Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

   

    Донишгоҳи давлатии тиббии Хатлон яке аз аввалинҳоест, ки дар назди донишгоҳ Клуби сайёҳиро таъсис додааст. Бо максади аз наздик шинос гардидан бо мавзеъҳои таърихӣ, ҷойҳои зебою маконҳои хушбоду ҳавои кишвар Клуби сайёҳи тайи се сол аст, ки дар донишгоҳ фаъолият карда истода, омӯзгорону донишҷӯён фориғ аз дарс ба сайру сайёҳати минтақаҳои гуногуни кишвар мебароянд.
   Дар доираи нақша-чорабиниҳои Клуби сайёҳии ДДТХ санаи 13-ум ва 14-уми моҳи апрел донишҷӯёни гурӯҳи 202-и факултети педиатрӣ таҳти роҳбарии куратори гурӯҳ Қурбонмамадов С,Х. ба шаҳри Ҳисор сафар намуданд. Санаи 13-ум донишҷӯён аввал аз “Боғи ботаникӣ” ва “Боғи фарҳангӣ-фароғатии ба номи С. Айнӣ”-и шаҳри Душанбе дидан намуданд. Иштирокчиён эҳсос карданд, ки дар муддати на чандон тулонӣ пойтахти Тоҷикистон шаҳри Душанбе тамоман симои нав ба худ касб кардааст ва аз зебогиҳои он ҳаловати тоза бурданд. Пас аз сайёҳат дар боғу гулгаштҳо ва кучаву хиёбонҳои шаҳри Душанбе баъди нисфирӯзӣ ба шаҳри Ҳисор роҳ пеш гирифтанд. Нахуст ба Қалъаи Ҳисор рафта, аз ин мавзеи таърихии шаҳри Ҳисор дидан намуданд. То бегоҳӣ қалъаи Ҳисор ва гирду атрофи онро тамошо намуда, аксҳои хотиравӣ гирифтанд.
   

   Рӯзи 14-ум сайёҳат аз тамошои шаҳри Ҳисор, бахусус, осорхонаи шаҳр ва боғи фарҳангӣ-фароғатӣ оғоз ёфт. Дар осорхона донишҷӯён бо таърихи шаҳри Ҳисор, шахсиятҳои барӯманди диёр, ҳунарҳои мардумӣ ва дигар ёдгориҳои таърихӣ ошноӣ пайдо карданд. Сипас аз бинои бошукӯҳи “Харбуза” боздид ба амал оварда шуд. Роҳбалади ин бино донишҷӯёнро бо дирӯз, имрӯз ва ояндаи он шинос намуда, иморатҳои гирду атрофи онро, ки қомат афрохта истодаанд, муаррифӣ намуд.
     Нисфирӯзӣ донишҷӯён ба тарафи Шаҳринав раҳсипор шуда, ду-се соат дар ин макон сайёҳат ва истироҳат намуданд. Сайёҳати дурӯза бо тамошои Шаҳринав ба анҷом расида, бегоҳӣ донишҷӯён ба ноҳияи Данғара баргаштанд.
    Дар давоми сафар донишҷӯён маърифати баланди сайёҳӣ аз худ нишон дода, ҳамчун табибони оянда бо шукргузорӣ аз фазои орому осудаи кишвар бо таассуроти неку хотирмон сайёҳати худро анҷом бахшиданд.

Кафедраи забонҳо,
Клуби сайёҳии ДДТХ.

