Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

 

      Дар бинои Театри давлатии ноҳияи Данғара намоишномаи «Гумроҳон» аз рӯи асари Далер Мирхонов баргузор гардид. Намоишнома дар Театри давлатии ҷавонон ба номи М.Воҳидов таҳия гардидааст ва коргардони он Эмомбердӣ Мингбоев мебошад. Нақшҳоро ҳунармандони шинохтаи ин театр – Д.Мирхонов, Ойимхон Қаюмова бозидаанд. Як гурӯҳ донишҷӯёни соли аввали факултетҳои тиббӣ ва педиатри Донишгоҳи давлатии тиббии Хатлон     бо роҳбарии муовини декан оид ба тарбия Амонов Э.А., саромӯзгори кафедраи забонҳо Одинаев С.П. аз намоишномаи мазкур дидан намуданд. Қайд кардан зарур аст, ки мавзӯи он хеле актуалӣ буда, ба гумроҳ намудани ҷавонони тоҷик аз тарафи ифротгароёну зархаридони хориҷӣ ва ба гурӯҳҳои гуногуни террористӣ гаравидани онҳо бахшида шудааст. Воқеаҳои дар намоишнома тасвиршуда хеле таъсирбахшу ҳаяҷоновар мебошанд. Тақдири як оилаи тоҷик тасвир карда мешавад, ки модари сарсахти бечора бо се нафар фарзандонаш умр ба сар мебарад. Барои андаке кашидани бори зиндагӣ модар аз пагоҳ то бегоҳ дар бозор ба тиҷорати андаку ночизе машғул аст. Вале ду нафар фарзандаш ба доми фитнаангези зархаридони хориҷӣ афтида, ҳам худ ва ҳам чанд нафар ҷавонони тоҷикро ба умеди соҳиб шудан ба маблағи калон, шаҳид шудан ба хотири давлати ба ном гуё «исломӣ» аз роҳ мезананд. Дар хонадони модари бадбахт фақат фарзанди калониаш бофарҳангу ватандӯст аст ва борҳо барои аз ин роҳи саргум баровардани бародаронаш кушиш менамояд. Аммо мутаассифона, бародарони ҷоҳил ба андозае ба ин доми анкабут печидаанд, ки ҳақиқати воқеиро дидан намехоҳанд. Ҳарду бародари гумроҳ дар Сурия шаҳид ва доғи дили модари сарсахт мешаванд. Аммо модар бо вуҷуди ин шукргузор аз он аст, ки лоақал фарзанди калониаш ба пайраҳаи дуруст қадам гузоштааст, ватандӯсту бофарҳанг ва ягона такягоҳи модар аст.

      Дар охир ҳамаи ҳунармандон ва коргардон ба саҳна баромаданд ва муаллифи намоишнома Далер Мирхонов аз ҷавонон фикри онҳоро дар бораи намоишнома ва ба зиндагии имрӯза созгор будани он пурсон гардид. Ҳамаи бо як овоз таъсироти амиқи худро аз ин намоишнома изҳор намуданд. Бо камоли боварӣ гуфтан мумкин аст, ки намоишномаи мазкур ба донишҷӯёни мо таъсири муассире гузошт ва бори дигар собит намуд, ки ҷавонони имрӯзаи моро беҳуда Асосгузори сулҳу ваҳдати милӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ояндасози давлати куҳанбунёди тоҷикон намедонад.

 

Одинаев С.П. – саромӯзгори кафедраи забонҳо

 

     Боиси хушҳолӣ ва фараҳмандист, ки Донишгоҳи давлатии тиббии Хатлон соли таҳсили 2018-2019-ро дар таълимгоҳи дорои биноҳҳои замонавӣ оғоз намуд. Ҳамзамон, Донишгоҳ дар баробари доштани синфхонаҳои кушоду барҳаво, инчунин китобхонаи бо тамоми шароитҳо муҳайёро доро мебошад.

