Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

Раёсат, созмонҳои ҷамъиятии донишгоҳ  аз хушхабари дар арафаи соли нави мелодӣ гирифтаи худ – ҳимояи номзадии сарвари китобхона Саидова Моҳшариф Раҳмоналиевна изҳори хушнудӣ намуда, мафсуфро бо ҳимояи бомувафаққияти рисолаи номзадӣ тибрику муборакбод менамоянд. Саидова М.Р. рӯзи 28-уми декабри соли 2018 дар ҷаласаи Шурои диссертатсионии Пажӯҳишгоҳи фалсафа, сиёсатшиносӣ  ва ҳуқуқи Академияи илмҳои Ҷумҳурии Тоҷикистон дар мавзӯи «Амалҳои сиёсии суъбъект дар давраи таҳвили ҷамъият» таҳти роҳбарии доктори илмҳои фалсафа, профессор, мудири шуъбаи философияи иҷтимоии Пажӯҳишгоҳи фалсафа, сиёсатшиносӣ  ва ҳуқуқи Академияи илмҳои Ҷумҳурии Тоҷикистон ба номи А.Баҳовиддинов рисолаи номзадии худро ҳимоя намуданд.

Раёсати ДДТХ

 

      Дар панҷ толори Донишгоҳи давлатии тиббии Хатлон  ҳайати профессорону омӯзгорон, кормандон ва зиёда аз 800 нафар донишҷӯён тариқи телевизион Паёми навбатии Президенти Ҷумҳурии Тоҷикистон Эмомалӣ Раҳмонро ба Маҷлиси Олии Ҷумҳурии Тоҷикистон тамошо намуданд. Дар тамоми толорҳо аз чеҳраҳои андешаманду пурҳаяҷони ҳам омӯзгорон ва ҳам донишҷӯён пайхас кардан мумкин буд, ки ҳамагон саропо гӯш гардида,  ба нутқи Ҷаноби Олӣ гӯш меандохтанд. Ҳамзамон дарки онро эҳсос мекарданд, ки ҳақиқатан ҳам Паёми Пешвои миллат, Асосгузори сулҳу ваҳдати миллӣ – Президенти Ҷумҳурии Тоҷикистон муҳтарам Эмомалӣ Раҳмон маромномаи зиндагии ҳар як   шаҳрванди кишвар аст.

Муовинати тарбия ва фарҳанг

  

       Кумита кор бо ҷавонон ва варзиши назди Ҳукумати Ҷумҳурии Тоҷикистон бахшида ба «Соли рушди сайёҳӣ ва ҳунарҳои мардумӣ»  дар муассисаҳои таҳсилоти олии касбии кишвар озмуни «Ҷавондухтари ҳунарманди сол»-ро эълон намуда буд. Ҳамчунин Низомномаи баргузории озмуни мазкур таҳия ва бо мактуби ҳамроҳ ба тамоми мактабҳои олии кишвар фиристода шуда буд. Дар асоси он то санаи 10-уми октябр дар байни донишҷӯдухтарони  донишгоҳ даври аввали озмун баргузор гардид, ки дар натиҷа донишҷӯи соли дуюми гурӯҳи 206-уми факултети педиатрӣ Азизмамадова Обида ғолиб дониста шуд ва ба даври ниҳоии ҷумҳуриявӣ пешниҳод гардид. Хушбахтона, дар арафаи Соли нави мелодӣ навиди тозае ворид гардид, ки рӯзи 25-уми декабри соли 2018 баъди дар мактаби миёнаи таҳсилоти умумии № 31 шаҳри Душанбе баргузор гардидани даври ниҳоии озмуни ҷумҳуриявӣ маросими ба ғолибон супоридани ҷоизаҳо ва сипосномаи Кумита кор бо ҷавонон ва варзиши назди Ҳукумати Ҷумҳурии Тоҷикистон баргузор гардид. Донишҷӯдухтари донишгоҳи мо Азизмамадова Обида барои ишғол намудани ҷойи якум дар даври ниҳоии озмун бо туҳфа ва сипосномаи Кумита кор бо ҷавонон ва варзиши назди Ҳукумати Ҷумҳурии Тоҷикистон қадрдонӣ карда шуд.