     Санаи 15-уми апрели соли равон маъмурияти китобхона дар якҷоягӣ бо кафедраи ҷомеашиносӣ Маҳфили “Ситораҳои тибби тоҷик” –ро дар гуруҳи 102, факултети стоматологӣ  доир намуданд. Боиси қайд аст, ки чунин маҳфил дар донишгоҳи азизи мо бори нахуст баргузор гардид. Мақсад аз баргузор намудани чунин маҳфил дар он буд, ки донишҷӯёни мо, ҳамчун табибони оянда, бояд ҳатман зиндагинома ва осори шахсиятҳои бузурги соҳаи тибро шиносанд. Маҳфил дар сатҳи хуб доир гардида, донишҷӯён оид ба зиндагиномаи якчанд нафар табибони бузург, аз ҷумла: Исҳоқӣ Ю.Б, Ғуломов М.Ғ, Усмонов Н.У, Ҳакимова С.Ҳ, Мансуров Ҳ.Ҳ, Тоҷиев К.Т, Осимӣ А.Ф, Пулодов А.Т ва дигарон тариқи маърӯзаю презентатсия баромад намуданд. Дар маҳфили номбурда мудири кафедраи ҷомеашиносӣ - Гулов А.А., муовини декан Асоев - П.С, омӯзгори фанни таърих - Мардонова Н ва мудири китобхона - Саидова М.Р иштирок намуданд. Пас аз фарҷоми маҳфил мудири кафедраи ҷомеашиносӣ Гулов А.А. баромад намуда, донишҷӯёнро даъват бар он намуд, ки ҳамчун пайравони Сино, номбардорони миллати худ бошанд. Зеро миллате, ки гузаштаи худро намешиносад ояндаи он миллат дар хатар хоҳад буд.

    Маъмурияти китобхона тасмим гирифтааст, ки аз ин пас маҳфили  “Ситораҳои тибби тоҷик” –ро дар байни тамоми донишҷӯён баргузор намояд.

                                                                                   Маъмурияти китобхона

           Баҳри хушбахтии мо пиру ҷавон,

          Тозаву сарсабз боши Балҷувон.

     Оре, ноҳияи Балҷувон бо қарори Ҳукумати Ҷумҳурии Тоҷикистон  аз соли 2000 «Минтақаи туризми байналмилалӣ» эълон гардидааст.

    Тибқи нақша – чорабиниҳои клуби сайёҳии ДДТХ, санаи 14.04.2019 сол донишҷӯёни гуруҳҳои 107 педиатрӣ бо роҳбарии куратори гуруҳ Камолова З.Н. ва 307 педиатрӣ бо роҳбарии Камолов А.С. ба ноҳияи Балҷувон сафар доштанд.

     Субҳи барвақти 14.04.2019 сол гуруҳҳои зикршуда, бо омодагиҳои ҳамаҷониба  роҳ сӯи ноҳияи Балҷувон пеш гирифтанд. Дар ҷараёни сафар аз мавзеъҳои Дашти майдон, Гирбас, Чорякорон дидан намуда, дар Чорякорон лагери истироҳатии худро таъсис доданд. Сипас донишҷӯён бо роҳбаладии кураторон пиёда ба кӯҳ баромада, Қалъаи турк, Тиёнак, Хами бедро тамошо карданд. Аз ин баландиҳо қаторкуҳҳои барфпӯшу осмонбусӣ Ховалинг, Мӯъминобод, Дарвоз намоён буданд, ки аз дидани онҳо донишҷӯён ҳаловати дигар бурданд.

      Пас аз тамошои ин мавзеъҳои диққатҷалбкунандаю дилкаш ба лагер баргашта, хӯроки нисфирӯзӣ хӯрданд. Баъдан  ба рақсу сурудхонӣ  ва бозиҳои варзишӣ машғул гардиданд. Бегоҳии ҳамонрӯз донишҷӯён бо таассуроти бисёр нек ба ноҳияи Данғара баргаштанд.

Деканати  Факултетҳо

«Объектҳои мероси таърихию фарҳангӣ ва рушди туризми таърихи дар вилояти Хатлон»

