Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

Дар таърихи 2 июни соли 2017 дар Донишгоҳ вохӯрии устодон ва донишҷӯён бо духтур ва олими ҷавони тоҷик, номзади илмҳои тиб Нуралиев Зафар Файзиддинович, ки зодаи н.Данғара мебошад ва дар айни замон дар Ҷумҳурии Федеративии Олмон кору фаъолият мекунад, баргузор гардид. Вохӯриро бо сухани ифтитоҳӣ декани факултетҳо Саидов И.З. ҳусни оғоз бахшида “меҳмон”-и гиромиро аз номи раёсати донишгоҳ хайра мақдам гуфта ва ба ҳозирин муаррифӣ карданд.

Сипас риштаи сухан  ба устод Зафар Нуралиев дода шуд. Мавсуф қайд карданд, ки соли 1998 баъди хатми мактаби миёна дар ноҳияи Данғара ба Донишгоҳи давлатии тиббии Тоҷикистон ба номи Абӯалӣ ибни Сино дохил шудааст.Соли 2006 факултети тиббии Донишгоҳро бо дипломи аъло хатм намуда ба аспирантураи рӯзонаи кафедраи бемориҳои ҷарроҳии № 2 шомил шуда,  таҳти роҳбарии доктори илмҳои тиб, профессор Убайдулло Қурбон корҳои илмӣ-тадқиқотиро дар мавзӯи «Муолиҷаи ҷарроҳии нуқсонҳо ва деформатсияҳои посттравматикии суфраи гӯш» бо ҳимояи рисолаи номзадӣ ба анҷом расонидааст. Дар вақти таҳсил дар донишгоҳ ба омӯзиши забони олмонӣ низ шавқу рағбати зиёд пайдо кардааст ва баъд аз гузаштани давраи таҷрибаомӯзӣ, бомуваффақият супоридани санҷишу имтиҳонҳо, имконияти ба ҳайсияти духтур кор кардан  дар Аврупо ба ӯ муяссар гардидааст. Инак, муддати 7 сол мешавад, ки ӯ дар шаҳри Бремени Олмон кору зиндагӣ дорад.

Дар рафти суҳбат донишҷӯён аз тарзи  таҳсил ва натиҷагирӣ дар коллеҷу донишгоҳҳои тиббӣ, дастрасии хизматрасонии тиббӣ ба аҳолӣ, манбаъҳои маблағгузории соҳаи тандурустӣ, фаъолияти табибон ва муассисаҳои тиббӣ, роҳҳои ташхису табобат, муносибату муоширати духтурону маризон дар Олмон огаҳӣ пайдо карда, ба саволҳои худ посухҳои мушаххас гирифтанд.

Дар фароварди вохӯрӣ устод Зафар Нуралиев аз ҷумла афзуданд, ки: «Ман аз таъсиси Донишгоҳи давлатии тиббии Хатлон,  бо ибтикори Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар зодгоҳи азизам хеле шод ва масрур гаштам. Орзуманд ва некбинам, ки  Шумо донишҷӯёни аввалини ин Донишгоҳи навтаъсис бо аз бар намудани донишу малакаҳои зарурӣ дар ояндаи наздик ба дараҷаи мутахассисони баландихтисос комёб мегардед ва муаррифгари давлату миллати шарафмандамон дар арсаи тибби ҷаҳонӣ мешавед». 

Декани факултетҳо

 

Дар ҷавонӣ саъй кун гар бехалал хоҳӣ амал,

Мева бенуқсон бувад, чун аз дарахти навбар аст. 

        Дар ҳама давру замон айёми донишҷӯӣ айёми беҳтарини ҳаёти инсон, давраи бозёфтҳои нодири ҳаёт ба ҳисоб меравад. Инчунин давраи донишҷӯиро давраи тиллоӣ ва фаромӯшнопазир номидан мумкин аст, зеро ҳангоми калимаи “донишҷӯ”−ро шунидан ҷавонӣ, шодиву хурсандӣ, донишандӯзӣ, саъю талош, дастовардҳои беназир ва умеду орзуҳои нек барои оянда пеши назар меоянд. Дар ҳақиқат  касеро, ки сазовори номи донишҷӯ шудан насибаш гаштааст ва аз давраи донишҷӯӣ баҳра гирифтааст, хушбахттарин инсон шуморидан мумкин аст.                                

     Боиси хушнудист, ки аз ҷониби Ҳукумати Ҷумҳурии Тоҷикистон барои таҳсили илм, баланд бардоштани сатҳи маърифат ва дар оянда соҳибкасб шудани духтарон шароит фароҳам оварда шудааст ва ба рушду такомули онҳо диққати махсус дода мешавад. Ҷудо намудани квотаҳои Президентӣ ба духтарон аз ноҳияҳои дурдаст гувоҳи ин гуфтаҳост.             

