Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

     Тибқи анъана рӯзи 4-уми сентябри соли 2018 дар толори фарҳангии донишгоҳ вохӯрии ректори ДДТХ д.и.т., профессор Убайдулло Қурбон бо донишҷӯёни соли аввал баргузор гардид.

    Сароғоз ректори ДДТХ д.и.т., профессор Убайдулло Қурбон донишҷӯёни ба тозагӣ ба донишгоҳ шомилшударо аз номи раёсат ва Шӯрои олимони донишгоҳ ба муносибати сазовор шудан ба номи баланди донишҷӯи донишгоҳи тиббӣ табрику муборакбод намуда, ба онҳо барои фатҳи қуллаҳои баланди илму дониш муваффақиятҳо орзу намуд.

    Қайд карда шуд, ки Донишгоҳи давлатии тиббии Хатлон соли сеюм боз фаъолият намуда истодааст ва теъдоди донишҷӯёни он дар айни замон беш аз ҳазор нафар расидааст. Ҳайати профессорону омӯзгорони донишгоҳ ба 90 нафар расида, аз ин теъдод 20 нафар дорои дараҷаҳои илмӣ мебошанд. Дар донишгоҳ 3 факултет, 4 шуъба, 1 Маркази технологияҳои иттилоотӣ, 8 кафедра, 1 китобхона ва 3 ташкилоти ҷамъиятӣ фаъолият намуда истодаанд. Фонди умумии китобхонаи донишгоҳ бошад зиёда аз 16 ҳазор нусха адабиёти таълимӣ, илмӣ ва бадеӣ иборат мебошад.

    Сипас, ректори ДДТХ д.и.т., профессор Убайдулло Қурбон донишҷӯёни соли аввалро бо қоидаҳои тартиботи дохилидонишгоҳи шинос намуданд. Махсусан таъкид карда шуд, ки барои донишҷӯи донишгоҳи тиббӣ бояд риояи ахлоқу одоби ҳамида, яъне ба истилоҳ деонтологияи тиббӣ, эҳсоси баланди илмомӯзӣ, самимона дӯст доштани касби интихобкардаи худ, барои расидан ба қуллаҳои душворгузари мақсуд ҳамеша саъю кушиш намудан хос бошад. Дар охир, ректори донишгоҳ бо камоли боварӣ ибрози назар намуданд, ки ояндаи неки Тоҷикистон ҳамчун як кишвари ободу пешрафта ва демократӣ, ки мояи ифтихори ҳар як фарди ҷомеа мебошад, дар дасти шумо ҷавонон мебошад. Дӯст доштану ҳифз намудани ин сарзамин, ободу зебо гардондани ин ватани воқеан биҳиштосоро ҳар як фарзанди ин кишвар бояд вазифаи муқаддаси худ шуморад.

   Дар вохӯрӣ муовини ректор оид ба корҳои хоҷагиву маъмурӣ Аҳадов Ш.Ф., сардори Шуъбаи таълим Усмонов У.Х., декани факултетҳо Саидов И.З., сардори Шуъбаи кадрҳо Холов Ш.И., сардори Маркази технологияҳои иттилооти Мардонзода Қ.М., муовинони декани факултетҳо Камолов А.С., Омонов Э.О., мудири кафедраи забонҳо Қурбонмамадов С.Х., мудири кафедраи ҷомеашиносӣ Гулов А.А., мудири кафедраи химия ва биологияи тиббӣ Чориев С.А., мудири кафедраи физикаи биологӣ ва информатика Ситамов С., мудири кафедраи морфология ва физиологияи одам Зарифов И.А. иштирок доштанд.

Одинаев С.П. – сармутахассис оид ба назорати сифати таълим,

                           саромӯзгори кафедраи забонҳо

 

    Рӯзи 1-уми сентябр дар саросари кишвари азизамон хамчун Рӯзи Дониш ва Дарси Сулҳ таҷлил карда мешавад. Ба ин муносибат дар саҳни бинои Донишгоҳи давлатии тиббии Хатлон чорабинии идона баргузор гардид. Ин рӯз махсусан барои донишҷӯёни соли аввал пурҳаяҷон ва хотирмон буд. Зеро ин рӯзи нахустини ҳаёти донишҷӯии онҳо ба шумор меравад.

