Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

   

   Аз соли 2008 сар карда, дар тамоми ҷаҳон бо ташаббуси Ташкилоти умумиҷаҳонии тандурустӣ дар фасли баҳор рӯзи ҷаҳонии хоб ҷашн гирифта мешавад. Соли якум онро саннаи 14-уми март ҷашн гирифтанд, баъдан ҳамасола рӯзи ҷумъаи нимаи дуюми моҳи март ҷашн гирифта мешавад.

  Дар донишгоҳи мо саннаи 15-уми марти соли ҷорӣ баҳри таҷлили ин ҷашн аз ҷониби волонтёри китобхона Фурохов Иброҳим маърӯза омода гардида, дар лексияҳо ба донишҷӯёни курсҳои якум пешкаш карда шуд.

   

  Ӯ оид ба хоб, давомнокии хоб, хоби калонсолон, хоби кӯдакон, бароҳатии хоб, тарзҳои хӯрдани таом пеш аз хоб ва ғайра маълумоти муфассал пешкаш намуда, қайд кард, ки хоб барои барқарор намудани қувваи ҳаррӯза ба одамон зарур мебошад. Дарозии хоб барои калонсолон бояд 7-8 соат ва барои наврасон 9-10 соатро ташкил диҳад. Норасоии дуру дарози хоб ба вайроншавии ҳолати рӯҳӣ оварда мерасонад. Ҳарорати муносиб ва ҳаловатбахш њангоми хоб 18-20 градусро ташкил медиҳад.  Инчунин, бо расму роликҳо оид ба тарзҳои хоб, донишҷӯёнро онҳоро шинос намуда, муфиднокии онро дар ҳама ҳолат арзёбӣ намуд. Аз ин иқдом донишҷӯёни курси 1-ум хеле розӣ буданд.

Китобдори асосӣ

Набиева А.А.

    Группа университетов Казахстана, Таджикистана и Узбекистана в сотрудничестве с университетами Италии, Германии и Польши совместно реализуют проект Erasmus Plus «Создание потенциала в области высшего образования», финансируемый Европейским союзом и начатый в феврале 2019 года.

 

  Целью проекта является поддержка модернизации, профессионализации и интернационализации последипломного обучения в области управления уходом за детьми в Центральной Азии (ЦА), обмена знаниями в области педиатрии, детской хирургии и подготовки аспирантов по нейропсихиатрии детей. Университетами - партнерами Республики  Таджикистан явились ТГМУ им. Абуали ибни Сино, ХГМУ и Институт последипломного образования медицинских кадров.

          Координатором проекта от ХГМУ является Мамадалиева С.А., ассистент кафедры языков. В связи с условиями проекта (уход за детьми) исполнителями проекта назначены заведующая кафедрой терапевтических дисциплин ХГМУ, к.м.н.,  доцент, врач- педиатр Кузибаева Н.К. и ассистент кафедры морфологии человека, врач – детский хирург Мардонзода К.М.  

      Согласно плану проекта, первая встреча была организована в городе Павия (Италия) со стороны организаторов встречи. С 20 по 22 февраля, была организована программа семинара. Согласно программе семинара, в первый день семинара, в здании экономического факультета университета Павии в очень теплой обстановке, проводились  краткие презентации по представлению университетов, членов проекта.  В процессе презентации университетов об их деятельности партнеры обменялись памятными подарками в знак уважения и дружбы друг к другу. Также были вручены подарки с символами университетов партнеров и стран, организаторам проекта. После ознакомления участников семинара с университетами партнерами  со стороны организаторов,  Жан Батиста Джамба, Альберто Форте и Микела М., были представлены подробные презентации о деятельности проекта, периоде функционирования, финансировании, ведении и оформлении документации, критерии подбора работников проекта, организации дальнейших встреч по проекту.

   В рамках семинара, была проведена экскурсия в Киролаб, центр медицинских  инновационных технологий университета Павия. Одним из важных моментов встречи, было посещение университетской клиники, расположенной недалеко от университета Павии. Оснащение и высокий профессиональный уровень медициниского персонала  работающего в клинике университета Павия, оставил неизгладимое  впечатление у участников семинара, посетивших клинику.