     Президенти кишвар, Пешвои муаззами мо, Ҷаноби Олӣ, мӯҳтарам Эмомалӣ Раҳмон хирадмандона таъкид кардаанд: “Пеш аз хонадоршавӣ ва созмон додани оила ҷавонон бояд ба зиндагии мустақилона омода бошанд. Падару модарон вазъиятро ҳаматарафа омӯхта, сипас ба оиладор шудани ҷавонон кӯмак расонанд. Баъзе модарон ба духтарони худ маданияти оиладорӣ ва тарзи дурусти рӯзгордориро ёд намедиҳанд, яъне онҳоро ба ҳаёти мустақилона омода намекунанд. Табиист, ки дар чунин оилаҳои ҷавон муноқишаву низоъҳо сар мезананд ва дар баъзе ҳолатҳо бо пошхӯрии оила меанҷоманд.”                     Бо назардошти чунин гуфтаҳои оқилона ба чунин хулоса омадан мумкин аст, ки волидон бояд барои оиладор намудани духтарони худ ба саросемагӣ роҳ надиҳанд. То он вақте, ки духтар донишгоҳро хатм менамояд, соҳиби касби муайяне мегардад, падару модарон дар навбати худ метавонанд ба онҳо одоби оиладорӣ, рӯзгордорӣ, пухтупаз ва дигар корҳои ба зан хосро омӯзонанд.

      Дар замони муосир, ки илму техника босуръат инкишоф ёфта истодааст, донишҷӯдухтар аз омӯхтани технологияҳои муосир канораҷӯӣ нанамояд. Забонҳои хориҷиро аз худ намояд. Аз истифодабарии компютер ва интернет ба хубӣ баромада тавонад.

        Таърихи ҷомеаи ҷаҳон занонеро медонад, ки дар инкишофи илму техника саҳми назаррас расонидаанд. Аз ҷумла, Ада Лавлейс риёзидон ва нахустин барномасоз дар ҷаҳон, Валентина Терешкова–аввалин зан-кайҳоннавард, Хеди Ламарр, ки дастовардҳои ӯ боиси дар минбаъда кашф шудани Wi-Fi, Bluetooth, GSM гардидаанд, Марисса Майер – Президент ва иҷрокунандаи директори ширкати “Yahoo” боиси ифтихор ва намунаи ибрати занон мебошанд.                                                     Хулоса, ҳаминро зикр кардан лозим аст, ки агар зан-модар ҳар қадар соҳибкасбу соҳибмаълумот бошад, ба халқу Ватан нафъи бештар мерасонад. Чуноне, ки устод Мирзо Турсунзода гуфтаанд:

Ҳеҷ коре нест бе зан, хуб шуд,

Ифтихоре нест бе зан, хуб шуд.

Хуб шуд, ки зан ба давлат ёр шуд,

Мамлакат аз дасти зан гулзор шуд.

 

Раиси Шӯрои занон ва духтарони ДДТХ

н.и.х.Усмонова У.Х.

       

        Дар шаҳри Штутгарти Ҷумҳурии Фдералии Олмон аз санаи 19.05.2017 то 25.05.2017 Конгресси Байналмилии Evromedica - 2017  баргузор гардид. Ҳамасола ба ин конгресс олимони илми тиб аз ҳама риштаҳои соҳаи тандурустии  кишварҳои дунё иштирок меварзанд. Дар конгресс  олимон  дар масъалаҳои мубрами  илми тиби муосир,  бо маърузаҳои илмӣ  баромад менамоянд.  Дар кори конгресс  дастоварду натиҷаҳои беҳтарини  олимон намоиш дода шуда, инчунин  оид ба табодули дастоварду навориҳои хеш  имконияти хубе фароҳам оварда шудааст..

        Қайд карда мешавад, ки аз Донишгоҳи давлатии тиббии Хатлон дар ин Конгресс  сардори шуъбаи таълим, н.и.т, дотсент Кузибаева Н.К.  иштирок намуда, оид ба яке аз проблемаҳои актуалии соҳаи педиатрия дар Ҷумҳурии Тоҷикистон, нуқсонҳои модарзодии дил,  бо марузаи «Клиническая характеристика  состояния сердечно-сосудистой системы у детей, с врожденными пороками сердца в послеоперационном периоде» баромад намуд.  Ёдовар мешавем, ки оид ба  масъалаҳои мазкур дар Ҷумҳурии Тоҷикистон аз тарафи Ҳукумати ҶТ  Барномаи махсус  қабул гардидааст, ки он пешгирӣ, табобат ва муайян кардани сабабҳои пайдо шудани нуқсонҳои модарзодии дил дар кӯдаконро дар бар мегирад. Бо назардошти он ки   дар Ҷумҳурии Тоҷикистон никоҳи хешу табори зиёд аст ва он яке аз сабабҳои пайдо шудани нуқсонҳои модарзодии дил дар кӯдакон гардидааст, ки табибони кишвар  доимо дар роҳи ҳалли ин масъала кушишҳои зиёде ба харҷ дода, рӯз ба рӯз ба натиҷаҳои назаррас ноил гарида истодаанд. 

 

Сардори шуъбаи таълим н.и.т, дотсент Кузибаева Н.К.

