Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

 

            Бо шарофати Истиқлолияти давлатӣ ва сиёсати хирадмандонаи Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон дар тўли 27 сол ҳазорон километр роҳу нақбҳо, биноҳои таъиноти гуногун ва иншооту сохтмонҳои азим бунёд гардид. Ҳазорҳо гектар замин бо мақсади беҳтар кардани шароити зиндагӣ ва таъмини озуқавории мардуми кишвар барои киштукор ба соҳиби аслии замин-марди деҳқон тақсим карда шуд. Зина ба зина татбиқ гардидани ҳадафҳои асосии стратегияи миллӣ, ки аз се самти асосӣ иборат аст, Истиқлолияти давлатии моро комилу мардуми шарафманди тоҷикро сарбаланд гардонидааст.

            Ба кор оғоз кардани агрегати якуми иншооти азими аср – Нерўгоҳи барқӣ-обии «Роғун», ки ба Рўзи Президент-16 ноябр ва санаи баргузории Иҷлосияи 16-уми Шўрои Олии Тоҷикистон рост омад, басо рамзӣ буда, арҷгузорӣ ва ифтихор аз Тоҷикистони маҳбуб, Истиқлолияти пойдор, қадршиносоии заҳматҳои шабонарўзии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.

            Мо ҷавонон аз таърихи бунёди НБО-и «Роғун», ки солҳои 70-уми асри гузашта тарҳрезӣ шудааст, огоҳ ҳастем. Аз беғайратии роҳбарони давр, сабабу мушкилот борҳо ба таъхир гузоштани сохтмони онро медонем.

            Ифтихор аз он дорем, ки бо саъю талошҳои пайгирона, ҷасорату қаҳрамонии Пешвои миллат имрўз Кохи нур дар домани кўҳҳои азиму қавӣ бо ризоияту ба инобат гирифтани манфиати ҳамсоякишварҳо бунёд шуд.Тоҷикистон кишвари сулҳофару ваҳдатгаро, мардумонаш аз азал хайрхоҳу инсонпарваранд. Аз ин хотир, беҳтарин дороиву сарват – Обу Рушноиро, ки асоси ҳаёт мебошанд, аз мардуми сайёра дареғ намедоранд.       

            Боварии комил дорам, ки аз ин баъд ғайрату тавон, ҷасорат ва қаҳрамонӣ дар сохтмони НБО-и «Роғун» дарси худшиносӣ ва ифтихори ҳар як наврасу ҷавон мегардад. Зеро бунёди «Роғун» заринварақи китоби Истиқлолият буда, омили муҳимтарини пешрафти иқтисодиву иҷтимоии кишвар, зиндагии осудаи мардум – ояндаи дурахшони Тоҷикистони маҳбуб мебошад.

                           Роғун, Роғун, мубашшири иқболӣ,

                                Шаъну шарафи миллати фаррухфолӣ.

                                 Ту мактаби нангу номусу фахри Ватан,

                                                              Зарринварақи китоби истиқлолӣ.                   (Меҳринисо)

 

Комилова Бибисоро, донишҷўи соли 3-юми факултети тиббӣ

 

        Рӯзи 19-уми ноябри соли 2018 ҷаласаи навбатии муовинати таълим баргузор гардид. Дар ҷаласа муовини ректор оид ба таълим Ахмедов Ш.Р., сардори шуъбаи таълим Қурбонмамадов С.Х., декани факултетҳо Саидов И.З., сармутахассис оид ба назорати сифати таълим Одинаев С.П., методисти шуъбаи таълим Каримов М., мудирони ҳамаи ҳашт кафедраи донишгоҳ иштирок доштанд. Дар рӯзномаи маҷлис масъалаҳои омодагии донишгоҳ ба сессияи зимистонаи соли таҳсили 2018-2019, омодагӣ ба Олимпиадаи фании байни мактабҳои олии ҶТ, оид ба фаъолияти Шӯрои илмӣ- методии донишгоҳ муҳокима ва баррасӣ карда шуданд.

