Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

         Санаи 19-уми ноябри соли 2017 соати 10:00 дар толори Маҷмуаи варзишии н.Рӯдакӣ мусобиқаи ҷумҳуриявӣ оид ба Ҷиу-Ҷитсу бахшида ба “Соли ҷавонон” ва 26-солагии Истиқлолияти давлатии Ҷумҳурии  Тоҷикистон баргузор гардид.

         Қайд кардан ба маврид аст, ки дар мусобиқаи ҷумҳуриявӣ Донишгоҳи давлатии тиббии Хатлонро донишҷӯи курси 2, гуруҳи 3-юми  факултети стоматологӣ Камолов Муҳаммадҷон намояндагӣ карда, дар вазни 75 кг сазовори ҷойи аввал гашта,  ғолибиятро ба даст овард. Донишҷӯи мазкурро барои иштироки намунавӣ ва сазовор ба ҷойи аввал гаштан бо дипломи Федератсияи миллии Ҷиу – Ҷитсиуи Ҷумхурии Тоҷикистон аз ҷониби Раиси Федератсия муҳтарам Давлатов А.А., қадрдонӣ намудаанд.

        Боиси ифтихор аст, ки донишҷӯ Камолов Муҳаммадҷон дар давоми ду соли донишҷӯияш дар мусобиқаҳои варзишӣ чандин мартоба ғолибият ба даст оварда, обрӯ ва нуфузи  Донишгоҳи давлатии тиббии Хатлонро  дар ҷумҳурӣ  баланд бардоштааст.

           Раёсати донишгоҳ ва ташкилотҳои ҷамъиятӣ иштироки донишҷӯёнро дар маҳфилу озмӯнҳо дастгирӣ намуда, ҳамзамон  бо ғолияташон ифтихор менамояд.

   

Кумитаи иттифоқи касабаи  ва кормандон

 Шуъбаи кор бо ҷавонон

 

     

        Санаи 16-уми ноябр соли 2017 дар Донишгоҳ бахшида ба “16- ноябр Рӯзи Президент” намоиши китобҳои Асосгузори сулҳу вахдати миллӣ, Пешвои  миллат, Президенти Ҷумҳурии Тоҷикистон муҳтарам Эмомалӣ Раҳмон доир гардид. Бояд гуфт, ки ин намоишро маъмурияти китобхона дар якҷоягӣ бо фаъолон аз ҳисоби донишҷӯёни  курси II-юм омода намуд. Ҳамзамон, валантёрони китобхона дар рафти чорабинӣ оид ба асарҳои ин шахси бузург ва асарҳое, ки дигарон дар бораи корнамоиҳояш навиштаанд ба меҳмонону донишҷӯён маълумоти саҳеҳ доданд. Намоиш дар сатҳи хуб баргузор гардида, омӯзгорон ва донишҷӯёни Донишгоҳ аз ҷумла, донишҷӯёни курси I-ум ба пуррагӣ намоиши мазкурро дидан намуданд. Маъмурияти китобхона кӯшиш менамояд, ки чунин чорабиниҳоро зиёд намояд ва оид ба зиндагинома ва асарҳои шахсони бузурги кишварамон маълумоти бештар дастрас намояд.

Маъмурияти китобхона

 

     Дар Донишгоҳи давлатии тиббии Хатлон бахшида ба Рӯзи  Президент ва 25-солагии Иҷлосияи 16-уми Шӯрои Олии Ҷумҳурии Тоҷикистон санаи 16-уми ноябр барномаи адабӣ-фарҳангӣ бо як шукӯҳу шаҳомати хоса таҷлил гардид.

      Пеш аз оғози барномаи адабӣ-фарҳангӣ асарҳои Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон дар Китобхонаи донишгоҳ ба намоиш гузошта шуданд, ки аз субҳи барвақт донишҷӯёну устодон аз он дидан намуданд.

        Пас аз намоиши асарҳои Президенти мамлакат маҷлиси тантанавӣ ва барномаи адабию фарҳангӣ доир карда шуд.

