Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

     Имрӯз ҷарроҳи кӯдакона, доктори илмҳои тиб Султонов Шералӣ Раҳмонович ҷашни камолот дорад.
     Мавсуф 8-уми апрели соли 1969 дар деҳаи Розиёни ноҳияи Данғараи вилояти Хатлон чашм ба олами  ҳастӣ кушодааст. Соли 1996 Донишгоҳи давлатии тиббии Тоҷикистон ба номи Абӯалӣ ибни Синоро хатм  намуда, ҳамчун ҷарроҳи кӯдаконаи шуъбаи уфунат, мудири шуъбаи ҷарроҳии таъҷилии кӯдакон ва аз  соли 2007 ҳамчун мудири шуъбаи ҷарроҳии кӯдаконаи узвҳои қафаси сина ва шиками Маркази миллии  тиббии Тоҷикистон фаъолият намудааст. Оид ба масъалаҳои умдатарини ҷарроҳии қафаси сина ва  шиками кӯдакон тадқиқот бурда истодааст. Муаллифи чандин таълифоти илмӣ, пешниҳоди навоварона  ва кашфиётҳо мебошад. Соли 2004 дар кафедраи ҷарроҳии кӯдакони Донишгоҳи давлатии Граузи  Австрия, соли 2006 дар кафедраи ҷарроҳии кӯдакони Академияи тиббии Қазоқистни Ҷанубӣ ва соли 2008  дар кафедраи ҷарроҳии кӯдакони Академияи тиббии такмили ихтисоси Федератсияи Россия такмили  ихтисос намудааст. Роҳбарии кафедраи ҷарроҳии кӯдаконаи ДДТТ ба номи Абӯалӣ ибни Сино аз соли  2010 инҷониб ба уҳда дорад.
    Шералӣ Раҳмонович иштирокчии чандин форуму конгрессҳои байналхалқӣ оид ба масоили гуногуни ҷарроҳӣ, педиатрия ва анестезиология мебошад. Узви Ҷамъияти ҷарроҳон, анестезиологҳои Ҷумҳурии Тоҷикистон, Ассотсиатсияи ҷарроҳон ва анестезиологҳои кӯдаконаи Федератсияи Россия аст.
   Дар таҷлили 50-солагии зодрӯзи табибу олими пуркору серғайрат Султонов Шералӣ Раҳмонович, ки дар таълиму тарбияи кадрҳои баландихтисоси тиббӣ, рушди соҳаи ҷарроҳии кӯдакони ҷумҳурӣ нақши боризи худро дорад, аз номи раёсати Донишгоҳи давлатии тиббии Хатлон, соҳибҷашнро табрику таҳният гуфта, бо каломи оламгири лиссон-ул-ғайб Ҳофизи Шерозӣ барояш таманно менамоем:

Саломати ҳама офоқ дар саломати туст,
Ба ҳеҷ ориза шахси ту дардманд мабод!
     Ҷамоли сурату маънӣ зи амни сиҳҳати туст,
    Ки зоҳират дижаму ботинат нажанд мабод!

РАЁСАТИ ДДТХ

       Ҳамасола рӯзи 7-уми апрел ҳамчун Рӯзи умумиҷаҳонии тандурустӣ ҷашн гирифта мешавад. Албатта, баргузории ин ҷашн бесабаб нест, чунки барои инсон чизи аз ҳама пурқиматтарин саломатӣ мебошад. Баргузории ин рӯз ба ифтитоҳи Ташкилоти умумиҷаҳонии тандурустӣ аз соли 1948 инҷониб рост меояд. Ташкилоти умумиҷаҳонии тандурустӣ, бахшида ба ҷашнгирии ин рӯз, мавзӯъҳои муайянеро пешниҳод менамояд. Соли 2019 шиори баргузории Рӯзи умумиҷаҳонии тандурустӣ «Депрессия: биёед гуфтугӯ менамоем» муқаррар карда шудааст.

