Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

      Аз ҷониби Асосгузори сулҳу ваҳдати миллӣ - Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон  Соли ҷавонон эълон гардидани соли 2017 иқдоми арзишманд дар самти татбиқи босамари сиёсати Ҳукумати Ҷумҳурии Тоҷикистон нисбат ба ҷавонон аст, ки аз рӯзҳои нахустини соҳибистиқлолӣ дар меҳвари фаъолияти ҳукумат ва сиёсати Сарвари давлат қарор дорад. Чуноне ки дар  Паёми имсола Пешвои миллат таъкид карданд  «... Аксарияти аҳолии Тоҷикистонро ҷавонон ташкил медиҳанд, ки онҳо давомдиҳандаи кору  фаъолияти насли калонсол,  нерӯи созанда ва иқтидори воқеии пешрафти ҷомеа, хулоса, ояндаи миллат ва давлат мебошанд».

         Дар воқеъ, Пешвои миллат ба қувваи созанда ва пешбарандаи ҷавонон боварӣ ва эътимоди комил доранд, зеро тӯли 25 соли истиқлолияти давлатии Тоҷикистон ҷавонон ташаббусҳои созандагиву бунёдкории Пешвои миллатро пайравӣ карда, имрӯз ба қувваи пешбаранда ва фаъоли ҷомеа табдил ёфтаанд ва иқдомҳои давлатсозиву дурандешонаи Пешвои миллатро рисолати асосии фаъолияту зиндагии худ қарор додаанд.

         Бо ғамхорӣ ва дастгириҳои пайвастаи Пешвои миллат сол аз сол барои омӯзиши илму технологияи муосир, касбомӯзӣ ва такмили маҳорату дониши ҷавонон шароитҳои мусоид фароҳам оварда шудааст, ки боиси ифтихор ва фарҳамандӣ мебошад. Бо шарофати ин дастгириҳо ҷавонон ба комёбиҳо муваффақ гардидаанд. Вале ин барои пешрафту тараққиёти як давлати соҳибистиқлолу дунявӣ дар асри 21 хеле кам аст. Аз ин ҷост, ки Пешвои миллат дар суханрониҳои пешин ва дар Паёми имсола махсус таъкид карданд, ки «... Наврасону ҷавонони моро зарур аст, ки ҷавобан ба ин ғамхориҳо тамоми саъю талоши хешро ба донишандӯзӣ, интихоби касбу ҳунарҳои муосир, ободониву пешрафти сарзамини аҷдодӣ, ҳимояи Ватан, рушди илму техника ва бунёдкорӣ равона созанд».

         Ҷавонони имрӯза бояд, ки бо рӯҳияи баланди ватандорӣ ва ифтихори миллӣ ҳамеша баҳри пешрафту тараққиёти Тоҷикистони маҳбуб ва дар арсаи ҷаҳон муаррифӣ намудани миллати соҳибтамаддуни тоҷик аз мушкилиҳо наҳаросида саъю кӯшиш намоянд ва рисолати созандагиву бунёдкорӣ, ташаббускориро ҳеҷгоҳ аз даст надиҳанд. Дар амалӣ шудани орзуву амоли халқ -созандагиву бунёдкорӣ пайравони воқеии Пешвои миллат бошанд.

 

 

Мудири  шуъбаи  кор бо ҷавонон  Раҳимов Х.С

Муассисаи давлатии таълимӣ «Донишгоҳи давлатии тиббии Хатлон»  барои соли таҳсили 2017– 2018 вобаста ба ишғоли ҷойҳои кории холӣ - ба вазифаи мудири кафедра, профессор, дотсент, саромӯзгор, омӯзгор, ассистенти  кафедраҳои зерин озмун эълон  менамояд:

1.Кафедраи химия ва биология :

  - номзади илм дотсент - 2 воҳиди  корӣ (1 в/к биохимик ва 1в/к вирусолог);

- омӯзгор – 2,5  воҳиди  корӣ (биохимик);      

- ассистент – 1,25  воҳиди корӣ (микробиолог).

