Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

          Рӯзи 11-уми феврали соли 2017 дар толори фарҳангӣ аввалин  конференсияи илмию амалии устодони ДДТХ дар мавзӯи «Паёми Президенти Ҷумҳурии Тоҷикистон – роҳнамо  ба сӯи зиндагии шоиста» баргузор гардид. Мақсади асосии баргузории ин ҳамоиш баррасии муҳтавои асосии Паёми Президенти Ҷумҳурии Тоҷикистон, Пешвои миллат Эмомалӣ Раҳмон ба Маҷлиси Олии Ҷумҳурии Тоҷикистон буд. Дар конференсия ҳайати раёсат, профессорону омӯзгорон, донишҷӯёни ДДТХ, намояндагон аз Ҳукумати ноҳияи Данғара, воситаҳои ахбори омма  ширкат намуданд.

Ба диққати ҳозирин маърӯзаҳои зерин пешниҳод карда шуданд:

  1. Баромади мушовири ректор оид ба масъалаҳои ҳуқуқӣ Азизуллоев А.А. дар мавзӯи «Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон «Роҳ барои ояндаи дурахшон».
  2. «Величие русского языка и его роль в подготовке высококвалифицированных кадров» -  баромади дотсенти кафедраи забонҳои ДДТХ Должикова В.А.
  3. «Хусусиятҳои тарбиявии таҳсилоти экологӣ дар Ҷумҳурии Тоҷикистон» - баромади сардори Шуъбаи таҳлилу назорат ва робита бо ҷомеаи ДДТХ,  н.и.ҷ. Ахмедов Ш.Р.
  4. «Даҳсолаи байналмилалии амал «Об барои рушди устувор» - баромади мудири кафедраи физикаи тиббӣ ва информатикаи ДДТХ, дотсент Ситамов С.
  5. «Даҳсолаи байналмилалии амал «Об барои рушди устувор» - баромади мудири кафедраи химия ва биологияи тиббии ДДТХ, н.и.б. Чориев С.А.
  6. «Нақши пешвои миллат дар таҳкими мавқеи ҷавонон» - баромади н.и.ҷ., мудири   кафедраи ҷомеашиносии ДДТХ  Гулов А.А.
  7. «Мо забони русиро меомӯзем» - баромади муаллими калони кафедраи забонҳои  ДДТХ Қурбонов Х.Ш.

        Бо сухани ифтитоҳӣ ба конференсияи мазкур ректори ДДТХ д.и.т., профессор Убайдулло Қурбон ҳусни ифтитоҳ бахшида қайд намуданд, ки имрӯз дар саросари ҷумҳурии азизамон Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон ба Маҷлиси Олии Ҷумҳурии Тоҷикистон  мавриди омӯзишу баррасиҳо қарор гирифтааст. Дар Паёми мазкур нуктаҳои асосии рушди минбаъдаи ҷумҳурӣ зикр гардидаанд ва мақсади баргузории конференсияи имрӯза ҳам ба масъалаи мазкур бахшида шудааст. Дар маърузаҳои пешниҳодшуда  зикри он дар ҷойи аввал меистод, ки  дастуру супоришҳои  дар  Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон баррасишуда  бояд маромномаи рушди устувори Тоҷикистон барои солҳои минбаъда гардад. Имрӯз тамоми мардуми кишвари куҳанбунёди мо ба роҳи устувори созандагию бунёдкорӣ қадам ниҳода истодаанд ва ин ҳидояти навбатии Пешвои миллат онҳоро ба сӯи ояндаи дурахшони миллат раҳнамун месозад.

       Дар анҷоми конференсия ректори донишгоҳ д.и.т., профессор Убайдулло Қурбон ба ҳайати омӯзгорону профессорон, донишҷӯён барои иштироки фаъолонаашон дар ҳамоиши мазкур изҳори қаноатмандӣ намуданд.

