Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 8010 сомонӣ
  • пардохти маблағи яксолаи таҳсил барои гурӯҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6400 сомонӣ
  • пардохти маблағи яксолаи таҳсил барои гурӯҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷои шартномавӣ
  • 9040 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

6-уми майи соли равон   бо мақсади амалисозии  “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” (барои солҳои 2020-2040)  дар асоси  Амри Президенти Ҷумҳурии Тоҷикистон дар Донишгоҳи давлатии тиббии Хатлон даври аввали озмуни ҷумҳуриявии “Илм - фурӯғи маърифат”  баргузор гардид.

           Дар озмун аз кафедраҳои химия ва биология тиббӣ, физикаи тиббӣ ва информатика аз рӯи 8 номинатсия, аз ҷумла, математика, физика, астраномия, информатика, ихтироъкорӣ ва навоварӣ, химия, биология ва география баргузор гардид, ки аз он 8 нафар сазовори ҷойҳои аввал ва боқимонда ҷойҳои дуюм ва ифтихориро соҳиб гардиданд. Аз ҷумла, дар номинатсияи математика - донишҷӯи курси 3-юми факултети педиатрӣ Шоҳрухи  Б., информатика - донишҷӯи курси 1-уми факултети стоматологӣ Каримов  А., физика - донишҷӯи курси 4-уми факултети тиббӣ Ҷ. Қурбоналӣ,  астраномия - донишҷӯи курси 3-юми факултети педиатрӣ Раҳимов Ф., химия - донишҷӯи курси 5-уми факултети тиббӣ Қаюмов  С., биология - донишҷӯи курси 1-уми  факултети педиатрӣ Раимқулов С.,  география - донишҷӯи курси 2-юми факултети педиатрӣ Давлатов  С. ва аз рӯи навоварӣ ва ихтироъкорӣ  донишҷӯи курси 3-юми факултети педиатрӣ Мирзозода А. аз байни 36 донишҷӯи ДДТХ ғолиби даври аввали озмун гардиданд. 

         Дар ҳақиқат ҳам, ташкил ва баргузории чунин озмунҳо донишҷӯёнро водор месозад, ки ҷиҳати тақвият бахшидани донишҳои назариявӣ ва амалии худ пайваста бозомӯзӣ намоянд, ки ин барои боз ҳам  баланд гардидани сатҳи дониши онҳо заминаи мустаҳкам хоҳад гузошт.

ШУЪБАИ ИЛМ

ВА ИННОВАТСИЯ

4  майи соли равон тибқи мактуби Мақомоти иҷроияи ҳокимияти давлатии вилояти Хатлон бо ибтикори Шӯрои занон ва духтарони ДДТХ дар донишгоҳи давлатии тиббии Хатлон озмуни «Рӯзғордорӣ» баргузор гардид.

Донишҷӯи курси сеюми факултети тиббӣ Назармаматова З., донишҷӯи курси чоруми факултети тиббӣ Тиллоева М. ва донишҷӯёни курси чоруми факултети педиатрӣ Раҷабзода Р. ва Шакирова Ф. ҳамчун ҳунармандони беҳтарин шинохта шуда, ба даври вилоятӣ роҳ ёфтанд.

14 майи соли равон донишҷӯёни мазкур дар  озмуни вилоятии «Рӯзғордорӣ», ки  дар шаҳри Бохтар баргузор мегардад, иштирок хоҳанд кард.

ШӮРОИ ЗАНОН ВА

ДУХТАРОНИ ДДТХ

1-уми майи соли равон дар Донишгоҳи давлатии тиббии Хатлон ҷаласаи навбатии Шӯрои олимони донишгоҳ баргузор гардид.

          Сараввал, Ректори Донишгоҳи давлатии тиббии Хатлон доктори илмҳои тиб, профессор Убайдулло Қурбон мудири кафедраи фармакология ва микробиология - Ҷулаев А. С. ва омӯзгори кафедраи фанҳои муолиҷавӣ - Абдуллоев Ҳ.Ҷ.-ро ба муносибати 60 - солагиашон самимона табрику таҳният намуданд.

