Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 7700 сомонӣ
  • пардохти маблағи яксолаи таҳсил барои гуруҳҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6160 сомонӣ
  • пардохти маблағи яксолаи таҳсил барои гуруҳҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷой 40 ҷои шартномавӣ
  • 8690 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

       

         Раёсат, ҳайати профессорону устодон ва кулли шогирдону кормандони Донишгоҳи давлатии тиббии Хатлон Шуморо ба ифтихори ҷашни 66-солагиатон самимонаву содиқона табрику таҳният гуфта, ба Шумо нахуст тандурустӣ, сарсабзӣ, иқболи баланд ва барору комёбиҳо таманно доранд. Мо дар таҷлили 66-солагии зодрӯзатон ба Шумо ҳамэҳсосу ҳамдилем. Шумо ва аҳли хонадони Шуморо табрику таҳният мегӯем ва бароятон тамоми хушиҳои зиндагиро орзу менамоем. Ҷашни 66-солагӣ муборак, Амонулло Азизуллоевичи азиз! 

Раёсати донишгоҳ

 

Об асту ҳаёт пойдор аст,
Об асту замину кишту кор аст.
Ма
ҳсули ҳама ҷаҳони ҳастӣ,
Аз
ҳастии оби файзбор аст.

         Оре, об манбаи ҳастии ҳамаи мавҷудоти олам аст. Об захираи бузургест, ки воқеияти он ҷаҳону зиндагониро таровату зебоӣ ва сарсабзиву озодагӣ мебахшад. Ҳастии гулу гиёҳ, ҳайвоноту наботот, растаниву инсоният, хосса зиндагии осоиштаву ободӣ ва озодагиву пурбаракатӣ ҳама ба об вобастагӣ дорад. Обро инсон барои нӯшидан, пухтани хӯрок, шустушӯй, сохтани манзил, тозагии кӯчаҳо, обёрии заминҳо истифода мебарад. Инчунин одам бо роҳҳои обӣ заврақу киштӣ ронда, ҳар гуна бор ва мусофиронро мекашонад. Оби шаршарадор турбинаҳоро ба ҳаракат дароварда, ҷараёни электрикӣ ҳосил мекунад. Бо ҷувваи оби зиёд чархи санги осиёб, дастакҳои обҷувоз ҳаракат мекунанд.. Кори ягон соҳаи саноат бе об пеш намеравад. Дар фабрикаву заводҳо обро барои тайёр кардани маҳлули рангҳо, оҳар додани матоъ, коркарди пӯст, тайёр кардани коғаз, собун, нонпазӣ, нӯшокиҳои гуногун истифода мебаранд.

      Инсон бе об зиндагӣ карда наметавонад. Ҳатто қисмати зиёди вазни бадани инсоният аз об иборат аст. Инсон дар тамоми лаҳзаҳои ҳаёташ аз об истифода мебарад. Об одамро аз ифлосию нопокӣ, аз бемориву дардҳо эмин мегардонад. Об сабзавоту наботот ва ҳайвонотро, ки инсон ҳамеша бо онҳо сарукор дорад, манбаи асосист. Ҳатто намии замин аз об аст, ки бе он ягон растанӣ ва гулу гиёҳ намерӯяд.

        Мо, тоҷикистониён аз сероб будани сарзамини бузургамон бояд ҳамеша бифахрем. Тоҷикистон аз захираи об бой буда, қариб 7000 пирях, 155 кӯли гуногунҳаҷм, даҳҳо ҳазор чашмаоби одию маъданӣ ва обанборҳои зиёд дорад. Дар Тољикистон дарёҳои Сир, Вахш, Зарафшон, Варзоб, Кофарниҳон, Панҷ ҷорӣ мешавад, ки онҳо на инки Тоҷикистонро, балки мамлакатҳои ҳамсоя Узбекистону Туркманистонро низ шодоб мегардонанд. Ду дарёи калоне, ки аз кӯҳҳои осмонбуси мо сарчашма мегиранд, баҳри Аралро, ки имрӯзҳо хушк шуда истодаасту дар минтақаи Осиёи миёна ҳисороти зиёд оварданаш мумкин аст, аз об пур мекунад.

      Бе об зиндагӣ пойдор буда наметавонад. дар китобҳои динӣ низ об чун манбаи асосии ҳаёт  ва чун неьмати бебаҳо тасвир гардидааст ки, Қуръон намунаи олии он аст. Чор унсур дар ҳаёт муқаддасанд: об, хок, оташ, бод, ки тамоми мавҷудоти олам ба онҳо эҳтиёҷ доранд.