    Ёдовар бояд шуд, ки ҳамасола дар байни донишҷӯён аз ҷониби маъмурияти китобхона санҷишҳо оид ба вазъи ҳолати китобдорӣ гузаронида мешавад. Дар соли таҳсили 2018-2019 низ тибқи Нақшаи кории китобхона моҳе 2 маротиба чунин санҷишҳо гузаронида шуда истодааст.             

     Санаи 22-юми ноябри соли 2018 соати 16:00 дар толори хониши Китобхона вохӯрии мудири Китобхона бо тамоми сардорони курсҳои 1-ум, 2-юм ва 3-юм доир гардид. Мақсад аз доир намудани чунин вохӯрӣ боз ҳам беҳтар намудани сатҳи хизматрасонии кормандони китобхона ба донишҷӯён мебошад. Вохӯрӣ дар фазои ором гузашта, як қатор масъалаҳо баррасӣ гардиданд. Аз ҷумла, тозаю озода нигоҳ доштани адабиёти таълимие, ки донишҷӯён аз Китобхона дастрас кардаанд, зеро чӣ қадаре ки китоб дар ҳолати хуб бошад, ҳамон қадар метавонад ба донишҷӯёни оянда хизмат намоянд. Инчунин, риоя ҳатмии тарзи дурусти одобу муошират дар толори хониш ва толори электронии Китобхонаи Донишгоҳ.

    

     Гуфтан ба маврид аст, ки соли сеюм инҷониб дар байни хонандагон озмуни “Китобхони беҳтарин” гузаронида мешавад ва ғолиби он дар чорабинии ҷашни “Наврӯз” бо туҳфаҳои хотиравӣ қадрдонӣ мегардад. Ин озмун аз якчанд шартҳо иборат буда, дар маҷмуъ донишҷӯёнро ҳавасманд мегардонад.

     Ҳамзамон, бо мақсади баланд бардоштани “Фарҳанги иттилоотии хонандагон” маъмурияти китобхона тасмим гирифтааст, ки рӯзҳои наздик донишҷӯёни курси 1-умро бо фонди умумии китобхона аз наздик шинос намояд. Маъмурияти китобхона кӯшиш менамояд, ки теъдоди китобхонони Китобхонаро зиёд намуда барои тайёр намудани кадрҳои баландихтисос саҳмгузор бошад.    

                                                 Мудири Китобхона Саидова М.Р

                                                         

 

            Бо шарофати Истиқлолияти давлатӣ ва сиёсати хирадмандонаи Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон дар тўли 27 сол ҳазорон километр роҳу нақбҳо, биноҳои таъиноти гуногун ва иншооту сохтмонҳои азим бунёд гардид. Ҳазорҳо гектар замин бо мақсади беҳтар кардани шароити зиндагӣ ва таъмини озуқавории мардуми кишвар барои киштукор ба соҳиби аслии замин-марди деҳқон тақсим карда шуд. Зина ба зина татбиқ гардидани ҳадафҳои асосии стратегияи миллӣ, ки аз се самти асосӣ иборат аст, Истиқлолияти давлатии моро комилу мардуми шарафманди тоҷикро сарбаланд гардонидааст.

            Ба кор оғоз кардани агрегати якуми иншооти азими аср – Нерўгоҳи барқӣ-обии «Роғун», ки ба Рўзи Президент-16 ноябр ва санаи баргузории Иҷлосияи 16-уми Шўрои Олии Тоҷикистон рост омад, басо рамзӣ буда, арҷгузорӣ ва ифтихор аз Тоҷикистони маҳбуб, Истиқлолияти пойдор, қадршиносоии заҳматҳои шабонарўзии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.

            Мо ҷавонон аз таърихи бунёди НБО-и «Роғун», ки солҳои 70-уми асри гузашта тарҳрезӣ шудааст, огоҳ ҳастем. Аз беғайратии роҳбарони давр, сабабу мушкилот борҳо ба таъхир гузоштани сохтмони онро медонем.