Муовинати таълим

     

   Санаи 03.03.2017 сол, соати 10.00 дар маркази ноҳияи Данғара фестивали либосҳои миллӣ таҳти унвони “Моҳпайкари Наврӯз” миёни донишҷӯдухтарони муассисаҳои таҳсилоти олӣ ва миёнаи касбии ноҳия аз гузаронида шуд, ки аз 3 қисмат иборат буд:

  1. Қисмати либосҳои ҳаррӯза
  2. Қисмати либосҳои маросимӣ ва идона
  3. Қисмати либосҳои расмӣ

Дар фестивал аз донишгоҳи мо 3 нафар донишҷӯдухтарон:

  1. Маҳмадиева Бунафша – гурӯҳи 4, факултети тиббӣ
  2. Сафарова Манижа – гурӯҳи 5, факултети тиббӣ
  3. Раҳимова Адиба – гурӯҳи 6, факултети тиббӣ

   

   Боиси хурсандист, ки донишҷӯдухтарони ДДТХ барои гирифтани шоҳҷоиза сазовор дониста шуданд ва ба донишҷӯ Маҳмадиева Бунафша барои иштирок дар фестивали вилоятӣ роҳхат дода шуд.

 

Раиси Шӯрои занон ва духтарони ДДТХ,

 н.и.х. Усмонова У.Х.

            Асосгузори сулҳу ваҳдати миллӣ, Пешвои миллат, Президенти кишвар, мӯҳтарам Эмомалӣ Раҳмон дар паёми имсолаи худ соли 2017 – ро “Соли ҷавонон” эълон намуданд. Мо ҷавонон – меваҳои аввалини дарахти Истиқлолият аз ин иқдоми Пешвои миллат хеле хушнуд мебошем.

            Дар баробари эълон шудани “Соли ҷавонон” аз ҷониби Вазорати маориф ва илми Ҷумҳурии Тоҷикистон дар арафаи идҳои баҳорӣ ба бар намудани либоси миллӣ аз ҷониби ҷавондухтарон  тавсия дода шуд.

        Либос ва либоспӯшӣ як ҷузъи таркибии фарҳанги миллии мо − тоҷикон мебошад. Либоси миллӣ – ин нишона аз таърих, фарҳанг ва тамаддуни қадимаи мо мебошад.

         Гулдухтарони ДДТХ низ аз ин иқдом бениҳоят хурсанд гашта, 1 март бо либосҳои миллии тоҷикӣ ба дарс ҳозир шуданд. Либосҳои атлас ва чакан нишона аз оғози бедоршавии табиат, омад−омади Наврӯзи байналмиллалӣ шаҳодат медиҳад.

            Аз фурсат истифода бурда, тамоми духтарон, занҳо, модарони мушфиқро бо иди омадаистодаи “Модарон” ва ҳамаи устодон ва мардуми бузурги тоҷикро бо фарорасии иди “Наврӯзи Аҷам” муборакбод мегуям.

Шӯрои занон ва духтарони ДДТХ

      

       Рӯзи 22-феврали соли 2017 дар толори асосии ДДТХ ҳамоише бахшида ба 24-умин солгарди Артиши Миллии Ҷумҳурии Тоҷикистон баргузор гардид.

    Ин маҳфили пуршукуҳро аз номи ректори ДДТХ, д.и.т., профессор Убайдуллои Қурбон иҷрокунандаи вазифаи муовини  ректор оид ба таълим, дотсент Конбобоева Н.К. ҳусни ифтитоҳ бахшида қайд намуданд, ки имрӯз ба ифтихори санаи фархунда, яъне 24-солагии таъсисёбии Артиши Миллии Тоҷикистон, ки яке аз рукнҳои муҳимтарини давлату давлатдорӣ, кафили сулҳу осудагии ҳар хонадон ва сипари боэътимоди ватани маҳбубамон ҳисоб меёбад, дар ин толор ҷамъ омадаем. Ҳамчунин қайд карда шуд, ки  шуруъ аз соли таҳсили 2017 – 2018  Донишгоҳи тозабунёди тиббии Хатлон низ ба яке аз маркази асосии омода сохтани мутахассисони олии ҳарбии тиббӣ табдил меёбад. Дар ояндаи наздик  аввалин хатмкунандагони  донишгоҳи мо дар гушаҳои гуногуни кишвар ҳамчун мутахассисони тибби ҳарбӣ бомуввафақият хизмати софдилонаи худро дар назди Ватану миллат адо хоҳанд намуд. Ба фаъолият шуруъ намудани  кафедраи тибби ҳарбӣ бовари аст, ки кормандони  он  барои   омода намудани кадрҳои баландихтисоси тибби ҳарбӣ кӯшишу заҳмати зиёде бояд ба харҷ диҳанд.  Ёдовар мешавем, ки хатмкунандагони мо дар баробари шаҳодатномаи тахасусӣ гирифтан,  инчунин соҳиби шаҳодатномаи афсари тибби ҳарбӣ мегарданд.  Барои ноил гардидан ба ин ниятҳои нек, роҳбарияти имрӯзаи донишгоҳро зарур аст, ки барои  таъсиси кафедраи тибби  ҳарбии донишгоҳ ва таъмини шароитҳои беҳтарини таҳсил чораандешӣ намоянд.

