиббӣ

   

    Ҳар як инсон ба ду навъи ғизо зарурат дорад - ғизои моддӣ ва ғизои маънавӣ. Барои ғизои маънавӣ донишҷуён паси курсӣ дар китобхона  ва дар  дарсҳо нишаста сабақ мегиранд, барои ғизои моддӣ бошад, солим гардонидани руҳу ҷисми онҳо зарур аст, яъне ба қавли Ибни Сино:«Агар хоҳед, ки шуморо ба табиб зарурат набошад, ба варзиш машғул шавед». Дар ин росто мувофиқи супориши раёсати донишгоҳ бахшида ба рӯзи Конститутсияи ҶТ, мусобиқаи варзишӣ аз рӯи  намуди футбол  байни донишҷӯёни факултаҳои ДДТХ ба нақша гирифта шуд.

   Низомнома ва тартиби гузаронидани бозии футбол таҳия карда шуда, аз 24-уми октябр то 7-уми ноябри соли 2016 мусобиқаи футбол байни дастаҳои факултетҳо дар майдони варзишии ДДТХ баргузор гардид. Дар мусобиқа 12 дастаи факултаҳои тиббӣ, педиатрӣ ва стоматологӣ иштирок намуданд.  Ба бозии финалӣ дастаҳои гурӯҳҳои 7-8-уми тиббӣ ва 3-4уми тиббӣ роҳ ёфтанд. Баъди баргузории бозии финалӣ дастаи гурӯҳҳои 7-8-уми тиббӣ ҷойи якум, дастаи гуруҳҳои  3-4уми тиббӣ ҷойи дуюм ва дастаҳои гурӯҳҳои 5-6-уми тиббӣ ва 1-2-и тиббӣ ҷойи сеюмро ишғол намуданд. Дар ҷамъбасти мусобиқа муовини ректор оид ба таълим Ғафуров Б.А., раиси иттифоқҳои касабаи кормандону донишҷӯён Мамадалиева С.А. иштирок намуда, ғолибони мусобиқаро бо туҳфаҳои хотиравӣ ва ифтихорнома сарфароз намуданд.

   Мақсади   ташкили  бозиҳо  дар байни донишҷӯён  бедор намудани ҳисси масъулият, ҳамдигарфаҳмӣ ва пурқувваттар намудани  дӯстию бародарӣ дар байни онҳо мебошад. Ҳамзамон донишҷӯён   варзиш, ҳаёти солим, муҳити солимро пайгирӣ   намуда, аз амалҳои ғайриахлоқӣ дурӣ ҷӯянд. Дар оянда низ дар ҷамъият  адои вазифа намуда, мутахасисони хубу солим  ба воя бирасанд, дар байни ҷомеа соҳиби обрӯю мартабаи баланд гарданд ва ба давлату миллати худ хизмати сазовор намоянд.

 

Нуров Маъруф – донишҷӯи гурӯҳи 10-уми факултети тиббии ДДТХ

Марги соҳибдил ҷаҳонеро далели кулфат аст,

Шамъ чун хомӯш гардад, доғи маҳфил мешавад.

    Боиси таассуф ва андӯҳи бузурги устодони  Донишгоҳи давлатии тиббии Хатлон ва кулли мардуми Тоҷикистон аст, ки марг рӯзи 31-ми октябр аз миёни мо фардеро рабуд, ки аз барозандагони тоҷу тахти бартарӣ ва сафороёни маъракаи давлату раиятпарварӣ буд ва ниҳоли бахташ аз тарбияти баҳори камолот тарбия ёфтаву арсаи тӯлу арзи қаламрави ахлоқу одоб ва фурӯтаниву хоксорияш аз сарҳади тасаввур фаротар гардан мекашид.

   Шахсе рӯ ба ниқоби хок кашид, ки ганҷинаи табъи салимаш аз зару сими хираду дониш ба он ҳад  саршор буд, ки агар тӯтии нутқро дар шакаристони маҳфил мутакаллим месохт, аз резиши найсони каломаш садафи ҳушу равони гавҳарсанҷони ҳар маҳфил моломоли дурру марворили обдори балоғату фасоҳат мегардид ва агар ҳумои отифату насиҳаташ бар ҳар саре сояи боли иноят меафканд, дар маъракаи арҷмандӣ сарфароз мегашту ба манзили мақсуд мерасид.