        Ба тамоми мудирони кафедраҳо супориш дода шуд, ки то 1-уми декабри соли 2018 мувофиқи низоми қабулшудаи қабули имтиҳонҳо саволномаҳоро аз фанҳои таълимии кафедраашон таҳия намуда, ба Шурои илмӣ-методии донишгоҳ пешниҳод намоянд.

        Ҳамчунин ба мудирони кафедраҳо супориш дода шуд, ки   сарбории таълимии кафедраро барои соли таҳсили 2019-2020 ба шуъбаи таълим ва барномаҳои таълимии фанҳои кафедраашонро барои тасдиқ намудан ба Шурои илмӣ-методӣ пешниҳод намоянд.  

        Барои дар сатҳи лозимӣ баргузор намудани интихоби донишҷӯёни болаёқат барои иштирок дар олимпиадаҳои фаннӣ дар тамоми кафедраҳо озмуни дохилидонишгоҳӣ баргузор карда шуда, ғолибон ба шуъбаи таълим  пешниҳод карда хоҳад шуд.

        Ба ҳамин тариқ, дар ҷаласаи муовинати таълим масъалаҳои асосии раванди таълим ҳаллу фасл карда шуда, барои беҳтар ба роҳ мондани раванди таълим супоришҳои машаххас дода шуданд.

Муовинати таълим

 

     Санаи 17.11.2018с. аъзои Шӯрои занон ва духтарони ДДТХ дар гирди мизи мудаввар ҷамъ омада, оид ба мавзӯи “Пешвои миллат-ифтихори модарон” сӯҳбат оростанд.

     Сараввал раиси Шӯрои занон ба иштирокчиён оид ба ғамхории Президенти Ҷумҳурии Тоҷикистон, Асосгузори сулҳу ваҳдати миллӣ, Пешвои миллат   муҳтарам Эмомалӣ Раҳмон нисбат ба модарон бо маъруза баромад намуданд.  

     Воқеан, Пешвои муаззами миллат нисбат занону духтарон ғамхориҳои рӯзафзун зоҳир намуда, баҳри боло бурдани мақому манзалати занҳо дар ҷомеа тадбирҳои муассир андешидаанд, ки натиҷаҳои назаррасро доранд.    

     Баъд аз шунидани маъруза, дар баррасии он донишҷӯдухтарон Гулова Таманно, Ҳусейнова Шоҳсанам, Лайлои Неъматулло, Пулатова Фараҳноз фаъолона иштирок намуданд. Сӯҳбат хеле, гарму ҷӯшон, гуворо ва манфиатбахш гузашт.

Шӯрои занон ва духтарони ДДТХ

 

  

 

                                             Тоҷикистонам чароғон мешавад,

                                    Манбаи нури фаровон мешавад.

                              Аз фурӯғи дидаи Роғуни мо,

                                        Ҳафт кишвар ахтаристон мешавад.

      Аҷдодони мо аз қадимулайём ҳамчун миллати созанда, ҳунарманд ва меҳнатдӯст машҳури олам гашта, ба насли имрӯзаи хеш ин сифатҳои бузурги инсониро мерос гузоштаанд. Бо бунёди НОБ-и Роғун, ки мақсаду мароми ҳар як тоҷики ватандуст аст, мо ба яке аз ҳадафҳои стратегии миллӣ – таъмин намудани истиқлолияти энергетикӣ наздик мешавем ва дар навбати худ ояндаи насли навро дурахшон месозем.

     Ба кор шурӯъ кардани агрегати якуми НОБ-и Роғун барои ҳар як хонадони тоҷик, аз ҷумла Донишгоҳи давлатии тиббии Хатлон хурсандии беҳадду канор овард. Дар ин рӯз ҳамаи донишҷӯён ва устодони донишгоҳ тавасссути оинаи нилгун пахши мустақими кушодашавии агрегати аввалини ин манбаи нурро бо иштироки Президенти Ҷумҳурии Тоҷикистон, Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон тамошо карда, бо ифтихор якдигарро табрик намуданд.      

 

Муовинати тарбия ва фарҳанги ДДТХ

 

 

Подкатегории