Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 7700 сомонӣ
  • пардохти маблағи яксолаи таҳсил барои гуруҳҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6160 сомонӣ
  • пардохти маблағи яксолаи таҳсил барои гуруҳҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷой 40 ҷои шартномавӣ
  • 8690 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

       

        Дар кафедраи морфология ва физиологияи одам   дар асоси нақшаи таълимӣ   рӯзи 06-уми  марти  соли 2018 дар гурӯҳи 105 педиатрӣ   дар  мавзӯи «Анатомияи узвҳои шошаю таносул» дарси  кушоди мудири кафедра Зарипов И.А.   гузаронида  шуд. Рафти  дарс  бо истифодаи  слайдҳо, расмҳо  баргузор  гардид. Дар охир барои  мустаҳкамкунии  маводи  дарсӣ  саволу  ҷавоб байни донишҷӯён бо устод  сурат гирифт. Донишҷӯён ба саволҳои додаашон  ҷавоби  пурра  гирифта  қаноатманд  шуданд.

       Дар   дарси  кушод  Одинаев С.П.-  сармутахассис оид ба назорати сифати таълим, Наботова О. З – муаллимаи кафедраи анатомияи одам ва гистология , муаллимаи кафедраи ҷомеашиносӣ Мардонова Н, омӯзгори кафедраи химия ва биологияи тиббӣ  Султонмамади Г., омӯзгори кафедраи забонҳо Отахонов Р., иштирок доштанд.  Дар охир    сармутахассис оид ба назорати сифати таълим Одинаев С.П. натиҷаи дарсро ҷамъбаст намуда, бори дигар зарурияти омӯзиши ин фанро барои толибилмони донишгоҳи тиббӣ таъкид намуданд.

 

Кафедраи морфология ва физиологияи одам

        

         Рӯзи 2-юми марти соли 2018 дар бинои Театри драмавии шаҳраки Данғара озмуни ноҳиявии «Маликаи Наврӯзӣ» баргузор гардид. Дар озмун се нафар донишҷӯдухтарони Донишгоҳи давлатии тиббии Хатлон - Баҳодурова Танноз (гурӯхи 106 педиатрӣ), Қудратова Беназир, Калонова Зарнигор (гурӯҳи 106 тиббӣ) ширкат намуданд. Шартҳои озмун аз табрикоти наврӯзӣ, қироати шеър дар васфи баҳор ва Наврӯз, саволу ҷавоб оид ба суннатҳои наврӯзӣ ва намоиши либоси маликаи наврӯзӣ, миллӣ ва аврупоӣ иборат буданд. Боиси хушнудист, ки донишҷӯйи гурӯхи 106-и педиатрӣ Баҳодурова Танноз ба гирифтани ҷойи аввал ва донишҷӯйи гурӯҳи 106-и тиббӣ Қудратова Беназир ба гирифтани ҷойи сеюм мушарраф гардиданд. Аз номи ҳайати профессорону омӯзгорон ва кулли донишҷӯёни донишгоҳ ғолибони озмунро барои дастовардҳояшон дар арафаи ҷашни Наврӯзи оламафрӯз табрик намуда, дар таҳсилу фаъолияти минбаъдаи онҳо комёбиҳо орзу менамоем.

 Шӯрои занону духтарони ДДТХ

 

      Санаи 28.02.2018с. дар мактаби таҳсилоти миёнаи умумии №70-и ноҳияи Данғара конфронси илмӣ-амалӣ таҳти унвони “Зан – модар,  тарбиятгар”  бахшида ба “Рӯзи Модар” баргузор гардид, ки дар он 3 нафар устодони донишгоҳ – раиси Шӯрои занон ва духтарони ДДТХ н.и.х.Усмонова У.Х., саромӯзгори кафедраи забонҳо Қурбонов Х.Ш., мудири кафедраи забонҳо н.и.ф.Қурбонмамадов С.Х. ва донишҷӯи курси дуюми факултети педиатрӣ Самадов Саддамҷон бо маърузаҳои ҷолиб баромад намуда, нақши занро дар тарбияи фарзанд мавриди баррасӣ қарор доданд.

