Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

Даври хотимавии олимпиадаи донишҷӯёни муассисаҳои таҳсилоти олии касбии Ҷумҳурии Тоҷикистон аз фанҳои забон ва адабиёти тоҷик, забони англисӣ, забони русӣ, технологияи информатсионӣ, таърихи халқи тоҷик, математика, физика, химия, биология-экология  21-22 апрели соли 2017 дар Донишгоҳи давлатии Кӯлоб ба номи А. Рӯдакӣ баргузор гардид. Аз Донишгоҳи давлатии тиббии Хатлон муовини ректор оид ба таълим ­Ғафуров Б. А., мудири кафедраи фанҳои ҷомеъашиносӣ н.и.ф.,дотсент Гулов А.А., мудири кафедраи забонҳо д.и.ф.,дотсент Тағоймуродов Р.Ҳ, мудири кафедраи химия ва биологияи тиббӣ н.и.б.,дотсент Чориев С.А, мудири кафедраи физикаи тиббӣ ва информатика н.и.ф-м.,дотсент Ситамов С, омӯзгори фанни забони русӣ дотсент Должикова В.А., Омӯзгори фанни забони англисӣ Мамадалиева С.А ва донишҷӯён Комилова Бибисоро аз фанни   забон ва адабиёти тоҷик, Тоҷибоева Наима аз фанни   забони русӣ, Ҳамроев Муҳаммадзамон аз фанни   забони англисӣ, Тоатов Шаҳром аз  фанни   таърихи  халқи тоҷик, Абдуллоев Муҳибулло аз  фанни  биология ва экология, Абдуқаюмов Отаҷон аз фанни  химия,  Ҷобири Қурбоналӣ аз фанни  физика,Ҳомидов Хайём аз фанни  математика, Сафаров Ҳусейн аз фанни   технологияи информатсионӣ барои шитрок дар олимпиада сафарбар карда шуданд.  Қайд кардан зарур аст, ки дар олимпиадаи мазкур донишҷӯёни зиёда аз 30 муассисаҳои таҳсилоти олии касбии Ҷумҳурии Тоҷикистон иштирок намуданд.  Санҷиши натиҷаи дониши донишҷӯён ба тариқи тестӣ аз фанҳои химия, биология ва экология, физика, математика, таърихи халқи тоҷик, назарияи иҷқтисодӣ, технологияи информатсионӣ ва эссе аз фанҳои забон ва адабиёти тоҷик,забони англисӣ ва забони русӣ гузаронида шуд. Баъди санҷиши натиҷаи онҳо ва ҷамъбасти озмун ғолибони зерин аз донишгоҳи мо муқаррар гардиданд:

  1. Комилова Бибисоро – ҷойи дуюм аз фанни забону адабиёти тоҷик.
  2. Абдуллоев Муҳибулло - ҷойи чорум аз фанни биология
  3. Ҷобири Қурбоналӣ - ҷойи чорум аз фанни физика

 

Дар ҷаласаи ҷамъбастии олимпиада Вазири маориф ва илми Ҷумҳурии Тоҷикистон Нуриддин Саид иштирок намуда, ғолибонро табрик намуда, ҳамзамон ҳадафу дурнамои баргузории олимпиадаи донишҷӯёни муассисаҳои таҳсилоти олии касбии Ҷумҳурии Тоҷикистонро баррасӣ намуданд. Дар охир ба ғолибони озмунҳо туҳфаҳои хотиравӣ супорида шуд.

 

Шуъбаи таълим

Рӯзҳои 21-22 апрели соли 2017 дар Донишгоҳи давлатии Кӯлоб ба номи А. Рӯдакӣ даври хотимавии олимпиадаи донишҷӯёни муассисаҳои таҳсилоти олии касбии Ҷумҳурии Тоҷикистон аз фанҳои забон ва адабиёти тоҷик, забони англисӣ, забони русӣ, технологияи информатсионӣ, таърихи халқи тоҷик, математика, физика, химия, биология-экология баргузор гардид.