      Модоме ки асоси зиндагии ҳамаи мавҷудоти олам обро медонем, пас вазифадорем, ин маъхази бузургро чун асоси ҳастӣ, чароғи равшанидиҳанда, созгори дунёи ҳастӣ эҳтиром намоем, тозаву озода нигоҳ дорем, нагузорем, ки нохалафе ин мӯъҷизоти бузургро ифлос гардонад, ба он партовҳо партояд ё ягон амали носазое нисбати он раво бинад, шоир ба ин маъни таъкид намудааст:

Зи ҷӯе, ки хурдӣ аз он оби пок,
Набояд фикандан дар он сангу хок,

 

         Тоза нигоҳ доштани об ва муқаддас шумурдани ону сарфакорона истифода бурдани , ин мӯъҷизаи бузург қарзи ҳар як инсони комил аст, зеро об на танҳо ҳамчун манбаи ободӣ, балки маъхази нуру рушноӣ ва маҳсули шодиҳои олами ҳастист.

Об бошад гавҳари қимматтар аз лаълу гуҳар,
Покии ҳар қатраи он покии хайрулбашар.

         Мантиқан хеле дуруст аст, ки сарварони кишварҳои ҷаҳон ва созмону ташкилотҳои бонуфузи байналмилалӣ ба мавзӯи об таваҷҷӯҳи зиёд зоҳир мекунанд, зеро масъалаҳои иҷтимоӣ, иқтисодӣ ва ҳифзи муҳити зист, яъне масъалаҳое, ки асоси рушди устуворро ташкил медиҳанд, маҳз ба ҳамин захираи стратегӣ, ки манбаи ҳаёт дар рӯйи замин аст, иртибот доранд.

     Об манбаи нахустин ва ногузири қонеъ гардондани талаботи асосии инсон, пеш аз ҳама барои ҳифзи саломатӣ, таъминоти ғизои безарар, тозагӣ ва нигоҳ доштани экосистемаҳо дар сайёраи мо мебошад.

         Ба ибораи дигар, об манбаи ҳаёт ва ҷузъи асосии рушди устувор ба ҳисоб меравад. Бинобар ин хеле зарур аст, ки об ҳамчун омили муҳимтарини иҷтимоиву иқтисодӣ баррасӣ гардад ва дар чорчӯбаи воқеияти имрӯзаи иҷтимоиву иқтисодӣ истифода гардад Аз ин рӯ, ҷиду ҷаҳди асосгузори сулҳу ваҳдати миллӣ, Пешвои миллат Президенти Ҷумхурии Точикистон муҳтарам Эмомалӣ Раҳмон ба он равона карда шудааст ки, кушишҳои давлатҳои ҷаҳон оид ба ҳалли масъалаҳои марбут ба оби тоза дар минтақаҳои гуногуни олам муттаҳид карда шуда минбаъд ба як маҷро ва самти зарури равона гарданд.

         Об ҳаст ободӣ ҳаст, мегӯянд. Об аст, ки  кулли мавҷудоти олам дар афзоишу рушду нумӯъ ва пояндагӣ ӯ қарор дорад. Об аст, ки гулу гиёҳ аз он рангу бӯй, таровату пояндагӣ мегиранд. Бе об ҳаёт маъно надорад. Зиндагиро аз ҳастии об асос аст. Мутаассифона бархе аз инсонҳои беандеша  дидаю дониста обҳоро ифлос мегардонанд, дар дарёҳо партовҳо мепартоянд. Обро бе сарфаю сариштакорӣ истифода мебаранд, ки ин ба касодиҳо оварда мерасонад.

         Дар ҳақиқат об неъмати ҳаётан муҳим барои ҳар як мамлакат ва сокинони он мебошад. Одамон аз замонҳои қадим ин ҷониб тақдири худро бо об пайваст медонанд, зеро он сарчашмаи ҳаёти инсон ва раванди пешбурди ҳаёти ҷомеа ба шумор меравад, норасоии обро имрӯз аз се яки ҳиссаи аҳолии сайёра ҳис мекунанд, мушкилоти давлатҳои ҷахонро ба инобат гирифта Асосгузори сулҳу Ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон солҳои 2018-2028-ро даҳсолаи навбатии амал “Об барои рушди устувор” эьлон намудаанд. Аз ин хотир, ҳар фарди имрӯзаи чомеаро лозим аст, ки баҳри ободиву шукуфоии табиати файзбори кишвар бунёди гулгашту хиёбонҳои нав ҳифз ва дустдории воқеии ҳар қатра обу ҳар зарра хоки поки Тоҷикистон, бо амри дилу виҷдон саҳмгузор бошад.    