      Бояд зикр намуд, ки конфронс дар ҳамкорӣ бо Бахши кор бо ҷавонон ва варзиши ноҳияи Данғара ташкил карда шуда, ҳамчунин дар баробари омӯзгорон донишҷӯёни ДДТХ низ дар конфронс ширкат варзиданд.

      Дар анҷоми конфронс маърузачиён бо сипосномаи Бахши кор бо ҷавонон ва варзиши ноҳияи Данғара қадрдонӣ карда шуданд.

 

Шӯрои занон ва духтарони ДДТХ

       

         Рӯзи 3-юми марти соли 2018 дар майдони варзишии Донишгоҳи давлатии тиббии Хатлон озмуни “Сайёҳи беҳтарин ва расонидани кӯмаки аввалини тиббӣ” баргузор карда шуд. Кумитаи тадорукот ва ҳайати доварон: Убайдулло Қурбон – ректори ДДТХ, д.и.т., профессор (раис), Ғафуров Б.А. – муовини ректор оид  ба таълим ва тарбия, Аҳадов Ш.Ф. – муовини ректор оид ба корҳои хоҷагӣ, Қузибоева Н.К. – мудири кафедраи фанҳои клиникӣ, Холов Ш.И. – сардори шуъбаи кадрҳо ба баргузории озмуни мазкур роҳбарӣ намуданд. Мувофиқи Нақша  баргузории озмун аз қисматҳои зерин иборат буд:

  1. Намоиш додани гузоштан ва ҷамъ овардани хаймаи сайёҳӣ
  2. Расонидани ёрии аввалини тиббӣ
  3. Хомӯш кардани оташ ҳангоми сӯхтор 

     

     Озмун аз намоиши таҷрибавии ҳар яке аз қисматҳо оғоз гардид. Ду дастаи интихобкарда – гурӯҳи 203 ва 204-и факултети тиббӣ сараввал бо ҳидояти Камолов Д. – мудири бахши хоҷагии донишгоҳ ва роҳбарони гурӯҳҳо – омӯзгорони фанни тарбияи ҷисмонӣ Қурбоналиев Ҷ. ва Самиев С. чӣ гуна гузоштан ва ҷамъ овардани хаймаҳоро амалан дидан ва сипас бо ҳидояти довар проректори қисми хоҷагӣ Аҳадов Ш.Ф. ба мусобиқа шурӯъ намуданд. Ҳарду даста хеле бо шавқу ҳавас ва кушиши тамом ба ин кор шурӯъ намуданд. 

       Шарти дуюм - расонидани ёрии аввалини тиббӣ аз инҳо иборат буд:

       Аз майдон баровардани  захмдорон  (масъул Мардонзода  Қ.), сафарабар кардан барои расонидани ёрии аввалини тиббӣ ( масъул Холов Ш.И.), манъ кардани хунравӣ ( масъул Камолов А.С.)реаниматсияи шахси осебдида ва чен кардани ФШ  – масъул Додоҷонов Ҷ.Ю. ), гузоштани бандинаҳои тиббӣ дар ҷойи ҷарроҳат ( масъул Мардонзода Қ) ва  хомӯш кардани оташ ҳангоми сӯхтор (масъул сардори техникаи бехатарии донишгоҳ Тоҳири Зевар).

      Натиҷаи озмун нишон дод, ки донишҷӯён ҳамчун табибони оянда дар ҳолатҳои фавқулодда аз уҳдаи расонидани кӯмаки аввалини тиббӣ ва бартараф намудани дигар ҳолатҳои таъхирнопазир баромада метавонанд

      Дар охир муовини ректор оид  ба таълим ва тарбия  Ғафуров Б.А.  натиҷаи чоарбиниро ҷамъбаст намуда, аз номи раёсати донигоҳ ба баргузоркунандагон ва иштирокчиёни он арзи маннатдорӣ намуданд.

Подкатегории