    Номваре аз байни мо рафт, ки офтоби оламтоби вуҷуди масъудаш машриқорои сипеҳри ҳастӣ буд ва дар арсаи ҳар диле, ки партави хуршеди ҷонбахшаш метофт, анвори таҷаллиёти фуюзоти ҷовидониро дармеёфт ва агар насими панду андарзаш гулшани ҳар дилеро хуррамӣ мебахшид, аз осебу зиёни ҳеҷ хазоне хиҷолати зардрӯӣ намекашид.

Ба дигар сухан:

                        Китоби фазли варо оби баҳр кофӣ нест,

Ки тар кунӣ сари ангушту сафҳа бишморӣ.

 

    Ин ганҷури хизонаи хираду доноӣ ва ғаввоси баҳри басорату биноӣ, ки аз партави назари кимиёасари нурфизои соҳати саодатмандӣ баҳравар гашта буд, РАМАЗОН ҒОЗИЕВ (1. 08. 1946 - 31. 10. 2016) буд. Номбурда, ки  солиёни зиёд бо шаҳди нигоҳу гуфтори хеш коми ташнаи шогирдон ва ҳамсуҳбатони хешро дар ҷумҳурӣ, ба вижа дар Донишгоҳи давлатии тиббии Тоҷикистон ба номи Абӯалӣ ибни Сино, шодоб месохт, кунун дар байни мо нест.

   РАМАЗОН ҒОЗИЕВ, бо назардошти соҳибтаҷрибаву огоҳдил буданаш, ҳар куҷо, ки ба фаъолият мепардохт, дар мақоми иззу эҳтиром ва мулотифату икром қарор дошт. Аз сабаби он ки фаъолияти ин абармард бисёрҷабҳаву гуногуннавъ аст, баррасии ҳамаи онҳо фароғи хотир ва фурсати бештареро тақозо мекунад, ки ин таъзиянома маҷоли бардошти ҳамаи онҳоро надорад. Ин ҷо бо истифода ва такя ба мақоли «Мушт намунаи хирвор аст» фақат ба таври иҷмол арз медорем, ки марҳум ҳангоми дар Донишгоҳи давлатии тиббии Тоҷикистон фаъолият карданаш , аз соли 2011 то соли 2016, мушовири собиқ ректори ДДТТ ба номи Абӯалӣ ибни Сино - Убайдулло Қурбон - роҷеъ ба масъалаҳои тарбиявӣ буда, дар ин замина бо ибтикороти хеш ба роҳандозӣ ва таъсиси китобхонае таҳти унвони «Асрори дониш» дар ноҳияи Муъминобод муваффақ шуд. Ҳамчунин ташкили маҳфилҳое таҳти номҳои «Масъалаҳои равонӣ бо донишҷӯён»,  «21 сифати роҳбар» ва «Зан - роҳбар»  дар ДДТТ ба номи Абӯалӣ ибни Сино аз ибтикороти ӯст. Вазифаи раиси Шӯрои мураббёни ДДТТ ба номи Абӯалӣ ибни Сино бар дӯши вай гузошта шуда буд.

   Ҳукумати Ҷумҳурии Тоҷикистон хидматҳои шоиста ва бенуқсони Рамазон Ғозиевро дар самту соҳаҳои гуногун ба эътибор гирифта, ӯро бо як қатор мукофоту ҷоизаҳои давлатӣ сарфароз гардондааст.

   Раёсат, ҳайати профессорону устодон, шогирдон, созмонҳои ҷамъиятӣ ва кулли кормандони Донишгоҳи давлатии тиббии Хатлон аз фавти ин шахсияти оқилу фарзона, устоди сахтгиру меҳрубон, масъулиятшиноси камназир ва фарди хоксору накусияр – РАМАЗОН ҒОЗИЕВ сахт андӯҳгин буда, ба хешу табор ва кулли пайвандони марҳум шикебоии зеборо таманно доранд ва якдилона аз забони шоир мегӯянд:

Кай нутқи марди маърака вассофи қадри ӯст,

Берун бувад сифоти вай аз маркази қиёс.

Дар остони қадри ҷалолаш намерасад,

Гар сад ҳазор сол парад тоири қиёс.

Сармашқи тозарӯии фирдавси роҳат аст,

Ҳар дил, ки нақди бандагияш кард иқтибос.

Ҳар чини ӯ ба номаи озодагӣ хатест,

Пешоние, ки хоки суҷудаш бувад масос.

Мақбули коиноту сазовори ҷаннат аст,

Ҳар муқбиле, ки бар дари ӯ гашт рӯшинос.

 

Раёсати ДДТХ

Подкатегории