 

омӯзгори кафедраи химия ва биологияи тиббӣ

Иброҳимов Р.С .

 

       Рӯзи 7-уми декабри соли 2017 дар асоси нақшаи шуъбаи таълим дарси кушоди омӯзгори кафедари забонҳо Солиҳов Б.К. аз фанни  забони русӣ дар курси дуюми факултети педиатрӣ   баргузор гардид. Дар он сардори шуъбаи таълим н.и.х. Усмонова У.Х., мудири кафедраи забонҳо н.и.ф. Қурбонмамадов С.Х., мудири кафедраи ҷомеашиносӣ н.и.ҷ.  Гулов А.А., омӯзгорони кафедраи забонҳо Отахонов Р.Х., Қурбонов Х.Ш., омӯзгорони кафедраи биологияи тиббӣ ва химия Султонмамади Г., Иброҳимов Р., Шарипова Ҳ., сармутахассис оид ба назорати сифати таълим Одинаев С.П. ширкат намуданд. Мавзӯи дарс «Ҷумлаи мураккаби тобеъ дар забони русӣ» буд Дар рафти дарс порчаҳои шеърӣ аз эҷодиёти А.С.Пушкин, Ю.Лермонтов  ва ғайра қироат карда шуданд. Барои таҳкими дарс порчаи матн аз романи Ю.Герман «Дело которому ты служишь» баррасӣ карда шуд, ки аз ҳаёт ва корнамоиҳои табибон ҳикоят мекунад. 

 

       Дар ҷамъбасти дарс сармутахассис оид ба назорати сифати таълим Одинаев С.П. баромад карда, бори дигар зарурияти омӯзиши забони русиро таъкид намуда, қайд намуданд, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон эҳтироми забони модарӣ ва зарурияти омӯзиши забонҳои русию англисиро, махсусан, барои ҷавонон пайваста таъкид менамояд. Ах ин рӯ,   омӯзиши ин забонҳоро боз ҳам амиқтаро фаро гирифтани донишҷӯён зарурият ва тақозои замон аст.

 

Шуъбаи таълим

Кафедраи забонҳо

      Рӯзи 5-уми декабри соли 2017 дар   Донишгоҳи давлатии тиббии Хатлон    ҷаласаи навбатии муовинати таълим баргузор гардид. Дар он раёсати донишгоҳ, шуъбаи таълим, мудирони кафедраҳо, омӯзгорон ва кормандони ёрирасони донишгоҳ ширкат намуданд. Ҷаласаро муовини ректори ДДТХ оид ба таълим дотсент Ғафуров Б.А. ҳусни ифтитоҳ бахшида, қайд намуд, ки дар рӯзномаи маҷлиси имрӯза як қатор масъалаҳои мубрами таълиму тарбия, риояи интизоми меҳнат, сифати таълими фанҳои  гуногун, бо адабиёти таълимї таъмин будани донишҷӯён  гузошта шудаанд.

      Дар ҷаласа иҷроиши нақшаи таълим, тайёрии кафедраҳо ба сессияи зимистона (гузориши сардори шуъбаи таълим, н.и.х. Усмонова У.Х.), таҳлили иштироки омӯзгорони кафедраҳо ба дарсҳои ҳамдигар ва сифати таълим (гузориши сармутахассис оид ба сифати таълим Одинаев С.П.),фаъолияти кори китобхона дар нимсолаи аввали соли таҳсили 2017-2018 (гузориши мудири китобхонаи донишгоҳ Саидова М.Р.), иштироки донишҷӯён дар дарсҳо (гузориши декани факултетҳо н.и.т. Саидов И.З.), иҷроиши дастури вазифавї ва интизоми меҳнат дар донишгоҳ (гузориши сардори шуъбаи кадрҳо Холов Ш.) баррасї карда шуданд. Аз рӯи масъалаҳои дахлдор мудирони кафедраҳо баромад намуда, оид ба вазъи иҷроиши масъалаҳои баррасишаванда ахбор доданд.

 

Шуъбаи таълим

Subcategories