Маълумоти умумӣ дар бораи факултетҳо

ДДТХ дорои 3 факултет мебошад... интихоби дуруст намоед!
  • Тиббӣ
  • 150 ҷой 80 ҷои шартномавӣ
  • 7700 сомонӣ
  • пардохти маблағи яксолаи таҳсил барои гуруҳҳи шартномавии факултети тиббӣ
  • Мӯҳлати таҳсил 6 сол
  • 38 ихтисос
  • Муфассал
  • Педиатрӣ
  • 150 ҷой 80 ҷои шартномавӣ
  • 6160 сомонӣ
  • пардохти маблағи яксолаи таҳсил барои гуруҳҳи шартномавии факултети педиатрӣ
  • Мӯҳлати таҳсил 6 сол
  • 38 ихтисос
  • Муфассал
  • Стоматологӣ
  • 50 ҷой 40 ҷои шартномавӣ
  • 8690 сомонӣ
  • пардохти маблағи яксолаи таҳсил барои гуруҳҳи шартномавии факултети стоматологӣ
  • Мӯҳлати таҳсил 5 сол
  • 10 ихтисос
  • Муфассал
Хабарҳои мо
хабар, эълон, гузориш аз баргузории чорабиниву ҷамъомадҳо ва дигар маводҳои иттилоотии донишгоҳи давлатии тиббии Хатлон

       Раёсат, ҳайати профессорону устодон ва кулли шогирдону кормандони Донишгоҳи давлатии тиббии Хатлон  имрӯз сарвари шуъбаи таълим н.и.х.- Усмонова Умеда Хуршедовнаро ба ифтихори ҷашни 30 -солагиашон табрик намуда,  ба соҳибҷашн тандурустӣ, сарсабзӣ, иқболи баланд ва дар тайёр намудани мутахассисони баландпояи тиббӣ барору комёбиҳои беназир таманно менамоянд.

Кумитаи иттифоқи касабаи кормандони   ДДТХ

 

         Боиси хушнудӣ ва қаноатмандии раёсат, аҳли донишгоҳ ва муҳассилини Донишгоҳи давлатии тиббии Хатлон    гардид, ки рӯзи 12-уми феврали соли 2018 маводу таҷҳизоти зарурии таълимии тиббӣ дастрас карда  шуд. Кӯмаки мазкур бо ибтикори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон роҳандозӣ шуда, аз скелету устухонҳои косахонаи сар, муляжҳои гуногун, воситаҳои таълимӣ узву системаҳои мухталиф, планшетҳои релефӣ, маникен-машқдиҳандаҳои гуногун ба мақсади омӯзондани малакаҳои клиникӣ, отоскоп,  ларингоскоп, электрокардиограф, глюкометр, термостат ва ғайраҳо иборат аст. Маблағи умумии маводҳои дастрасгардида зиёда аз 600 ҳазор сомониро ташкил медиҳад.  На фақат роҳбарияти донишгоҳ, балки донишҷӯён бо камоли шавқмандиву кунҷковӣ аз ин таҷҳизоту василаҳои таълимӣ - муляж ва дигар таҷҳизоти тиббӣ дидан карданд.

 

      Боварӣ дорем, ки чунин иқдомҳои наҷибона нисбати донишгоҳи навтаъсиси тиббӣ боз ҳам бештар роҳандозӣ гашта, ба ин васила заминаи моддию техникии донишгоҳи азизамон мувофиқи талаботи тибби муосир ва стандартҳои байналмиллалӣ таҳким хоҳад ёфт. Аз номи роҳбарият ва раёсати донишгоҳ ба Ҳукумати Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бахусус вазири муҳтарам Олимзода Насим арзи миннатдори хешро изҳор менамоем. Боварӣ дорем, ки чунин кӯмаку дастгириҳо минбаъд низ идома хоҳанд ёфт.

Шуъбаи таҳлил, назорат ва робита бо ҷомеа

         

          Санаи 10.02.2018с. дар Донишгоҳи давлатии Кӯлоб ба номи Абуабдуллоҳи Рӯдакӣ бахшида ба Рӯзи умумиҷаҳонии занон дар соҳаи илм Конференсияи илмӣ-амалӣ таҳти унвони “Занон ва рушди илми муосир” баргузор гардид, ки дар он се нафар омӯзгорони ДДТХ – Усмонова У.Х., Саидова М.Р., Мардонова Н.М. бо мақолаҳои илмӣ баромад намуда, барои иштироки фаъолона дар кори конфронс ва таҳияи мақолаҳои беҳтарин бо сипосномаҳои Мақомоти иҷроияи ҳокимияти давлатии вилояти Хатлон сарфароз гардонида шуданд.