Аз фанни забону адабиёти тоҷик донишҷӯи гурӯҳи 1—уми тиббӣ Комилова Бибисоро ширкат намуд. Дар олимпиада намояндагони зиёда аз 30 муассисаҳои таҳсилоти олии касбии Ҷумҳурии Тоҷикистон иштирок доштанд, ки рақобат бо чунин рақибони пурзӯр албатта, аз ҳар як донишҷӯ амиқ донистани фанни марбутаро талаб менамуд. Ин аст, ки қалби Бибисороро як ҳаяҷону ларзиши сабӯке фаро гирифта бошад ҳам, бо ғайрату азми гурдофаридӣ ба иҷрои шарти асосии озмун- навиштани эссе дар мавзӯи “Истиқбол аз Истиқлол” шурӯъ намуд. То фаҳмидани натиҷаи кори хаттӣ  изтироби қалбаш паст намешуд, чунки рақибон арзанда ва аксаран аз факултетҳои филологии муассисаҳои таълимӣ буданд, аммо аз навиштаҳои хеш сахт боварӣ дошт. Ниҳоят натиҷаи тафтиши корҳои хаттиро эълон намудан. Се нафар – Саидова Матлуба аз Донишгоҳи давлатии Кӯлоб, Саидов Мирҳодоятулло аз Донишкадаи исломии Тоҷикистон ва Комилова Бибисоро аз Донишгоҳи давлатии тиббии Хатлон сазовори баҳои “аъло” шуданд.  Албатта, ин мувафақияти бузурге буд ва аз рӯи шартҳои иловагии озмун Бибисоро сазовори ҷойи дуюм гардид. Аз хурсандӣ ҷойи нишаст намеёфт, зеро дар байни чунин рақибони пурзӯру арзанда сазовор гаштан ба ҷойи дуюм дар ҳақиқат ғолибияти наҷибе буд.

Аз номи кулли ҳайати профессорону омӯзгорон ва муҳассилини донишгоҳ Бибисоро Комиловаро барои ғолияташ дар даври хотимавии олимпиадаи донишҷӯёни муассисаҳои таҳсилоти олии касбии Ҷумҳурии Тоҷикистон табрику муборакбод намуда, дар таҳсилу зиндагии шахсияш барору комёбиҳоро таманно дорем. Ғолибият муборак, Бибисоро!

 

Кафедраи забонҳо

     

     Имрӯз 22 - апрели соли 2017   ҷиҳати иҷрои дастуру супоришҳои   Асосгузори сулҳу ваҳдати миллӣ, Пешвои миллат, Президенти Ҷумҳурии Тоxикистон муҳтарам Эмомалӣ Раҳмон  ба корҳои сохмонии Бинои маъмурии ДДТХ  ҳусни оғоз бахшида шуд.  Дар маросими тантанавии оғози корҳои сохтмонӣ - мушовири    Президенти Ҷумҳурии Тоҷкистон Асадулло Раҳмон, роҳбари Дирексияи сохмонии иншоотҳои ҳукуматии Дастгоҳи иҷроияи Президенти Ҷумҳурии Тоҷикистон Раҷабалӣ Сайдвализода, раиси ноҳияи Данғара Маҳмадулло Сайдализода, намояндагони Кумитаи меъмории назди Ҳукумати ҶТ, намояндагони Вазорати тандурустӣ ва ҳифзи иҷтимоии аҳолии Тоҷикистон, инчунин  ректори  ДДТХ, профессор Убайдулло Қурбон ва дигар аъзои раёсати донишгоҳ  иштирок доштанд.

       Ёдовар мешавем, ки 30 – юми августи соли гузашта, аз ҷониби  Пешвои миллат, муҳтарам Эмомалӣ Раҳмон дар минтақаи заминҳои барои  сохтмони иншооти Донишгоҳи давлатии тиббии Хатлон ҷудогашта,  нома ба наслҳои оянда ва  санги асоси ин маҳзани илму маърифат  гузошта шуда буд.  