 2.Кафедраи физикаи тиббӣ ва информатика :

   - омӯзгор - 1  воҳиди корӣ (технологияи информатсионӣ) .

3.Кафедраи забонҳо:

- дотсенти  кафедра - 0,5  воҳиди корӣ (забони русӣ),

- саромӯзгор 0,5 воҳиди корӣ (забони русӣ),

 - омӯзгор 3 в/ к (англисӣ 1 в/к,  олмонӣ 1 в/к ва лотинӣ 1в/к).

  4.Кафедраи фанҳои ҷомеашиносӣ:

- номзади илм, дотсент- 1 воҳиди корӣ (таърихи халқи тоҷик ё фалсафа);

- саромӯзгор - 1  воҳиди корӣ (этика, эстетика ва ё мантиқ );

- омӯзгор - 2  воҳиди корӣ (сотсиология , 1 в/к ва ҳуқуқ аз руи ихтисос 1 в/к).

 5.Кафедраи  анатомияи одам ва гистология:

 - доктори илм, профессори кафедра - 1  воҳиди корӣ (физологияи нормалӣ);

- номзади илм дотсент - 1 воҳиди  корӣ (гистология );

- омӯзгор - 1,5  воҳиди корӣ (физиологияи нормалӣ ); 

  - ассистент – 2,75 воҳиди корӣ (анатомия 1,25 в/к  ва  гистология 0,5 в/к ва физиологияи нормалӣ 1в/к ).

  6.Кафедраи фанҳои клиникӣ:

-мудири кафедра - 1 воҳиди корӣ (номзади илм, дотсент);

- номзади илм, дотсент – 1,5 воҳиди корӣ (валеология 1 в/к,  пешгирии бемориҳои стоматологӣ 0,25 в/к, пропедевтикаи стоматологӣ 0,25);

- саромӯзгор – 1 в/ к таҷрибаи таълимӣ;

- ассистент – 1 в/ к (валеология 0,5 в/к, таърихи тиб 0,5 в/к.,)

- омӯзгор – 3,75 (курси малакаҳои клиникӣ 1в/к., таҷрибаи таълими 2,75в/к.,

 Барои иштирок дар озмун ҳуҷҷатҳои зерин пешниҳод карда мешаванд:

  • ариза ба номи ректори донишгоҳ;
  • варақаи ба ҳисобгирии кадрҳо;
  • шарҳи ҳол;
  • нусхаи диплом;
  • 4 адад расми 3х4;
  • нусхаи дафтарчаи меҳнатӣ;
  • нусхаи шиноснома;
  • нусхаи РМА (рақами мушаххаси андозсупароранда);
  • маълумотномаи тиббӣ №086;
  • нусхаи РМИ (суғуртаи иҷтимоӣ.

Номзадҳо бояд ба талаботи зерин ҷавобгӯ бошанд: 

  • маълумоти олии тиббӣ ва тахассусӣ;
  • собиқаи корӣ аз рӯи ихтисос на камтар аз 3 сол (барои дипломи аъло,  ординатори клиникӣ, магистратура бе собиқаи корӣ);
  • донистани асосҳои педагогика ва психология;
  • кор кардан дар компютер ва шабакаи Интернет;
  • донистани ҳатмии забони давлатӣ ва хориҷӣ;
  • кобилияти коммуникативӣ ва ташкилотчигӣ ;
  • имтиёз ба дорандагони дараҷаи илмӣ ва дараҷаи тахассусӣ дода мешавад.

            Барои иштирок дар озмун маълумотнома (CV)-и номзадон аз 01.06.2017 то 30.06.2017 ба суроғаи: ш. Данғара, кӯчаи Исмат Шариф № 3 қабул карда мешаванд. Инчунин номзадон метавонанд ҳуҷҷатҳои худро тариқи почтаи электронии E-mail: Этот адрес электронной почты защищён от спам-ботов. У вас должен быть включен JavaScript для просмотра. ирсол намоянд.