    Ҷашни мазкур дар Ҷумҳурии Тоҷикистон низ ҳамасола таҷлил карда шуда, чорабиниҳои гуногуни маърифатию расмӣ гузаронида мешаванд. Аз ҷумла, бо ибтикори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон «корвони саломатӣ» озими минтақаҳои гуногуни ҷумҳурӣ мегарданд, ки дар ҳайати он мутахассисону табибони варзида, ба аҳолӣ корҳои ташхисию муолиҷавӣ мегузаронанд. Рӯзҳои 4 то 8-уми апрели соли ҷорӣ силсилаи чорабиниҳо, маърӯзаҳо, презентатсияҳо бахшида ба ин рӯз гузаронида шуданд.
       Рӯзи 8-уми апрел бо иштироки муовинати илм ва нашрия, маъмурияти китобхонаи донишгоҳ ва деканати факултетҳо бахшида ба Рӯзи умумиҷаҳонии тандурустӣ чорабинӣ гузаронида шуд. Чорабиниро муовини ректор оид ба илму нашрия Саидов И.З. ҳусни ифтитоҳ бахшида, доир ба таърихи ҷашнгирии ин рӯз, аҳамияти он ибрози ақида намуданд. Волонтёрони китобхона оид ба мавзӯъҳои гуногуни тандурустӣ – расонидани кӯмаки аввалин ҳангоми садама, заҳролудшавӣ, иғмои анафилактикӣ, хунравиҳо аз бинӣ маърӯза ва презентатсияҳо пешкаш намуданд. Инчунин оид ба масъалаҳои гуногуни тиббӣ саволу ҷавоб ва викторина баргузор гардид.

   Боиси хурсандист, ки дар чорабинӣ на фақат волонтёрҳои китобхона, балки донишҷӯён низ фаъолона ва бо шавқу ҳавас ширкат намуда, фикру мулоҳизаҳои худро иброз менамуданд ва ба саволҳо посухҳои дурусту асоснок медоданд.

