Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

Ба таваҷҷуҳи довталабони ДДТХ расонида мешавад, ки даври якуми имтиҳоноти қабул, ки ба таври тестӣ гузаронида мешавад, соати 07:00 – субҳи 02 – юми майи соли 2016 дар Муассисаи таълимии давлатии мактаби Президентӣ, воқеъ дар ҷамоати Корези н. Данғара баргузор мегардад.


Хотиррасон карда мешавад, ки довталаб бояд бо худ шиноснома ва дастхат (дастхат ба довталабоне дода шудааст, ки ў ба комиссияи қабули донишгоҳ ҳуҷҷат супоридааст) дошта бошад.

 

Sample Blog

 

           Мувофиқи нақша – чорабиниҳои   Комиссияи қабули Донишгоҳи далватии тиббии Хатлон,    вохўрии ректори  донишгоҳ доктори илмҳои тиб, профессор Убайдулло Қурбон   бо  довталабон ва волидайни онҳо     санаи 28 -уми апрели соли 2016, соати 12:00 дар толори Муассисаи таълимии давлатии  мактаби Президентӣ, воқеъ дар ҷамоати Корези ноҳияи Данғара   баргузор мегардад.

         Зимни вохўрӣ иштирокчиён метавонанд доир ба масъалаҳои вобаста ба раванди имтиҳонот ва фаъолияти комиссия қабул  саволҳо пешниҳод намоянд ва ба онҳо ҷавобҳои мушаххас гиранд.

 

Раёсати ДДТХ

 

 

Донишгоҳи давлатии тиббии Хатлон, ки бо қабули 350 нафар донишҷӯ соли ҷорӣ ба фаъолият шуруъ менамояд, бо супориши Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми имсола ба Маҷлиси Олии Ҷумҳурии Тоҷикистон таъсис ёфт. Тавре ки Сарвари давлат дар Паёми имсола таъкид намуданд, «…то ҳанӯз нарасидани мутахассисони соҳаи тиб дар як қатор шаҳру ноҳияҳои мамлакат ба мушоҳида мерасад. Вазъи таъминот бо кадрҳои тиббӣ, хусусан, дар вилояти Хатлон нигаронкунанда аст. Дар ин вилоят, ки аҳолиаш беш аз 3 миллион нафарро ташкил медиҳад, ба 10 ҳазор нафар аҳолӣ 11,3 нафар табиб рост меояд, ки дар муқоиса бо дигар вилояту шаҳрҳои кишварамон нишондиҳандаи хеле паст мебошад.»

   Ҳамин тавр, бо назардошти афзоиши аҳолии мамлакат ва қонеъ намудани талаботи кишвар ба мутахассисони соҳаи тиб, боз як муассисаи таҳсилоти олии касбии тиббӣ дар вилояти Хатлон таъсис дода шуд.

  Дигар аз ҳадафҳои ҳукумати кишвар истифодаи дуруст ва фаровони технологияҳои инноватсионӣ дар соҳаи тиб мебошад. Агарчӣ солҳои охир дар муассисаҳои тиббии кишвар таҷҳизоти замонавӣ васеъ ворид гардида, сатҳи ташхису табобати беморон низ беҳтар шудааст, аммо ихтисосмандони болаёқат, ки технологияҳои муосири тиббиро пурраву самаранок истифода бурда тавонанд, хеле каманд. Бинобар ин, Донишгоҳи навтаъсис дар баробари таълим, кӯшиш менамояд ихтисосмандони тавоноро дар ин самт омода намояд. Баҳои баланди Пешвои миллат, Президенти Ҷумҳрии Тоҷикистон ба мутахассисони соҳаи тибби кишвар, ки зинаи аввали омӯзишро дар Донишгоҳи тиббӣ гузаштаанд, боиси ифтихори мо мебошад, ки гуфтаанд: «Бо қаноатмандӣ метавон гуфт, ки имрӯз мутахассисони соҳаи тибби мо бо истифода аз имкониятҳои муҳайёкардаи Ҳукумат корро дар баъзе самтҳо дар сатҳи ҷаҳонӣ ба роҳ мондаанд. Дар натиҷа имрӯз барои ташхис ва табобат ба кишварҳои хориҷӣ рафтани шаҳрвандони мо хеле кам шудааст.»

  Ин боварии сарвари давлатро Донишгоҳи давлатии тиббии Хатлон низ бомасъулият ба уҳда гирифта,бо истифода аз таҷрибаи васеи кормандон, барои омода намудани мутахассисони сатҳи олии соҳаи тибби кишвар, талош меварзад.

                                                                          

                                                          Шӯъбаи таҳлил назорат ва робита бо ҷомеа

 

Подкатегории