Дар идомаи ҷаласа Директори Маркази миллии хаттии Академияи миллии илмҳои Тоҷикистон Давлатов Р. оид ба ҷамъбасти тарҷума ва феҳрасти “Луғати осори Ал-Хоразмӣ” маълумот дод. Қайд гардид, ки китоби мазкур маълумоти ниҳоят муҳим ва пурарзиши тиббиро дар бар мегирад.

              Ректори донишгоҳ муҳтарам Убайдулло Қурбон ба Директори Маркази миллии хаттии Академияи миллии илмҳои Тоҷикистон Давлатов Р. ва кормандони Маркази мазкур, ҳамзамон барои нафароне, ки дар таҳияи китоби “Луғати осори Ал-Хоразмӣ” саҳмгузор буданд, аз самими қалб изҳори сипос намуданд.

Дар ҷаласа тибқи рӯзнома масоили фаъолияти кафедраи химия ва биологияи тиббӣ дар соли таҳсили 2020 - 2021, амалишавии Қонуни Ҷумҳурии Тоҷикистон “Дар бораи забони давлатӣ” дар ДДТХ, татбиқи Қонуни Ҷумҳурии Тоҷикистон “Дар бораи танзиму анъана ва ҷашну маросим дар Ҷумҳурии Тоҷикистон”, омодагии шуъбаи таълим, деканат ва муовинати тарбия ва фарҳанг ба чорабинии “Рӯзи хатми донишҷӯёни донишгоҳ” (факултети  стоматологӣ), ҳисобот оид ба натиҷаи ҷамъбасти тарҷума ва феҳрасти “Луғати осори Ал - Хоразмӣ”  мавриди баррасӣ ва муҳокима қарор гирифтанд.

Ҳамзамон, дар бораи тасдиқ ва ба нашр тавсия додани китоби таълимии “Забони лотинӣ ва истилоҳоти тиббӣ”- и Сангова Ҳ., тасдиқ намудани қоидаҳо ва меъёрҳои имтиҳонии сессияи тобистонаи соли таҳсили 2020 - 2021, “Низомномаи бахши муҳофиза”, нақшаи дурнамои китобхонаи ДДТХ барои солҳои 2021 - 2026 барои солҳои 2021 – 2026 ва ғайра як қатор қарорҳои дахлдор қабул гардиданд.

              Профессор Убайдулло Қурбон ҷаласаро ҷамъбаст намуда, доир ба масъалаҳои рӯзнома фикру андешаҳои худро иброз доштанд ва ба масъулини сохторҳои марбута супоришҳои мушаххас доданд.

ХАБАРНИГОРИ СОМОНА

      30 - юми апрели соли равон дар Донишгоҳи давлатии тиббии Тоҷикистон ба номи Абӯалӣ ибни Сино бахшида ба 30-солагии Истиқлолияти давлатии Ҷумҳурии Тоҷикистон ва солҳои рушди деҳот, сайёҳӣ ва ҳунарҳои мардумӣ (2019-2021) Конференсияи XVІ - уми илмӣ -амалии олимони ҷавон ва донишҷӯёни  ДДТТ ба номи Абӯалӣ ибни Сино дар мавзӯи «Проблемаҳои нави тиб ва роҳҳои ҳалли он»  баргузор гардид.

Боиси сарфарозист, ки дар кори Конференсия дар қатори дигар олимони Ҷумҳурии Тоҷикистон ва иштироки онлайнии  олимони давлатҳои хориҷӣ, инчунин 12 нафар омӯзгорону донишҷӯёни  Донишгоҳи давлатии тибби Хатлон иштирок ва бо маърӯзаҳои илмӣ баромад намуданд.

Мувофиқи натиҷаҳои Конференсия, донишҷӯи курси 5-уми факултети тиббии ДДТХ Фозилов Н.  барои маърӯзаи беҳтарин соҳиби дипломи дараҷаи III гардид.

Қобили зикр аст, ки 68 фишурдаи аз ҷониби олимони ҷавон ва  донишҷӯёни ДДТХ пешниҳодгардида дар Маҷмӯаи корҳои илмии конференсия ба табъ расидааст.

 ШУЪБАИ ИЛМ

ВА ИННОВАТСИЯ

Подкатегории