     Артиши миллии Ҷумҳурии Тоҷикистон ҳамчун сипари боэътимод ва кафили сулҳу осоиши кишварамон аз рӯзҳои аввали ба даст овардни истиқлолияти миллӣ нақши боризи худро гузошта истодааст. Мудири кафедраи ҷомеашиносии ДДТХ, номзади илмҳои ҷомеашиносӣ Гулов А.А. дар мавзӯи  «Артиши Миллӣ – сипари боътимоди сулҳу амнияти Ҷумҳурии Тоҷикистон» баромад намуда, қайд намуданд, ки 23 феврал тибқи Қонуни Ҷумҳурии Тоҷикистон «Дар бораи рӯзҳои ид», ҳамчун Рӯзи Қувваҳои Мусаллаҳи Ҷумҳурии Тоҷикистон дар Ҷумҳурии Тоҷикистон ба иди расмии давлатӣ табдил ёфтаст ва ҳар сол ҷашн гирифта мешавад. Дар маърӯза оид ба  таърихи ташкил шудани Қувваҳои Мусаллаҳи Ҷумҳурии Тоҷикистон маълумоти  муфассал дода шуд.

       Дар иҷрои гурӯҳе аз донишҷӯён суруди “Горди миллӣ” танинандоз гардид, ки бо ҳисси баланди ватандӯстию хештаншиносӣ суруда шуд. Донишҷӯён Баҳоваддинова Ш. – (9 тиббӣ), Сайдвалиева Н.  (9 тиббӣ), Ҳамроев М. – (Комилова Б. – (9 тиббӣ),  (Иброҳимзода С.  ( 2 стоматологӣ, Азизов Ш.  (1 тиббӣ), Адибаи Рустамдухт– (10 тиббӣ) ба забонҳои тоҷикӣ, русӣ, англисӣ, немисӣ, италянӣ, хитоӣ, ӯзбекӣ табрикоти худро бахшида ба ин ҷашни фархунда қироат намуданд. Донишҷӯён Раҷабов Н., Розиқов В. бо иҷрои суруди “Қасам”, Набиева М. (гурӯҳи 4-уми стоматологӣ) хотири аҳли нишастро болида намуданд. Инчунин саҳначаҳои ҳаҷвии омоданамудаи донишҷӯён низ ба ин маҳфил ҳусни тозае бахшид.

     Озмуни беҳтарин газетаи деворӣ бахшида ба Рӯзи Артиши миллӣ ҷамъбаст карда шуда, ғолиби он гурӯҳҳои 9-10-уми педиатрӣ дониста шуданд.

   Дар охир иҷрокунандаи вазифаи муовини ректор оид ба таълим дотсент Конбобоева Н.К. ба маҳфил ҳусни анҷом бахшида ба баргузоркунандагон ва иштирокчиён ҳамоиш аз номи раёсати донишгоҳ арзи миннатдорӣ намуда, бори дигар ҳозиринро ба муносибати Рӯзи Артиши миллӣ табрику муборакбод намуданд.

 

 

         Иттифоқҳои касаба ва Шуъбаи кор бо ҷавонон

Подкатегории