Муовинати илм ва нашрия
Китобхонаи донишгоҳ
Деканати факултетҳо

   Корманди шоистаи Ҷумҳурии Тоҷикистон дар соҳаи илму техника, доктори илмҳои биологӣ,  профессор Намоз Бердиев имсол 80-умин солгарди умри бобаракаташро дар ҳалқаи ҳамкасбону  шогирдон, дӯстону пайвандон ва аҳли оила ҷашн гирифтанд.
  Бердиев Намоз 23-юми январи соли 1939 дар қишлоқи Митани райони Иштихони вилояти  Самарқанди Ҷумҳурии Узбекистон ба дунё омадааст. Айёми туфулиятро дар даврони ниҳоят сангину  вазнини замони Ҷанги Бузурги Ватанӣ гузарондааст. Хеле хурд буд, ки аз меҳри падар маҳрум монд.  Дар тарбияи модараш тамоми гарму сарди зиндагиро дидаву ба воя расид. Ба мушкилоти зиндагӣ  нигоҳ накарда пайваста дар омӯзиш буду нозукиҳои илмро аз худ мекард.
    Шавқу рағбат ба илм ва омӯзиши пайваста ӯро ба дари Донишкадаи кишоварзии Самарқанд  оварду соли 1962 факултети ветеринарии онро хатм кард. Пас аз хатми ин донишкада сарбайтори  совхози «Кангурт»-и собиқ ноҳияи Совет (ҳоло Темурмалик)-и вил. Хатлон таъин шуда, бо ҷиддият  ва масъулияти ба худ хос то соли то соли 1964 адои вазифа менамуд. Дар баробари хизмати  софдилона ба мардум боз ҳам баҳри баланд бардоштани донишу малка ва истеъдод талош менамуд.
   Соли 1964 ба аспирантураи назди Пажӯҳишгоҳи ветеринарии Вазорати кишоварзии ҶТ дохил шуда, минбаъд роҳи илм барои ӯ боз гардид. Ҷустуҷӯ ва тадқиқотҳои илмӣ дар ин боргоҳ аз ходими хурди илмӣ ӯро то ба ходими калони илмии Пажӯҳишгоҳи ветеринарии Вазорати кишоварзии ҶТ (1966 – 69) оварда расонид. Заҳмат мекашиду меҳнат мекард, илм меомухту тадқиқот мебурд, лаҳзае аз пажӯҳиш даст намекашид.
    Бояд қайд кард, ки устод дар вазифаҳои гуногун, аз ҷумла мудири Лабораторияи марказии тадқиқоти илмӣ (1969 – 79), мудири кафедраи биология бо асосҳои генетика (1979 – 96), ноиби ректор оид ба муносибатҳои байналхалқии ДДТТ ба номи А.Сино (1996 – 2008) кору фаъолият мекард ва аз соли 2009 вазифаи профессори кафедраи биология бо асосҳои генетикаи донишгоҳи мазкурро ба ӯҳда дорад.
Ёдовар мешавем, ки мавсуф дар ҷодаи илм ба як қатор муваффақиятҳои шоёни таҳсин ноил гашт, ки аз меҳнати чандинсолаю заҳматҳои пайвастаи ӯ шаҳодат медиҳанд. Дар мавзӯи «Норасоии йод дар хукҳо дар ноҳияҳои густариши ҷоғари эндемии ҷануби Тоҷикистон» рисолаи номзадӣ ва дар мавзӯи «Мутобиқат ва резистентнокии ҳайвонот дар шароити баландкӯҳ» рисолаи докторӣ дифоъ намуда, зиёда аз 250 мақола, 8 ихтироот, 26 пешниҳоди навоварона, 2 китоби дарсӣ, 12 дастури таълимӣ, 4 монография ва 5 тавсияи методиро ба нашр расондааст. Таҳти роҳбарии ӯ 2 нафар рисолаи докторӣ ва 12 нафар рисолаҳои номзадии илмро ҳимоя намудаанд.
   Имрӯз ҳам профессор Намоз Бердиевич бо масъулияти баланд дар таълиму тарбияи шогирдон саҳми арзандаи худро гузошта истодааст.
   Раёсати Донишгоҳи давлатии тиббии Хатлон, ҳайати профессорону омӯзгорон ва кули шогирдон ба синни мубораки 80 расидани доктори илмҳои биологӣ, профессор Намоз Бердиевро самимона таҳният гуфта, барояшон сиҳатии комил, комёбиҳои навин ва хушбахтии хонадонро орзу менамояд.

РАЁСАТИ ДДТХ.

      Дар кафедраи “ Физикаи биологӣ ва информатика” дар асоси нақшаи таълимӣ, рӯзи 2-юми апрели соли 2019 дар гурӯҳи 101, факултети педиатрӣ дар мавзӯи “Системаҳои оптикӣ ва қонунҳои ростхата паҳншавии рушноӣ” дарси кушоди мудири кафедра - Ситамов С. гузаронида шуд. Дар рафти дарс аз слайдҳо, тахтаи синфӣ ва дигар айёниятҳои таълимӣ моҳирона истифода карда шуд. Дар охир барои мустаҳкамкунии дарс саволу ҷавоб байни донишҷӯён бо устод сурат гирифт.Донишҷӯён ба саволҳои додаашон ҷавобҳои пурра гирифта, қаноатманд шуданд.
    Дар дарси кушод сардори шуъбаи таълим, омӯзгорони ҷавони кафедра ва омӯзгорони фанни физика аз Донишгоҳи давлатии Данғара низ иштирок доштанд. Дар ҷамъбаст сардори шуъбаи таълим Курбонмамадов С. аз рафти дарси кушод натиҷагирӣ намуда, дар хусуси боз ҳам шавќовар доир намудан ва ҳар чӣ бештар ҷалб намудани омўзгорони ҷавон, таъкидҳо намуд.

Кафедраи Физикаи биологӣ ва информатика

Подкатегории