Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

    Рӯзи 11-уми феврали соли 2019 ҷаласаи Кумитаи тадорукоти Донишгоҳи давлатии тиббии Хатлон оид ба пешвозгирии ҷашнҳои баҳорӣ ва таҷлили иди байналмилалии Наврӯз баргузор гардид. Дар ҷаласа муовини ректор оид ба таълим Аҳмадов Ш..Р., оид ба тарбия ва фарҳанг Усмонова У.Х., оид ба корҳои хоҷагӣ Аҳадов Ш.Ф., сардори шуъбаи таълим Қурбонмамадов С.Х., сармутахассис оид ба назорати сифати таълим Одинаев С.П., декани факултетҳо Боронов Ҳ.А., муовинони декан Камолов А.С., Омонов Э.А., сардори шуъбаи кадрҳо Холов Ш.И., раиси Кумитаи занон ва духтарон Шарипова Ҳ.Я., раиси Кумитаи иттифоқҳои касабаи кормандону донишҷӯён Камолов Д., раиси Кумитаи ҷавонон Раҳимов Х. Ширкат намуданд. Сараввал Нақшаи чорабиниҳои донишгоҳ оид ба таҷлили ҷашнҳои баҳорӣ баррасӣ карда шуда, мутасаддиёни он таъин карда шуданд. Кумитаи тадоркукуот оид ба баргузор намудани 10 номинатсияҳо бахшида ба таҷлили иди Наврӯз қарор қабул намуд: “Омӯзгори сол”, “Донишҷӯи сол”, “Варзишгари сол”, “Мураббии сол”, “Корманди сол”, “Кафедраи сол”, “Хонандаи беҳтарини китобхона”, “Ҳунарманди сол”, “Маликаи сол”. Шартҳои баргузории озмунҳои мазкур тибқи Низомномаҳои озмунӣ мушаххас карда шуданд

Кумитаи тадорукот

    

   Дар Паёми имсолаи Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон ба Маҷлиси миллии Маҷлиси Олии Ҷумҳурии Тоҷикистон дар баробари дигар самтҳои фаъолияти мамлакат соҳаҳои илму маориф мавриди диққати ҷиддӣ қарор гирифтанд. Ҷиҳати  баланд бардоштани сатҳи касбияти омӯзгорон ба Вазорати маориф ва илми ҶТ дастур дода шуд, ки курсҳои такмили ихтисоси омӯзгоронро тақвият бахшад.

   Дар ҳошияи Паёми Пешвои миллат бо супориши ректор Донишгоҳи давлатии тиббии Хатлон аз аввалинҳо шуда, дар мувофиқа бо ДТИОМТОК-и назди ДМТ курси сайёри равияи педагогика ва психологияро баҳри такмили касбияти омӯзгорон ташкил ва баргузор намуд.

  Курси такмили ихтисоси омӯзгорон дар ДДТХ аз 21-уми январ то 2-юми феврал давом ёфта, 30 нафар омӯзгорони донишгоҳ тавонистанд дар ин муддат маҳорату малака, донишу истеъдоди омӯзгории худро сайқал диҳанд. Омӯзгорон дар давоми ду ҳафта аз методу усул ва донишу раҳнамоии устодони ботаҷриба, номзади илми педагогика, дотсент Наимов З., доктори илмҳои филологӣ, профессор Камолиддинов Б., номзади илми  сиёсатшиносӣ, дотсент Расулов С. баҳравар гарданд.

   

   Тарбия намудани қобилияти фикрронии мустақилона ва эҷодӣ, ки сифатҳои муҳими шахси баркамол маҳсуб меёбанд, аз вазифаҳои муҳимтарини омӯзгор дар раванди дарс ба шумор мераванд. Вобаста ба  самаранок ташкил намудани машғулиятҳо ва тарбияи ҳаматарафаи донишҷӯён номзади илмҳои педагогика, дотсент Наимов Зариф шунавандагони курсро бо усулҳои интерактивии таълим аз нуқтаи назари педагогикаи муосир шинос намуд. Номбурда ба ғайр аз усулҳои гуногуни таълим, диққати шунавандагонро ба тарзи ташаккули тафаккури интиқодии донишҷӯён равона намуд.

   Забони давлатӣ ва маҳорати суханварӣ аз масъалаҳои муҳиме буданд, ки дар рафти машғулиятҳо аз ҷониби доктори илмҳои филологӣ, профессор Камолиддинов Баҳриддин мавриди баррасӣ қарор дода шуданд. Номбурда бо овардани далелҳои мушаххас ва суханҳои пур аз панду ҳикмат барои шунавандагон аз ҳусни баён, тарзи гуфтор, усули қироати матнҳои гуногун, роҳ надодан ба ғалатҳои имлоӣ ва дигар паҳлуҳои забони давлатӣ ва маҳорати суханварӣ сӯҳбатҳои муфидро доир намуд..

   Инкишоф додани қобилияти дарккунӣ ва самаранок ташкил намудани машғулиятҳои семинарӣ бо донишҷӯён ба донистани психологияи донишҷӯён сахт алоқамандӣ дорад. Роҷеъ ба мавзӯи зикргардида номзади илми  сиёсатшиносӣ, дотсент Расулов Сайфиддин ба шунавандагони курс дарсҳои пурмуҳтаво гузаронид. Ҳамчунин тарзҳои гуногуни гузаронидани тестҳои психологиро низ барои омӯзгорон нишон дод.