     

    Барои иштироки ин донишҷӯдухтари фаъол дар озмуни сатҳи ҷумҳириявӣ саҳми шуъбаи  кор бо ҷавонони донишгоҳ, шӯрои занон ва духтарон ва кумитаи иттифоқи касабаи донишҷӯён хеле калон аст. Як чизи мусаллам аст, ки Обида на фақат духтари ҳунарманд аст, балки дар таҳсил низ муваффақ аст ва ҳамчун донишҷӯи фаъол шинохта шудааст. Дар  чеҳраи масъуми вай ҳамеша таббассуми зебое  нақш бастааст, ки нуру ҷилои хосае дорад. Албатта, барои ба чунин ғолибият муваффақ шуданаш саҳми ҳамсабақон ва роҳбари гурӯҳ назаррас аст, ки пайваста вайро руҳан дастгирӣ менамуданд.

        Аз номи раёсат, ташкилотҳои ҷамъиятии донишгоҳ барои чунин ғолибият ва туҳфаи арзандаи донишҷӯдухтари факултети педиатрӣ Азизмамадова Обидаро табрику таҳният гуфта, дар таҳсилу  зиндагии шахсияш комёбиҳои нав ба навро таманно менамоем. Боварӣ дорем, ки Обида барои дигар  толибилмони донишгоҳ ойинаи ибрат гардида, онҳоро ба дастовардҳои хуби таълимӣ раҳнамун хоҳад сохт.

Шуъбаи кор бо ҷавонон

 

     

      Рӯзи 25-уми декабри соли 2018 дар асоси нақшаи шуъбаи таълим дарси кушоди н.и.х. Усмонова У.Х. дар гурӯҳи 201-уми факултети стоматологӣ баргузор гардид.   Дар дарси кушод   сардори шуъбаи таълим Қурбонмамадов С.Х., мудири кафедраи химия ва биологияи тиббӣ Чориев С.А., мушовири ректор оид ба масъалаҳои ҳуқуқӣ Азизуллоев А.А.,дотсенти кафедраи забонҳо Должикова В.А. омӯзгорони кафедраи забонҳо  Қурбонов Х.Ш.,  Солиев Б.,   омӯзгорони кафедраи биологияи тиббӣ ва химия Шарипова Ҳ., Султонмамади Г., сармутахассис оид ба назорати сифати таълим Одинаев С.П. , муовини декани факултетҳо Омонов Э.О., омӯзгори кафедраи ҷомеашиносӣ Каримов М., омӯзгори кафедраи морфология ва физиологияи одам, сарвари Марказии иттилооти донишгоҳ Мардонзода Қ. иштирок доштанд. Мавзӯи дарс “Силсилаи Кребс” буд. Донишчӯён аз рӯи мавзӯи гузашта оид ба хусусиятҳои химиявии хун маълумот доданд. Ҳангоми дарс бо истифода аз доскаи электронӣ ва дастгоҳи сентрифуга  донишҷӯён ин ё он мавзӯъро бевосита шарҳ медоданд.

    Устод Усмонова У.Х. ба баёни мавзӯи нав “Силсилаи Кребс” пардохта, сараввал дар бораи ин олими яҳудитабори Олмон маълумот дод, ки бо кашфиёти худ – яъне силсилаи Кребс сазовори ҷоизаи Нобел гардида буд. Сипас дар тахтаи электронӣ бо формула чӣ гуна шакл гирифтани ин силсиларо шарҳ доданд

      Дар охир сармутахассис оид ба назорати сифати таълим Одинаев С.П.  дарси кушодро ҷамъбаст намуда, барои иштироки фаъолонаашон ба донишҷӯёни гурӯҳ ва барои дарси  шавқовар ба устод Усмонова У.Х. арзи миннатдорӣ намуданд.

Шӯъбаи таълим

Подкатегории