  Основная цель команды, участвующей в проекте, базирующемся в Хатлонском государственном медицинском университете, - поделиться своим собственным опытом по уходу за детьми и всеми ключевыми компетенциями и навыками в своем университете, а также улучшить свои собственные знания посредством участия в проекте и обмена опытом с другие партнерами, которые участвуют в проекте. Эти 3 исследователя будут участвовать во всех областях проекта, а также в подготовке новых учебных программ, методологий и программ в педиатрии для студентов и преподавателей для улучшения обучения ухода за детьми. В целом проект предусмотрен функционировать 3 года.

   Таким образом, проект подчеркнет важность ухода за детьми, способствуя тем самым снижению детской смертности благодаря обновленному подходу к обучению современным методам лечения новорожденных и детей. Уход за пациентами, широко используя инструменты, предоставляемые ИКТ.

Павия (Италия) с 20 по 22 февраля 2019 года.

Зав.кафедрой терапевтических дисциплин,             Кузибаева Н.К

 

     

     Дар Донишгоҳи давлатии тиббии Хатлон аз санаи 11-уми  март бо саъю кӯшиши раёсати Донишгоҳ  барои боз ҳам баланд бардоштани сатҳи донишу малакаи касбии табибон, курси такмили ихтисос оғоз гардид. Дар курс табибони беморхонаҳои ноҳияи Данғара ва ҷумҳуриявӣ, инчунин, омӯзгорони Донишгоҳи давлатии тиббии Хатлон  фаъолона ширкат варзиданд. Машғулиятҳои курси такмили ихтисосро муовини ректор оид ба таълим  Ахмедов Ш.Р., ва муовини ректор  оид ба илм ва нашрия Саидов И.З., ҳусни оғоз бахшиданд.           

    Маърузаи нахустин аз тарафи мудири кафедраи ҷомеашиносӣ, номзади илмҳои фалсафа Гулов А.А., ироа  гардид. Номбурда дар мавзӯи «Ахлоқ ва деонтологияи тиббӣ» баромад намуда, диққати асосии иштироккунандагонро ба ахлоқи касбӣ равона намуданд. Устод Гулов А.А., қайд карданд, ки «Тарбияи инсон дар ҷомеаи муосир, аз ҷумла, тарбияи ахлоқии шахсият дар маркази диққати тамоми фаъолиятҳост. Он диққати ҷиддие, ки ҷамъияти мо нисбат ба тарбияи ахлоқӣ зоҳир менамояд, аз моҳияти сохти ҷамъияти мо муайян мегардад. Яке аз вазифаҳои асосии он - ташаккул додани симои маънавии шахсияти ҳаматарафа инкишофёфтаи бунёдкор мебошад.

           

     Ахлоқ чун маҷмӯи принсипҳо, қоидаҳо ва меъёрҳо сифатест, ки одамон дар рафтори худ, муносибати байниҳамдигарӣ ва умумии ҷамъият дар фаъолияти меҳнатӣ ва ҳаёти ҳаррӯзаашон аз рӯйи он фаъолият менамоянд. Ахлоқ дар шароити таърихӣ ба вуҷуд омада, инкишоф ёфтааст.»

 Устод Гулов А.А., аз суханони Ибни Сино, Закариёи Розӣ ва дигар табибону файласуфони форсу тоҷик ва ҷаҳон дар бораи ахлоқи ҳамидаи инсонӣ мисолҳои фаровон овард. Масалан:

«Агар ҳар фард нафси худро ислоҳ кунад, давлату миллатро низ  идора  карда   метавонад».                    Ибни Сино.

Ман надидам дар ҷаҳони ҷустуҷӯ,

Хеҷ аҳлият беҳ аз хулқи накӯ.                                Чалолиддини Балхӣ

 «Ҳама чиз ва ҳама корро аз ахлоқ бояд оғоз кард, табиати касе, ки   ислоҳпазир нест, он кас  ҳаргиз  ҳақиқат ва моҳияти илмро сарфаҳм рафта наметавонад».                                        Муҳаммад Закариёи Розӣ

 «Касе, ки илми ахлоқро наомӯхтааст, омӯзиши дигар илмҳо (ҳатто илмӣ тиб) ба ӯ фақат зиён меовараду халос».         Мишель Монтен

 «Ахлоқ бояд ситораи қутбнамои ҳамаи илмҳо бошад».  Буффлер             «Се касб туҳфаи иллоҳист:  қозигӣ, муаллимӣ  ва табибӣ».        Гипократ

            «Агар пас аз суҳбати табиб бемор худро сабук ҳис накунад, пас ӯ табиб нест». Бехтерев В.М.