    Бояд гуфт, ки масоҳати замини аз ҷониби Ҳукумати мамлакат барои сохтмони иншоотҳои Донишгоҳи давлатии тиббии Хатлон ҷудошуда,  тақрибан аз 7 гектар иборат мебошад.  Дар ҳудуди он имкони пурра сохта ба истифода додани биноҳои таълимию маишии  Донишгоҳ  мавҷуд аст, ки дар ояндаи наздик метавонад ин мавзеъ ба як шаҳраки хубу зебои тиббии ҷавобгӯ ба меъёрҳои   байналмилалӣ мубаддал гардад.

     Дар сохтмони муассисаи таҳсилоти олии тиббӣ, ки дар ноҳияи Данғара  барои фарогирии беш аз  4000 ҳазор донишҷӯ бунёд мегардад, аз рӯи талаботи меъёрҳо дар нақшаи генералии он  мақсади фаъолияти бахшҳои гуногуни донишгоҳ ва хусусияти минтақабандии функсионалии он  ба эътибор гирифта шудаанд. 

    Мавриди зикр аст, ки бинои маъмурии донишгоҳ, ки мувофиқи тарҳи меъмории муосир аз ду қисмати ба ҳам пайваст иборат мебошад, қисмати марказии он дорои  9 ошёна буда,  қисматҳои паҳлуии он ҳафтошёна мебошад.   

    Раёсати ДДТХ ташаббуси хирадмандонаи Пешвои миллатро нисбати рушду таҳкими соҳаи тандурустии кишвари азизамон ҷонибдорӣ намуда, омодааст, ки  бо истифода аз   имконоти васеи зеҳнӣ ва таҷрибаи андӯхта,  фаъолияти бемайлони  Донишгоҳи  давлатии тиббии  Хатлонро   таъмин намояд.

 

 Шуъбаи таҳлил, назорат ва робита бо ҷомеа

       

       

     Рӯзи 21-уми апрели соли 2017 дарси кушоди доктори илмҳои таърих, профессор Абдуназаров Х. оид ба муаррифи китоби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Тоҷикон дар оинаи таърих»  дар гурӯҳҳои 7-10-уми факултети тиббӣ, 7-10-уми факултети педиатрӣ, 3-4-уми факултети стоматологӣ баргузор  гардид. Дар дарс сармутахассиси назорати сифати таълим Одинаев С.П., саромӯзгори кафедраи забонҳо Қурбонов Х.Ш., омӯзгори кафедраи химия ва биологияи тиббӣ Иброҳимов Р. иштирок намуданд. Профессор Абдуназаров Х. оид ба китоби мазкур сарвари давлат маълумот дода, аҳамияти махсуси илмиву таърихӣ, нақши онро дар худшиносӣ, ҳуввияти миллии мардуми тоҷик қайд намуданд. Аз рӯи слайдҳои пешниҳодшуда маълум гардид, ки бо пешниҳоди профессор Абдуназаров Х. чоргонаи китобҳои машҳури илмиву таърихии дар тӯли таърихи илму маданияти тоҷикон аҳамияти калондошта эътироф гардиданд. Ба ин чоргона китобҳои зерин шомил гардиданд: 1. Китоби муқаддаси ойини зардуштиён «Авесто»; 2.  Шоҳасари Аблуқосим Фирдавсӣ – «Шоҳнома»; 3. Китоби «Тоҷикон»-и Бобоҷон Ғафуров; 4) Китоби «Тоҷикон дар оинаи таърих»-и Президенти Ҷумҳурии Тоҷикистон Эмомалӣ Раҳмон. Сипас дар бораи аҳамияти таърихии ҳар яке аз ин шоҳасарҳо сухан ронда, нақши ҳар яке аз онҳоро дар муаррифии тамаддуну маднияти мардуми эронинажод қайд намуданд.

 

Шуъбаи таълим

Подкатегории