Телефон барои тамос: (83312) 2-10-29; (83312) 2-10-23;

     

  Раёсати  Донишгоҳи давлатии тиббии Хатлон  дар якҷоягӣ бо ҷамъи устодону кормандони ДДТТ ба номи Абӯалӣ ибни Сино имрӯз мотам   доранд. Марги нобаҳангом  яке аз устодони варзидаи чанд насли табибони мамлакат, табиби номӣ, олими маъруф, омӯзгори мушфиқ, д.и.т., профессор Қамардинов Хушқадам Қурбоновичро субҳи 09 –уми майи  соли 2017 бехабар аз байни мо рабуд.  

                ҚАМАРДИНОВ Хушқадам Қурбонович  26 –уми майи  соли 1933,  дар деҳаи Ишкошими ВМКБ таваллуд ёфтааст.

Соли 1958 факултаи муолиҷавии ДДТТ ба номи Абӯалӣ ибни Синоро  бомувафақият хатм кардааст.  Фаъолияти менҳнатии   Қамардинов Х.Қ. пурсамар буда, пас аз хатми ординатураи клиникӣ дар вазифаҳои ҷонишини сардухтур  ва сардухтури Беморхонаи марказии ноҳияи  Ишкошим адои вазифа намуда, аз соли  1964 фаъолияти меҳнатии худро то охири умр бо корҳои таълиму тарбия ва корҳои илмиву муолиҷавии  ДДТТ ба номи Абӯалӣ ибни Сино бахшидааст (аз вазифаи асситент то мудири кафедра ва профессори кафедраи бемориҳои сироятӣ).   Муаллифи беш аз 20 тавсияномаи методӣ, 12 пешниҳоди навоварона, инчунин муаллифи беш аз 300 асару мақолаҳои илмӣ оид ба масъалаҳои паразитология, ҳамчунин паҳншавӣ, ҷараён ва роҳҳои муолиҷаи бемориҳои сироятӣ  буд.  Зери роҳбарии профессор  Қамардинов Х.Қ.  1 нафар рисолаи докторӣ ва 5 нафар рисолаҳои номзадӣ дифоъ намудаанд.  Тадқиқотҳои илмии Хушқадам Қурбонович барои илм ва фаъолияти ҳамарӯзаи соҳаи  бемориҳои сироятӣ  аҳмияти калон доранд.

             Хизматҳои  меҳнатии Қамардинов Х.Қ.  бо   нишони Аълочии нигаҳдории тандурустии ИҶШС, нишони Аълочии неруҳои сарҳадии ИҶШС (дараҷаи I ва II), Корманди шоистаи Ҷумҳурии Тоҷикистон, барандаи Ҷоизаи ба номи Е. Н. Павловскийи АИ ҶТ ва  бо медали «Ветерани меҳнат»  қадрдонӣ  гардидааст.

                Бо боварӣ ва ифтихори баланд метавон гуфт, ки Қамардинов Х.Қ. дар давоми умри пурсамари хеш, рисолати инсонии худро дар назди халқу Ватан бо  сарбаландӣ иҷро намуда, бо амалҳои неку хирадпешагӣ ва дуои хайри ҳазорҳо нафар ниёзмандоне, ки аз дасташ накӯӣ дидаанд,  манзили охирати хешро пурнур гардонидааст. 

                Ҷои Хушқадам Қурбонович дар қалбҳои мо ҳамкасбону шогирдонаш холӣ буда, меҳру муҳаббат ва хотираи неку беғубори ин шахси саропо хираду фазилат  дар ёдҳо ҷовидона боқӣ хоҳад монд.