  Санаи 2-юми феврал бо иштироки сардори шуъбаи кадрҳои ДТИОМТОК-и назди ДМТ  Исматулло Шерхон ва Раёсати ДДТХ иштирокчиёни курси такмили ихтисос дар вазъияти тантанавӣ бо диплом сарфароз гардонида шуданд.

      Раёсати Донишгоҳи давлатии тиббии Хатлон минбаъд низ кушиш менамояд, ки чунин курсҳои омӯзиширо барои омӯзгорон ҷиҳати баланд бардоштани касбият ва такмили ихтисос ба роҳ монад.

Шуъбаи таълим.

 

     

     Рӯзи 4-уми феврали соли 2019 нишасти матбуотӣ бо иштироки рӯзноманигорон ва хабарнигорони гуногуни вилояти Хатлон ва ҷумҳурӣ баргузор гардид.Дар нишасти матбуотӣ ректори ДДТХ д.и.т.,профессор Убайдулло Қурбон, муовини рестор оид ба  таълим Аҳмадов Ш.Р., муовини ректор оид ба илм ва нашрия Саидов И.З.,муовини ректор оид ба тарбия ва фарҳанг Усмонова  У.Х., декани факултетҳо Боронов Ҳ., аз ҷониби рӯзноманигорон бошад зиёда 20 нафар намояндагони ахбори умум ширкат намуданд . Сараввал ректори донишгоҳ д.и.т., профессор Убайдулло Қурбон оид ба фаъолияти Донишгоҳи давлатии тиббии Хатлон дар соли 2018 ахбор пешниҳод. Сипас, ба саволҳои рӯзноманигорон  оид ба ин ё он паҳлӯи фаъолияти донишгоҳи ҷавобҳои мушаххас доданд. Диққати   намояндагони воситаҳои ахбори умумро асосан ҳамкорҳои донишгоҳ бо  дигар мамолики хориҷӣ, бо хобгоҳ таъмин будани донишҷӯён, аз кадом ноҳияҳои қумҳурӣ таҳсил намудани толибилмон, фаъолияти ҷарроҳӣ, ташхисию табобатии кормандон донишгоҳ, сифати таҳсилот, таъминоти донишҷӯён бо китобҳои дарсӣ, истифода  аз китобхонаи электронӣ, дараҷаи тахассуснокии ҳайати профессорону омӯзгорони донишгоҳ ва ғара ба худ ҷалб намуд. Ба ҳамаи  саволҳои аҳли матбуот бо далелҳои муътамад посух дода шуд.

      

     Дар охир ректори донишгоҳ д.и.т., профессор Убайдулло Қурбон ба ҳамаи  рӯзноманигорон барои иштироки фаъолона ва таваҷҷӯҳи хосаашон нисбат ба бурду бохти донишгоҳ изҳори миннатдорӣ намуданд. Баъди анҷоми шишасти матбуотӣ рӯзноманигорон аз сохторҳои гуногуни донишгоҳ, толори китобхонаи электронӣ ва ғ,дидан намудан.

 

Шуъбаи таҳлил, назорат ва робита бо ҷомеа

       Дар маркази вилояти Хатлон – шаҳри Бохтар дар ҷамъбасти соли 2018 озмуни навбатии натиҷагирӣ аз сохторҳои давлатию ғайридавлатӣ  баргузор гардид. Аз ҷониби Кумитаи тадорукот дар номинатсияи «Табиби беҳтарини сол» ректори Донишгоҳи давлатии тиббии Хатлон, доктори илмҳои тиб, профессор, ҷарроҳи варзида ва табиби ҳозиқ Убайдулло Қурбон ғолиб дониста шуда, бо диплому туҳфаҳои хотиравӣ қадр карда шуд. Албатта, боиси ифтихору сарбаландии дуюмин таълимгоҳи тиббии ҷумҳурӣ – ДДТХ мебошад, ки сарвари   кордону дар ҷумҳурӣ шинохтаи онҳо ба чунин ғолибият мушараф гардидааст. Ин бори дигар собит месозад, ки саъю кушишҳои пайвастаи ин родмарди сарсупурдаи тиби ҷумҳурӣ ҳам дар фатҳи қуллаҳои нави илми тиб ва ҳам тайёр намудани кадрҳои ояндаи соҳибихтисос барабас нарафтааст. Аз номи тамоми аҳли ин донишгоҳи навбунёд роҳбари ғамхору дилсӯз ва кордони худро барои чунин ғолибият аз самими қалб табрику муборакбод намуда, дар шоҳроҳи зиндагӣ ба Убайдулло Қурбон комёбиҳои нав ба нави эҷодию меҳнатиро таманно дорем.

Бо он фурӯтаниву бо он шикастанафсӣ

Фарди бузургвори даврони мо ту ҳастӣ,

Кашшофи ақлу фитрат, ёбандаи маҳорат,

Андар ҷаҳони дилҳо кишваркушо ту ҳастӣ.

Раёсат, коллективӣ меҳнатӣ ва донишҷӯёни  ДДТХ

Подкатегории