    Дар қаламрави Тоҷикистони соҳибистиқлоли мо ёдгориҳои таърихиву фарҳангӣ ва меъмории зиёде мавҷуд аст, ки онҳо ба « Феҳристи ёдгориҳои моддии Ҷумҳурии Тоҷикистон» ворид гардидаанд. Аз ин шумора, 13 –тоаш ба рўйхати силсилаҷоизаи Шоҳроҳи бузурги Абрешим шомил мебошанд.
  Барномаи силсилаҷоизаи Шоҳроҳи бузурги Абрешим соли 2002 аз ҷониби ташкилоти махсуси СММ оид ба масъалаҳои маориф, илм ва фарҳанг- ЮНЕСКО қабул гардидааст. Мақсад аз роҳандозии ин ҷоиза, пеш аз ҳама , ҳифз , нигоҳдошт ва ба ҷомеаи ҷаҳонӣ пешниҳод намудани ёдгориҳои табиӣ, таърихию фарҳангӣ ва меъмории кишварҳои ҳавзаи Шоҳроҳи бузурги Абрешим мебошад. Ҳамчунин, ин раванд барои рушди туризми таърихию фарҳангӣ ва экологӣ заминаи мусоидро фароҳам оварда, боиси ҷалби бештари саёҳони хориҷию дохилӣ ба кишвар мегардад. Бояд тазаккур дод, ки Шоҳроҳи бузурги Абрешим пайвандгари таъриху фарҳанг, тамаддун, сиёсат ва урфу одати халқиятҳои гуногун мебошад. Ин роҳи бузург хануз дар асрҳои IV-III пеш аз милод пайдо шуда, Шарқро ба Ғарб пайванд намуда буд ва он ягона роҳи корвонгузар ба ҳисоб мерафт. Дар қаламрави Ҷумҳурии Тоҷикистон 2 шохаи шоҳроҳ аз ҷануб ба шимол бо 5 гузаргоҳ: гузаргоҳҳои Марказӣ, Амударё, Вахон, Панҷакент – Самарқанд - Пойканд ва Фарғона - Сирдарё мегузаштанд, ки яке аз омилҳои рушди шаҳрҳову маҳалҳои тоҷикон ба шумор мераванд.
   Дар марҳилаи якум, моҳи ноябри соли 2009 дар шаҳри Сияни Ҷумҳурии Мардумии Чин 8 ёдгории таърихию фарҳангии Ҷумҳурии Тоҷикистонро ба феҳристи ин ҷоиза шомил кардаанд, ки инҳо шаҳраки эленистии Тахти Сангин, ёдгории меъмории Хоҷа Машҳад, Дайри буддоии Аҷинатеппа, шаҳри асримиёнагии Ҳулбук ва ёдгориҳои таърихию фарҳангӣ ва меъмории ҳудудҳои он мебошанд. Дар марҳилаи дуюм бо пешниҳоди мутахассисони Вазорати фарҳанги кишвар соли 2015 дар шаҳри Алма-Ато 5 ёдгории дигари таърихию фарҳангӣ ва меъмориро ба силсилаҷоизаи Шоҳроҳи бузурги Абрешим номнавис карданд..
   Мероси бойи таърихию фарҳангии ҳар як шаҳру ноҳияи вилояти Хатлон имкониятҳои ба худ хоси рушди соҳаи туризмро доро мебошанд. Ҳамаи ин шаҳодати он аст, ки мардуми Хатлонзамин таърихи бою кўҳан дошта, метавонад онро ба ҷаҳониён муаррифӣ намояд.
    Дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомали Раҳмон (Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 22.12.2016) бо мақсади ба роҳ мондан ва тавсеа бахшидани соҳаи сайёҳӣ, истифодаи самараноки имкониятҳои мавҷуда, инкишоф ва рушди инфрасохтор ва дастгирии сайёҳии дохилӣ бо Қарори Шурои олимони Донишгоҳи давлати тиббии Хатлон, дар мувофиқа бо макомотхои дахлдори Ҳукумати Ҷумҳурии Тоҷикистон аз моҳи апрели соли 2017 «Клуби сайёҳӣ ДДТХ» таъсис дода шудааст.
    Клуби сайёҳии Донишгоҳи давлати тиббии Хатлон дар асоси санадҳои меъёрии ҳуқуқие, ки соҳаи туризмро танзим менамояд ва Оиномаи ДДТХ фаъолияти худро ба роҳ мондааст . Клуби сайёҳии Донишгоҳи давлати тиббии Хатлон бо мақсади қонеъ намудани талаботи донишҷуёну кормандони донишгоҳ дар навбати аввал барои онҳое,ки барои шиносоӣ аз таъриху фарҳанг ва боигариҳои табиати кишвар аз ҷумла, дар вилояти Хатлон майл доранд таъсис дода шудааст.

Муовини Ректори  ДДТХ

-Сарвари "Кулуби сайёҳи ДДТХ" Аҳадов Ш.Ф.

Подкатегории