Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

      Шӯрои занон ва духтарон бо ҳамоҳангии муовинати тарбия, деканати факултетҳо ва кураторони гурӯҳҳо санаи 04.04 соли 2019 маҷлиси навбатии донишҷӯдухтаронро гузаронид. Дар ҷаласа масъалаҳои гуногуни марбут ба таълиму тарбияи донишҷӯдухтарон баррасӣ шуда, ҳамзамон  мавриди  муҳокима қарор дода шуданд. Саравал раиси Шӯрои занон ва духтарони донишгоҳ ҳозиринро бо рӯзномаи ҷаласа шинос намуд. Дар масъалаи якуми рӯзнома Шарипова Ҳ. Я., баромад намуда қайд кард, ки  дар мадди аввал донишҷӯдухтари замони муосир бояд дорои маданияти баланд ва ахлоқи накӯю ҳамидаи инсонӣ бошад. Дар масъалаи дуюм муовини ректор оид ба тарбия ва фарҳанг Усмонова У. Х., баромад намуда, ҳамзамон аз кураторон хоҳиш намуданд, ки навбатдориро берун аз хобгоҳ ҳам ба роҳ монанд ва аз ҷои зисти хусусан духтарон зуд - зуд бохабар бошанд. Дар масъалаи сеюм муовини декан оид ба тарбия Омонов Э. О., баромад намуда, аз рафти давомоти донишҷӯдухтарон суханронӣ намуданд. Аксарияти устодони ҳузурдошта нисбати масъалаҳои дар  рӯзнома  ҷойдошта фаъолона фикру андешаронӣ намуда, баҳри бозҳам таҳким бахшидани корҳои тарбиявӣ бо духтарон ақидаҳои худро иброз карданд.

                                                            ШӮРОИ ЗАНОН ВА ДУХТАРОН

      Санаи 2-юми апрели соли 2019 волонтёрони муовинати тарбия ва фарҳанг дар якҷоягӣ бо волонтёрони шуъбаи кор бо ҷавонон мизи мудаввар барпо намуданд. Мақсад аз баргузории ин чорабинӣ баррасӣ намудани пешрафту фаъолияти табибони оянда дар тамоми самтҳои тарбия, аз ҷумла “Қоидаҳои ҳаракат дар роҳ” иборат буд.   Чорабиниро муовини ректор оид ба тарбия ва фарҳанг н.и.х.Усмонова У. ҳусни ифтитоҳ бахшида қайд карданд, ки ҷавонони Донишгоҳи давлатии тиббии Хатлон бояд дар ҳама самтҳои тарбия фаъол ва намунаи ибрат бошанд. Сардори шуъбаи кор бо ҷавонон Раҳимов Х., коргузори муовинати тарбия ва фарҳанг Ҳабибова З. ва волонтёрон оид ба риоя ва иҷрои ҳатмии талаботи “Қоидаҳои ҳаракат дар роҳ” суханронӣ намуданд.                                                                                    

    Дар анҷом муовинати тарбия ва фарҳанг якҷоя бо созмонҳои ҷамъиятии донишгоҳ гузаронидани як қатор чорабиниҳо ва аксияҳоро оид ба “Қоидаҳои ҳаракат дар роҳ” дар нимаи дуюми моҳи апрели соли равон ба нақша гирифтанд.     

Муовинати тарбия ва фарҳанги ДДТХ

     

   Дар кафедраи морфология ва физиологияи одам  дар асоси нақшаи таълимӣ   рӯзи   2-юми  апрели  соли 2019 дар гурӯҳи 301 педиатрӣ   дар  мавзӯи «Сироятҳои кӯдакона» дарси  кушоди н.и.т., дотсенти кафедра -  Боронов Ҳ. А.,  гузаронида  шуд. Рафти  дарс  бо истифодаи  слайдҳо ва расмҳо  баргузор  гардид. Дар охир барои  мустаҳкамкунии  маводи  дарсӣ  саволу  ҷавоб байни донишҷӯён бо устод  сурат гирифт. Донишҷӯён ба саволҳои додаашон  ҷавоби  пурра  гирифта,  қаноатманд  шуданд.

    Дар   дарси  кушод сардори шуъбаи таълим, мудири  кафедраи ҷомеашиносӣ, омӯзгорони кафедраи химия ва биологияи тиббӣ, омӯзгорони  кафедраи  забонҳо, омӯзгорони кафедраи фармакалогия ва микробилогия, омӯзгорони кафедраи морфология ва физиологияи одам, омӯзгорони кафедраи фанҳои муолиҷавӣ ва маъмурияти китобхона  иштирок доштанд.  Дар охир сардори шуъбаи таълим, н.и.ф - Қурбонмамадов С.Х. натиҷаи дарсро ҷамъбаст намуда, бори дигар зарурияти омӯзиши ин фанро барои толибилмони донишгоҳи тиббӣ таъкид намуданд.

Кафедраи морфология

ва физиологияи одам

  Зарипов И.А.

      1-уми апрели соли 2019 тибқи нақша-чорабиниҳои Шуъбаи кадрҳо ва Кумитаи иттифоқи касабаи кормандони донишгоҳ  бо кормандони бахши хоҷагӣ ва маъмурӣ ҷаласа баргузор гардид. Дар ҷаласа пеш аз ҳама масъалаҳои риояи ҳатмии интизоми меҳнати кормандон, иҷрои дастурҳои вазифавӣ,  вобаста ба воҳидҳои корӣ, реҷаи вақти корӣ, инчунин доир ба иҷрои талаботи техникаи бехатарӣ ва бехатари аз сӯхтор баррасӣ гардиданд. Ҳамзамон раиси Кумитаи иттифоқи касабаи кормандон вобаста ба дастгириҳои пайвастаи раёсати донишгоҳ нисбати вазъи иҷтимоӣ ва ҳифзи меҳнати кормандон ёдоварӣ намуд. Дар охири ҷаласа ба суолҳои кормандони бахши хоҷагӣ ва маъмурӣ дар асоси Кодекси меҳнати Ҷумҳурии Тоҷикистон ва дигар санадҳои меъёрии соҳавӣ  ва дохилидонишгоҳӣ посухҳои мушаххас дода шуд.

                           Шуъбаи кадрҳо ва Кумитаи иттифоқи касабаи кормандон

Подкатегории