            Инчунин, устод Гулов А.А., оид ба деонтология маълумот дода, қайд намуд, ки онро ҳамчун истилоҳи ифодакунандаи назарияи ахлоқ , охири асри 18 роҳиб, файласуфи англис Иеремия  Бентам пешниҳод кардааст. Деонтологияи  тиббӣ  ҷамбасти қоидаю талабот оид ба иҷрои вазифа,  одобу рафтор ва масъулияти духтур нисбат ба ҳаёт ва саломатии бемор, муносибати ӯ бо ҳамкасбон ва аҳли ҷамъият мебошад. «Қасамномаи духтур»-и Гипократ ба рафтори поку шоистаи духтурон бахшида шуда,  то имрӯз моҳияти худро гум  накардааст. Деонтология масъалаҳои махфӣ доштани сири касбии духтурон, инчунин   конунҳоеро дар бар мегирад, ки  дар асоси онҳо  ҳангоми нодуруст табобат кардан  ё бар зарари саломатии беморон амал намудан, духтурон   ба   ҷавобгарӣ   кашида хоҳанд шуд.

            Дарси аввал дар курси такмили ихтисос барои табибон ниҳоят пурмуҳтаво гузашт ва иштироккунандагони курс аз он як ҷаҳон маънӣ бардошта, хеле қаноатманд буданд. Машғулиятҳо то санаи 16-уми марти соли равон, тибқи нақша идома хоҳанд ёфт.

                                                                              Кафедраи ҷомеашиносӣ

   

   Рӯзи 11-уми марти соли 2019 дар толори китобхонаи Донишгоҳи давлатии тиббии  Хатлон бо ибтикори кафедраи забонҳо дар мавзӯи «Китоб - дӯсти беҳтарини инсон» бо иштироки донишҷӯёни соли аввал чорабинии адабие баргузор гардид. Чорабиниро саромӯзгори кафедраи забонҳо Одинаев С.П. ҳусни ифтитоҳ бахшида, қайд намуданд, ки дар замони технологияи муосир ҳам нақши китоб ягон зарра коста нашудааст. Китоб инсонро дар шоҳпари хаёл ба ҷаҳони зебову пурмаъно ва пурнақшу нигоре ҳидоят менамояд, ки аз лаззату кайфияти қироати он ҳатто қалам низ баъзан оҷизӣ мекунад.

   Донишҷӯи соли дуюми факултети тибби Давлатова Нилуфар таассуроти худро аз қироати  асари безаволи Сотим Улуғзода «Субҳи ҷавонии мо» бисёр рангину хотирмон баён намуданд, ки тамоми ҳозирин саропо гӯшу ҳуш шуданд. Асар аз ҳаёти бачагӣ ва наврасии адиб ҳикоят мекунад, ки барои насли имрӯзаи ҷавонони тоҷик намунаи волои   ватандӯстию хештаншиносӣ шуда  метавонад.  Порчаҳои марғуби асар бо нақли рангини Нилуфар ба донишҷӯён таассуроти амиқе бахшид.

  Чорабиниро мудири кафедраи забонҳо н.и.ф. Қурбонмамадов С.Х. ҷамъбаст намуда, ҳамзамон иброз доштанд, ки имрӯз тибқи сиёсати Ҳукумати Ҷумҳурии Тоҷикистон рӯ овардан ба фарҳанги китобхонӣ  яке аз вазифаҳои аввалиндараҷаи ҳар як шаҳрванди ҷумҳурӣ ба ҳисоб меравад. Бесабаб нест, ки дар саросари кишвар ба мақсади боз ҳам бештар ҷалб намудани аҳли ҷомеа ба китобхонӣ озмуни «Фурӯғи субҳи доноӣ» эълон карда шудааст. Боварӣ дорем, ки чорабинии имрӯза дар дили мо нисбат ба ин «аниси кунҷи танҳоӣ» ва «фурӯғи субҳи доноӣ» тухми муҳаббат кошта, моро бештар ба қироати асарҳои бадеӣ ҳавасманд хоҳад кард.

Кафедраи  забонҳо

Китобхонаи ДДТХ

 

Подкатегории