Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

       

          Рӯзи 13-уми январи соли 2017 имтиҳони такрорӣ аз фанни химияи физикӣ ва коллоидӣ баргузор гардид. Дар имтиҳон 18 нафар донишҷӯёне, ки аз имтиҳони аввал баҳои ғайриқаноатбахш гирифта буданд, иштирок доштанд.

         Рафти имтиҳон аз тарафи декани факултетҳо н.и.т. Саидов И.З., муовини декан Камолов А.С. , муовини ректор оид ба таълим дотсент Ғафуров Б.А., мудири кафедраи химия ва биологияи тиббӣ н.и.б. Чориев С.А., омӯзгорони кафедраи мазкур – н.и.х. Усмонова У.Х, Шарипова  Ҳ. Я. назорат карда шуд. Дар вақти муайяншуда донишҷӯён ба саволномаҳои барояшон таҳияшуда ба таври хаттӣ ҷавобҳои худро пешниҳод намуданд.

АХТАРОНИ САЙЁР-И ДДТХ

Имрӯз, Китобхонаи  Донишгоҳ  тариқи намоиши «Ахтарони  сайёр»  ба шумо маълумоти мухтассар оид ба ду навъи  китобҳои нодире, ки дар Китобхона мавҷуд аст, пешниҳод менамояд.

            Лозим ба қайд аст, ки мутолиа намудани  китобҳои зерин барои ҳар як фарди ватандӯсти ҷомеа, хусусан донишҷӯён ва мутахассисони соҳаи тиб зарурӣ мебошанд.

 ФАРҲАНГИ ТИББИ НИЁГОН

Тартибдиҳандагон У. Қурбон ва А. Раҷабзод. –Д: Муассисаи давлатии Сарредаксияи илмии Энсиклопедияи Миллии Тоҷик, 2016-776 саҳ.

 

Китобе, ки шумо мебинед онро мураттибон дар тӯли солҳои зиёд зарра-зарра гирд оварда, пешкаши ҳаводорони илми тиб кардаанд. Китоб наздики 20 ҳазор вожаю калимаҳои марбут ба тибби бостони тоҷиконро дар бар мегирад. Дар китоб номи вожаҳо боҳуруфи кирилӣ, форсӣ ва лотинӣ оварда шудаанд. Дар фарҳанг дарҷ гардидани номҳои лотинии бисёр давоҳои қадимӣ – гулу гиёҳ ва маъдану унсурҳои кимиёӣ ба хонанда маълумоти иловагӣ медиҳад. Китоб барои одамони касбу корашон гуногун-табибон ва дигар кормандони соҳаи тандурустӣ, муҳаққиқону  олимон ва кули ҳаводорони илми тиб пешбинӣ шудааст.

 АНДАРЗҲО ДАР БОРАИ ТИБ ВА ТАБИБ

 

Дар зери таҳрири умумии Қурбонов У.А., Лангариева Ҷ.С.,Юлдошев У.Р., Юсуфов А.И.,Ахмедов Ш.Р. Нашриёти «Ҳикмат»Д., ДДТТ ба номи Абӯалӣ ибни Сино  140 саҳ,2012 сол

 Китобе, ки инак бар Хонандагони гиромӣ- аҳли илм ба вижа онҳое, ки ба мақому мартабаи илми тиб, шахсияти табиб ва табобат  иштиғол доранд арза мегардад, маҷмӯаест, ки дар он панду андарз ва ҳикматҳои донишмандон, нависандагону адибони маъруфи классику муосири форсу тоҷик,табибону файласуфон ва андешамандони дунё оид ба қадру манзалати тиб ва табиб, табобату тандурустӣ  ҷамъоварӣ  шудааст. Дар маҷмӯа аз андарзу ҳикматҳои бузургони тиббу фалсафаи олам, монанди Ҷолинусу Буқрот ва аз ашъору осори адибон ва донишмандони классику муосири форсу тоҷик мисли Ибни Синову Фирдавсӣ, Ҳаким Майсараву Шайх Саъдӣ, Носири  Хисрав, Ҷалолиддин Балхӣ, Лоиқ Шералӣ  ва дигарон маводи пурмӯҳтаво гулчин ва пешкаш  гардидааст.

                             Маъмурияти  Китобхона

        Рӯзи 9-уми январи соли 2017 донишҷӯёни соли аввали Донишгоҳи давлатии тиббии Хатлон аз фанни химияи физколоидӣ имтиҳони нахустини худро супориданд. Дар чеҳраи ҳар яке аз онҳо осори ташвишу ҳаяҷонро мушоҳида намудан мумкин буд, охир ин нахустин имтиҳони давраи донишҷӯи онҳо мебошад!  Аз ҳама муҳимаш, рафти қабули имтиҳонҳо бо низому тартиби муайяне ҷараён меёфт.  Дар ҳар як синфхонае, ки донишҷӯён имтиҳон месупориданд, дар рӯи миз вариантҳои саволномаҳо пешакӣ омода карда шуда буданд. Аз чунин низому тартиб худи донишҷӯён низ хеле қаноатманд буданд. Вариантҳои имтиҳонӣ  аз 30 саволнома – 25 саволи тестӣ, 1 саволи мувофиқат ва 4 саволи кушода иборат буданд.

      Низоми имтиҳонро декани факултетҳо н.и.т. Саидов И.З., муовини декан Камолов А.С., кормандони шуъбаи таълим – муовини ректор оид ба таълим дотсент Ғафуров Б.А., сармутахассис оид ба назорати сифати таълим Одинаев С.П., омӯзгорони кафедраи  химия ва биологияи тиббӣ – мудири кафедра н.и.б. Чориев А.А,, н.и.х. Усмонова У.Х., омӯзгорон Султонмамади Гулмамамад, Шарипова Ҳ, таъмин менамуданд.

 

 

    Чуноне ки мо қайд карда будем, тибқи Нақшаи кории  китобхона   намоиши «Ахтарони сайёр», ки тариқи сомона баргузор мегардад, бо мақсади боз ҳам хубтар фаъолият намудани кори китобхона, воридсозии иттиллоот оид ба захираҳои чопӣ ва электроние, ки дар китобхона мавҷуд аст, ташкил ва ба роҳ мондани кор бо донишҷӯёну омӯзгорон мебошад. 

     Имрӯз маъмурияти китобхона тасмим гирифтааст, ки ба дӯстдорони китоб тариқи маҳфили  «Ахтарони сайёр», асарҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон ва асарҳо дар бораи ин Шахси бузургро пешкаш гардонад.

    Дар ин асарҳо натиҷаҳои фаъолияти гуногунпаҳлӯи Сарвари давлат доир ба бунёдкорию созандагӣ, тарғиби арзишҳои волои давлатдории миллии тоҷикон, тарбияи насли ҷавони кишвар дар руҳияи худшиносию худогоҳии миллӣ ва омӯзиши амиқи илму техникаи муосир ва ҳамчунин дар самти ҳифзи шоистаи манфиатҳои давлати Тоҷикистон дар минтақа ва чаҳон инъикос ёфтааст. Бояд қайд кард, ки ин китобҳо ҳамчун манбаи комили иттилоотию таҳлилӣ барои доираи фарохи хонандагон, устодону шогирдони макотиби олӣ, аспирантон ва мухаққиқони дохилу хориҷ пешбинӣ шудааст. Китобҳоро метавонед аз китобхонаи Донишгоҳ дастрас намоед.

 

                                                                                       Маъмурияти китобхона

Аксҳои китобҳо Номгӯи китобҳо

Подкатегории