       Нахуст аз номи Ректори донишгоҳ, муовини ректор оид ба корҳои таълим н.и.х., дотсент Ғафуров Б.А. ҳозиринро бо ин ҷашни фархунда табрику шодбош гуфта, аз ҷумла қайд намуд, ки маҳз ҷаҳду талошҳои Президенти мамлакат буданд, ки имрӯз Тоҷикистони азизро зиёда аз 170 давлати дунё расман шинохтанд. Дар тули солҳои истиқлолият Тоҷикистон дар аксари давлатҳои хориҷӣ сафоратхонаҳо ва консулгариҳои худро таъсис дода ҳамзамон, дар ҳудуди кишварамон инчунин намояндагиҳои зиёда аз 30 ташкилотҳои байналмилалӣ имрӯшҳо фаъолият доранд. Дар сиёсати ҷаҳонӣ ташаббусҳои муҳиму саривақтии Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба масъалаҳои мубрами экологӣ, амнияти минтақавӣ, иштироки фаъол дар ҳама созмонҳои минтақавию байналмилалӣ ва масъалаҳои амнияти ҷаҳонӣ ба эътибор гирифта мешаванд.

       Сипас омузгори кафедраи ҷомеашиносӣ Мардонова Н. дар мавзӯи «Президенти Ҷумҳурии Тоҷикистон–кафили сулҳу ваҳдати тоҷикон» баромад намуда, хизматҳои бузурги Асосгузори сулҳу ва ҳдати миллӣ, Пешвои миллатро дар истиқрори сулҳи тоҷикон ва ризоияти миллӣ, ваҳдату як порчагӣ, ҳифз намудани муқаддасоти миллӣ ва ҳамчун ҷумҳурии соҳибистиқлол эътироф намудани Тоҷикистон дар арсаи байналхалқӣ қайд намуданд.

      Баъдан барномаи адабӣ-мусиқӣ таҳти унвони «Эмомалӣ Раҳмон меъмори тақдирсози миллати тоҷик» бо иштироки дастаи ҳаваскорони ДДТХ баргузор гардид.

 

кафедраи забонҳои ДДТХ

 

       Рӯзи  14-уми ноябри соли 2017 ректори  донишгоҳ  д.и.т., профессор Убайдулло Қурбон рафти дарс ва вазъи таълимро дар гурӯҳҳои донишҷӯёни соли аввал ва соли дуюм мавриди санҷиш қарор доданд. Мақсад аз ин фаҳмидани дараҷаи сифати таълим, дониши толибилмон ва омодагии устодон ба дарсҳо иборат буд. Ректори донишгоҳ дар дарсҳои  фанҳои забони тоҷикӣ, русӣ, англисӣ, анатомияи одам,физиология, информатика, физика, таърих   ва ғайра даромада, ба донишҷӯён саволҳо доданд ва оид ба зурурияти омӯзиши фанҳои таълимӣ суҳбат намуданд. Сарвари донишгоҳ махсусан, оид ба мувофиқи талаботи илми муосир набудани донишҳои заминавии муҳассилин аз фанҳои забони русию англисӣ изҳори нигаронӣ намуда, таъкид намуданд, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҷавонони онядасози миллат пайваста муроҷиат намуда, омӯхтани забонҳои русӣ. англисиро ҳамеша таъкид менамояд. Дар соҳаи тиб бошад донистани ин ду забон, махсусан, зарурият пайдо мекунад. Аз ин сабаб донишҷӯёни донишгоҳи тиббӣ бояд дар омӯхтани ин ду забон беаҳмиятӣ накунанд, чунки такмили донишу малакаи баъдинаи тахассусии онҳо хуб бархурдор будан аз ин забонҳоро талаб менамояд.

       Ҳамчунин сарвари донишгоҳ аз дараҷаи дониши донишҷӯён аз фанни анатомияи одам, физиология, гистология  изҳори қаноатмандӣ намуда, боз ҳам амиқтар омӯхтани онро талаб намуданд, чунки фанни анатомияи одам асоси бисёре аз фанҳои клиникии минбаъд омӯхтаи онҳо мешавад. Барои табиб амиқу муфассал донистани анатомияи одам зарурияти аввалиндараҷа мебошад.

       Ба мақсади боз ҳам беҳтар ба роҳ мондани таълими фанҳои забони русӣ ва англисӣ сарвари донишгоҳ дастур доданд, ки дарсҳои иловагӣ ё худ факултативӣ аз ин фанҳо ташкил карда шаванд. Ҳангоми санҷиш сарвари донишгоҳро сардори шуъбаи таҳлил, назорат ва робита бо ҷомеа Ахмедов Ш.Р., сармутахассис оид ба назорати сифати таълим Одинаев С.П., раиси Кумитаи иттифоқҳои касбаи донишҷӯён Наимов Р., муовини декани факултетҳо Камолов А.С. ҳамроҳӣ намуданд.

   

Сармутахассис оид ба

назорати сифати таълим                                               Одинаев С.П.

 

Подкатегории