 

Руҳат шод ва манзилат обод бод, Хушқадам Қурбоновичи азиз!

 

Раёсати ДДТХ

 

      Рӯзи 8-уми майи соли 2017 дар толори фарҳангии Донишгоҳи давлатии тиббии Хатлон    бахшида ба 72-юмин солгарди Ғалабаи бузург дар Ҷанги Бузурги Ватанӣ ҳамоиши адабию фарҳангӣ баргузор гардид, ки дар он ҳайати омӯзгорону профессорони донишгоҳ ва донишҷӯён ширкат намуданд. Ҳамоишро бу сухани табрикотӣ ректори ДДТХ д.и.т., профессор Убайдулло Қурбон ҳусни ифтитоҳ бахшиданд. Қайд карда шуд, ки ҳар сол дар мамлакати мо 9- май ҳамчун Рӯзи ғалаба аз болои душмани ғаддори инсоният - фашизми Германия дар вазъияти тантанавӣ таҷлил мегардад.Таърихи инсоният ҷангҳои хунинро на як бору ду бор дидааст, вале ҷанги дуюми ҷаҳон, ки солҳои 40-уми асри гузашта аланга зада, аксар давлатҳои Аврупо, як қисми Осиё ва Амрикоро ба коми пурнаҳси задухурдҳои мусаллаҳона кашид, дар таърих ҳамчун ҷанги аз ҳама хунин ва харобовар ёдоварӣ мешавад. Профессор Убайдулло Қурбон ёдовар шуданд, ки  дар ҷабҳаҳои Ҷанги Бузурги Ватанӣ бештар аз 260 ҳазор  нафар тоҷикписарон мардонавор ҷангидаанд, 50 ҳазор нафари дигар дар ақибгоҳи ҷанг ба корҳои мудофиавӣ машғул   буданд.  Ватан номҳои фарзандони далери худ чун   Неъмат Қарабоев,  Туйчӣ  Эрйигитов, Ҳодӣ   Кенҷаев, Ҳайдар Қосимов, Исмоил Ҳамзаалиев, Исмат Шарифов, Раҳимбой Рахматов,Чутак Урозов, Саидқул Турдиев ва боз даҳҳо нафари дигарро, ки бо корнамоию далериашон сазовори  унвони олии Қаҳрамони Иттифоқи Шӯравӣ   гашта  будаанд, то ҳол фаромӯш накардааст. Умуман барои диловарию шуҷоаташон дар Ҷанги Бузурги Ватанӣ 54 нафар тоҷикистониён бо унвони  Қаҳрамони Иттифоқи Шӯравӣ,  19 нафар бо се дараҷаи  Ордени Шараф ва 55 ҳазор нафар  бо  ордену медалҳои ҷангӣ сарфароз гардонида  шудаанд.          Солҳои ҷанг  Тоҷикистон мисли дигар ҷумҳуриҳои дурдасти Осиёи Миёна бо қарори Кумитаи давлатии мудофиа  минтақаи ақибгоҳ эълон карда шуда буд. Дар 29 госпитали  ҳарбие, ки дар шаҳри  Сталинобод (Душанбеи имрӯза) таъсис ёфта буданд, бештар аз 28 ҳазор  нафар маҷруҳони ҷанг  бо дасти шифобахши  табибони мо муолиҷа гирифтаанд.

    Дар анҷоми сухани худ ректори донишгоҳ ибрози назар намуданд, ки диловарони майдони ин ҷанги таърихӣ  Ғалабаро ба қимати  ҷон ба  даст оварда,  худро дар қалбҳои одамон абадзинда гардонданд. «Ҳеҷ кас ва ҳеҷ чиз фаромӯш нашудааст» - нидо мекунад хотираи қалби ҳар як инсоне, ки худро эҳтиром мекунад. Насли имрӯза ҳар як ҷанговари дар майдонҳои муҳориба  барои муҳофизати Ватан ҳалокгардидаро ном  ба ном ба ёд меоварад ва дар пеши  он қаҳрамонони шуҷоъ, мардони далери корзорҳои ҶБВ, ки имрӯз дар қайди ҳаётанду ангуштшумор мондаанд сари таъзим фуруд меоранд.