            Ифтихор аз он дорем, ки бо саъю талошҳои пайгирона, ҷасорату қаҳрамонии Пешвои миллат имрўз Кохи нур дар домани кўҳҳои азиму қавӣ бо ризоияту ба инобат гирифтани манфиати ҳамсоякишварҳо бунёд шуд.Тоҷикистон кишвари сулҳофару ваҳдатгаро, мардумонаш аз азал хайрхоҳу инсонпарваранд. Аз ин хотир, беҳтарин дороиву сарват – Обу Рушноиро, ки асоси ҳаёт мебошанд, аз мардуми сайёра дареғ намедоранд.       

            Боварии комил дорам, ки аз ин баъд ғайрату тавон, ҷасорат ва қаҳрамонӣ дар сохтмони НБО-и «Роғун» дарси худшиносӣ ва ифтихори ҳар як наврасу ҷавон мегардад. Зеро бунёди «Роғун» заринварақи китоби Истиқлолият буда, омили муҳимтарини пешрафти иқтисодиву иҷтимоии кишвар, зиндагии осудаи мардум – ояндаи дурахшони Тоҷикистони маҳбуб мебошад.

                           Роғун, Роғун, мубашшири иқболӣ,

                                Шаъну шарафи миллати фаррухфолӣ.

                                 Ту мактаби нангу номусу фахри Ватан,

                                                              Зарринварақи китоби истиқлолӣ.                   (Меҳринисо)

 

Комилова Бибисоро, донишҷўи соли 3-юми факултети тиббӣ

 

        Рӯзи 19-уми ноябри соли 2018 ҷаласаи навбатии муовинати таълим баргузор гардид. Дар ҷаласа муовини ректор оид ба таълим Ахмедов Ш.Р., сардори шуъбаи таълим Қурбонмамадов С.Х., декани факултетҳо Саидов И.З., сармутахассис оид ба назорати сифати таълим Одинаев С.П., методисти шуъбаи таълим Каримов М., мудирони ҳамаи ҳашт кафедраи донишгоҳ иштирок доштанд. Дар рӯзномаи маҷлис масъалаҳои омодагии донишгоҳ ба сессияи зимистонаи соли таҳсили 2018-2019, омодагӣ ба Олимпиадаи фании байни мактабҳои олии ҶТ, оид ба фаъолияти Шӯрои илмӣ- методии донишгоҳ муҳокима ва баррасӣ карда шуданд.

        Ба тамоми мудирони кафедраҳо супориш дода шуд, ки то 1-уми декабри соли 2018 мувофиқи низоми қабулшудаи қабули имтиҳонҳо саволномаҳоро аз фанҳои таълимии кафедраашон таҳия намуда, ба Шурои илмӣ-методии донишгоҳ пешниҳод намоянд.

        Ҳамчунин ба мудирони кафедраҳо супориш дода шуд, ки   сарбории таълимии кафедраро барои соли таҳсили 2019-2020 ба шуъбаи таълим ва барномаҳои таълимии фанҳои кафедраашонро барои тасдиқ намудан ба Шурои илмӣ-методӣ пешниҳод намоянд.  

        Барои дар сатҳи лозимӣ баргузор намудани интихоби донишҷӯёни болаёқат барои иштирок дар олимпиадаҳои фаннӣ дар тамоми кафедраҳо озмуни дохилидонишгоҳӣ баргузор карда шуда, ғолибон ба шуъбаи таълим  пешниҳод карда хоҳад шуд.

        Ба ҳамин тариқ, дар ҷаласаи муовинати таълим масъалаҳои асосии раванди таълим ҳаллу фасл карда шуда, барои беҳтар ба роҳ мондани раванди таълим супоришҳои машаххас дода шуданд.

Муовинати таълим

Подкатегории