 

Шӯрои занон ва духтарони ДДТХ 

 “Мувофиқи назарсанҷие, ки созмонҳои бонуфузи ҷаҳонӣ доир ба кишварҳои рӯ ба инкишоф анҷом додаанд, соли 2017 Тоҷикистон аз рӯйи 4 нишондиҳанда: дастрасӣ ба таҳсилот, сифати таҳсилот, сармояи инсонӣ ва қобилияти рақобати он дар миёни 101 давлати ҷаҳон ҷойи 50-умро соҳиб шудааст.” 

 “Паёми Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон 

        Ин натиҷаи назаррас дар давоми ду соли охир аз амалӣ намудани тадбирҳои иловагӣ  баҳри беҳтар намудани вазъ дар самтҳои илму маориф, тандурустӣ ва умуман, ҳамаҷониба таъмини зиндагии шоистаи мардуми сарбаланди тоҷик дарак медиҳад.  Имрӯзҳо ғамхориҳои ҳукумати мамлакат баҳри рушди самтҳои мазкур хело зиёд буда, таъмини мардум бо мутахассисони соҳавӣ  низ рӯз то рӯз меафзояд. Маҳз барои иҷрои ин мақсад, яъне беҳтар намудани сатҳи некуаҳволӣ, таъмини мардум бо кадрҳои баландихтисоси соҳаи тиб соли 2016 бо ташаббус ва иќдоми Асосгузори сулҳу Ваҳдати миллӣ, Пешвои миллат, муҳтарам Эмомалӣ Раҳмон Донишгоҳи давлатии тиббии Хатлон таъсис дода шуд. Ба мо, ҳамчун ҷавонони саодатманди ин диёр муяссар шуд, ки донишҷӯёни аввалини донишгоҳи мазкур  гардем. Натиҷаҳои таҳсили соли аввал нишон доданд, ки ташкили ДДТХ иқдоми нек, саривақтӣ ва барои ба таҳсил фаро гирифтани ҷавонон аз тамоми гӯшаву канори мамлакат хеле ҳам зарур ва сариваќтї ба ҳисоб меравад. Аз таъсиси донишгоҳи  мазкур муддати зиёд сипарӣ нагардида бошад ҳам, муваффақиятҳои пайдарпайи устодону  муҳассилини донишгоҳ аз сатҳу сифати баланди таълим дарак медиҳанд.

       Илова бар ин, дар ин миён эълон намудани  соли 2017  ҳамчун соли ҷавонон барои кулли ҷавонони кишвар, алалхусус мо- донишҷӯёни ДДТХ руҳи тоза ва тавоноии зиёд бахшид.  Ин буд, ки мо- донишҷӯён бо майлу рағбат ва саъю кӯшиши зиёд дар ҳама чорабиниҳои ҷамъиятӣ, озмунҳои вилоятӣ ва ҷумҳуриявӣ, махсусан, дар Олимпиадаҳои фаннӣ  ширкат варзида, ғолиб  ва сазовори  ҷойҳои намоён гардидем. Бо изҳори миннатдорӣ аз Ҷаноби олӣ,  ба ивази ҳама ғамхориҳо ва таваҷҷуҳи эшон ба насли ҷавон, инчунин бо дарки баланди қарзи фарзандии худ дар назди халқу Ватани азизамон – Тоҷикистон, сарфи назар аз анҷоми ин соли пур аз барору комёбиҳо, мо пайравони Пешвои миллат нигоҳдорандагони ҷомеаи солим, ташаббускори амалҳои созанда, дастовардҳои илмиву эҷодӣ, мубориз ба муқобили зуҳуроти номатлуб гардида, зиракии сиёсиро аз даст надода, дар ҳифзи амнияти ҷомеа ва давлат доимо омода ҳастем. Таъриху фарҳанги халқамонро аз сидқ гиромӣ медорем ва барои  ободиву пешрафти минбаъдаи Ватани маҳбубамон тамоми қувваву нерӯи худро дареғ намедорем.

Бибисоро Комилова, донишҷӯи ДДТХ,

барандааи стипендияи Кумитаи ҷавоно ва варзиши назди Ҳукумати ҶТ,

ғолиби озмӯни Донишҷӯи соли -2017

 

Subcategories