    Дотсенти кафедраи забонҳо Должикова В.А. дар мавзӯи «Рӯзи бузурги Ғалаба» суханронӣ намуда, аҳамияти бузурги ин ғалабаи оламшумулро таъкид намуданд.

     Намоишномаи фарҳангии омоданамудаи донишҷӯён бо номи «Ҳеҷ кас ва ҳеҷ чиз фаромӯш нахоҳад шуд» хеле дилнишину хотирмон буд. Сурудҳои машҳури замони Ҷанги Бузурги Ватанӣ – «Священная война», «Катюша», «День Победы» дар иҷрои донишҷӯён хеле таъсирбахш буд. Муҳорибаи Сталинград дар рафти Ҷанги Бузурги Ватанӣ гардиши куллиеро ба вуҷуд оварда буд ва ба ин рӯйдоди таърихӣ достони машҳури Муъмин Қаноат – «Суруши Сталинград» бахшида шудааст. Порчаҳо аз ин достон дар иҷрои донишҷӯён Комилова Б., Адибаи Рустамдухт, Ҳабибова Зуҳал, Сафарова М., Баҳовиддинова Ш., Қодирова Н., Валиева Ш., Исмоилзода М., Азизӣ Муҳаммадфайёз қироат карда шуда, бори дигар аҳамияти ин ғалабаи таърихиро таҷассумгар шуданд. Қайд кардан лозим аст, ки аз ибтидо то анҷоми ин чорабинии театрикунонидашуда саҳнаҳои гуногуни замони ҷанг аз тарафи донишҷӯён Холова Ш. (гр. 6 тиббӣ), Ҷойлобов М. (гр. 5 тиббӣ), Одинаев С. (гр. 6 тиббӣ), Содиқов А. (гр. 5 тиббӣ), Азизов О. (гр. 6 тиббӣ), Алиева Ф. (гр. 1 педиатрӣ), Шарипова Д. (гр. 7 тиббӣ), Абдуллоев М. (гр. 4 стоматологӣ), Нуров А. (гр. 4 стоматологӣ), Қарабоев Ш. (гр. 4 стоматологӣ), Саидов М. (гр. 4 стоматологӣ), Темурзода Э. (гр. 3 стоматологӣ), Абдуллоев Ф. (гр. 3 стоматологӣ) вобаста ба композитсияи барнома намоиш дода шуданд. Сурудҳои «Темная ночь» дар иҷрои донишҷӯи гурӯҳи 4 стоматологӣ Абдуллоев М.,   «Ватан» дар иҷрои донишҷӯи гурӯҳи 1 стоматологӣ Валиев С., «Меҳри Ватан» дар иҷрои донишҷӯи гурӯҳи 8 тиббӣ Қодирова Н.  садо доданд. Барандагии ин маҳфили пуршукуҳро донишҷӯи гурӯҳи 8 педиатрӣ Ғайратова Наврӯза ва донишҷӯи гурӯҳи 9-уми педиатрӣ Тоҷибоева Наима ба уҳда доштанд.

     Дар охир ректори ДДТХ д.и.т., профессор Убайдулло Қурбон ба ин ҳамоиш ҳусни анҷом бахшида бори дигар ҳозиринро ба муносибати 72-юмин солгарди Ғалабаи бузург дар Ҷанги Бузурги Ватанӣ табрик намуда, ба баргузоркунандагон ва иштирокчиёни ин намоиши театрикунонидашуда арзи миннатдории хешро иброз доштанд.

 

Шуъбаи таълим, Кумитаи иттифоқҳои касаб ва кормандони донишгоҳ

Подкатегории