    

      Дар санаи    26 -уми моҳи май аз рӯи барномаи пешбинишуда бахшида ба «Соли ҷавонон» ва «Рӯзи кимиёгарон» маҳфили шоми химия бо номи «Гидроген» дар сатҳи баланд гузаронида шуд.

Бо сухани ифтитоҳи кори маҳфилро ноиби ректор оид ба таълим н.и.х. дотсент Ғафуров Б.А. кушода аз ҷумла,  иброз дошт: 

    «Дар замони ҳозира ҳаётро бе химия ва бе саноати химиявӣ тасавур кардан  ғайри имкон аст. Ба гуфти олими бузурги рус Ломоносов химия ба корҳои инсон дасти ёри дароз хоҳад кард. Ба куҷое, нигарем пеши назар комёбиҳои химия ҷилвагар мегардад. Соҳаҳои саноати химиявӣ дар ҷумҳурии Тоҷикистон низ тарақи карда аст. Аксарияти элементҳои химиявие, ки дар ҷадвали даврии элементҳои химиявии Д.И. Менделеев мавҷуданд, дар ин сарзамин дучор мешаванд. Академик А.Е. Ферсман дар соли 1936 навишта буд: «Ҷумҳурии Тоҷикистон ҷадвали зиндаи элементҳои химиявии Д.И. Менделеев аст». Ҳоло дар Ҷумҳуриямон бештар аз 400 мавзеи маъданӣ ва ғайримаъдании канданиҳои фоиданокмуайян шудаанд, ки мавриди истифода қарор доранд. Масалан дар вилояти Суғд 214 мавзеи канданиҳои фоиданок мавҷуд аст, ки аксарияти онҳо амал намуда чунин металҳо ва маъданҳоро истеҳсол мекунанд: сурб ва рӯҳ (16 мавзеъ), мис ва висмут (3 мавзеъ), молибден ва волфрам (1 мавзеъ), стронсий (2 мавзеъ), оҳан (3 мавзеъ), тилло (7 мавзеъ) ва ғ. Заводи алюминии Турсунзода, заводи нуриҳои азотии Вахш, заводи химиявии Ёвон, заводи сементи Душанбе, заводҳои намаки Восеъ, Ашт, кони Ангишт дар Назарайлоқ ва ғ. исботи ин гуфтаҳост. Саҳми илми химия дар беҳдошти саломатии инсон аҳамияти калон калон дошта, ҳамеша барои синтези дорувориҳои навтарин кумак мекунад. Саноати химия дар тайёр кардани техникаи тиббӣ ҳиссаи худро мегузорад. Усулҳои химиявии таҳқиқи реаксияҳои биохимиявӣ ва ферментативии ҳуҷайра имкон медиҳад, ки сабабҳои пайдоиши беморӣ, пешгирӣ кардан ва роҳҳои нави муолиҷаи он ба роҳ монда шавад». 

 

Мувофиқи сенарияи барномаи маърифатӣ – фароғатӣ аз рӯи шартҳои зерин гузаронида шуд. 

  • ҳалли масъалаҳои химиявӣ (муттасади Суҳроби Абдуқодир гурӯҳи 1 стоматологӣ).
  • баромади донишҷӯи гурӯҳи 5 тиббӣ Гулов Рамазон дар мавзӯи «Гидроген»
  • баромади аъзоёни маҳфил дар мавзӯи таърихи ривоҷу равнақи илми химия.
  • бозии шавқовар бо номи «Мубориза барои ҳаёт» дар иҷрои донишҷӯёни 1,2 факултети стоматологӣ.
  • Рубоиҳои химиявӣ ва бадеҳахонӣ дар иҷрои аъзоёни маҳфил.
  • баромади донишҷӯи гурӯҳи 1 педиатрӣ Юсуфзода Ҳабиба дар мавзӯи «Витаминҳо».
  • нақши металлҳо дар иҷрои гулдухтарони аъзоёни маҳфил.
  • саҳначаи ҳаҷвӣ дар иҷрои гурӯҳи 7,8 тиббӣ.
  • гузаронидани таҷрибаҳои химиявӣ ва ҷавоб ба саволҳои сканворд.
  • баромади донишҷӯи гурӯҳи 3 педиатрӣ Қобилов Азизҷон дар мавзӯи «Об сарчашмаи ҳаёт» ва баромади Ганҷинаи Ализода бо либоси рамзии об.
  • суруди Тоҷикистон дар иҷрои донишҷӯи гурӯҳи 1 тиббӣ Фозилов Насимҷон.
  • чистон ва викторинаи химиявӣ дар иҷрои гурӯҳи 3 факултети педиатрӣ.
  • лаҳзаи мусиқӣ           

Маҳфилро ноиби ректор н.и.х. дотсент Ғафуров Б. А. ҷамъбаст намуда, барои гузаронидани чорабинии мазкур ба кафедраи химия ва биологияи тиббӣ ва ба маҳфили “Химикони ҷавон” миннатдорӣ  баён намуд.

 

 Кафедраи химия ва биологияи тиббӣ

Подкатегории