    Чорабиниро декани факултетҳо дотсент Саидов И.З. ҳусни ифтитоҳ бахшида, аз номи ректори донишгоҳ, профессор Убайдулло Қурбон ҳозиринро ба муносибати ин иди фархунда табрик намуда, махсусан таъкид намуданд, ки шахси донишомӯзу толибилм ба мартабаҳои баланд хоҳад расид.

   

    Дотсенти кафедраи забонҳо Должикова В.А. бо муҳаббату самимият суханронӣ намуда, устодону донишҷӯёнро аз самими дил бо оғози соли нави таҳсил муборакбод намуданд.

   

    Аз номи донишҷӯёни соли сеюм Дилафрӯз ҳамчун рамз ба донишҷӯи соли дуюм Азамат китоби “Физиологияи одам”- ро тақдим намуданд. Азамат бошад дар навбати худ ба донишҷӯи соли аввад Аминова Шабнам китоби “Анатомияи одам”-ро тақдим намуданд. Онҳо аз номи кулли донишҷӯён иброз намдуанд, ки рисолати касби интихобкардаи худро дуруст дарк намудаанд ва дар роҳи душворгузари қуллаҳои илму дониш аз ушворињо наҳаросида ва дилпурона дар фатҳи он қадам хоҳанд зад

   Гурӯҳи донишҷӯён бо қироати шеърҳо дар васфи дониш, донишҷӯи соли аввал Аминова Ш. бо суруди “Ватан” ва донишҷӯи соли дуюм Тошбеков М. бо суруди “Бедор” ба ҷамъомад суруру оҳанги идона бахшиданд. Дар охир тамоми донишҷӯён бо “Суруди табибон” ба чорабинӣ ҳусни анҷом бахшиданд.

  

   Тибқи нақша донишҷӯёну устодон дар чор толори донишгоҳ вохӯрии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бо кормандони соҳаи тандурустӣ тариқи телевизион тамошо карданд.

  

                                                                                                        Одинаев С.П. - саромӯзгори кафедраи забонҳо

 

     Раёсати Донишгоҳи давлатии тиббии Хатлон кулли кормандони соҳаи тандурустии ҷумҳуриро бо фарорасии иди фархундаи касбӣ- "Рӯзи касбии кормандони тиб" сидқан табрику муборакбод менамояд.
     Орзуманди онем, ки фазои ободкорию созандагӣ дар кишвар барои боз ҳам беҳтар гаштани сатҳи хизматрасонии тиббӣ ба аҳолии мамлакат шароиту имкониятҳои навро муҳайё сохта табибони ҷумҳурӣ дар амалӣ сохтани нақшаю барномаҳои муҳими давлатӣ оид ба солимгардонии ҷомеа саҳми боз ҳам бештар дошта бошанд.
     Ба ҳамаи Шумо ва аҳли хонадонатон умри дарозу бобаракат ва рӯзгори ободу осуда орзу мекунем.

Раёсати ДДТХ

     Боиси хушнудист, ки имрӯзҳо ба донишгоҳи мо меҳмонони зиёде аз кунҷу канори кишвар  ташриф овардаанд. Ин навбат, санаи 16-уми августи соли 2018 шоири халқии Ҷумҳурӣ муҳтарам Муҳаммадалӣ  Аҷамӣ омаданд ва аз бинои донишгоҳ дидан намуданд. Инчунин, вориди китобхонаи донишгоҳ  низ  шуданд ва аз тарафи ин шахси бузург  150 нусха дабиёти бадеӣ бо забони тоҷикӣ туҳфа гардид.  Гуфтан ба маврид аст, ки китобҳои туҳфагардида мазмуну муҳтавои хуб дошта хеле арзишманд мебошанд. Маъмурияти китобхона кӯшиш менамояд, ки ин адабиёти  бадеиро дастраси  донишҷӯён намояд.

     Раёсати Донишгоҳи давлатии тиббии Хатлон  ба устод Муҳамадалӣ Аҷамӣ  барои ин иқдоми некашон изҳори сипос менамояд.

                                                                                                                                                                                                 Маъмурияти китобхона

Подкатегории