Ҳамкории байналмилалӣ яке аз самтҳои асосии фаъолияти Донишгоҳи давлатии тиббии Хатлон ба шумор рафта, баҳри баланд бардоштани сифати корҳои таълимӣ ва илмӣ вобаста ба равишҳои инноватсионӣ, фаъолияти донишгоҳро дар сатҳи байналмилалӣ дастгирӣ ва муаррифӣ менамояд. Инчунин, барои баланд бардоштани сатҳи омода намудани мутахассисон дар доираи корҳои илмию педагогӣ ва ҳифзи нигањдории тандурустии аҳолӣ мусоидат менамояд ва вобаста ба самти фаъолияти худ ба такмили хизматрасонии тиббӣ самаранок таъсир мерасонад.

  Ёдовар мешавем, ки лоиҳаи “BERNICA” аз моҳи феврали соли 2023 дар Донишгоҳи давлатии тиббии Хатлон амалӣ гардида истодааст ва дар доираи лоиҳаи мазкур якчанд сафарҳои омӯзишӣ анҷом дода шуд.

    Ҳамзамон зикр кардан ба маврид аст, ки дар доираи лоиҳаи “Ташаккули иқтидори таълимӣ ва тадқиқотӣ дар соҳаи ғизо ва парҳез дар Осиёи Марказӣ”/БЕРНИКА, тағиротҳои мусбӣ ҷиҳати боз ҳам тақвият бахшидани муносибатҳои минбаъда байни донишгоҳҳои аъзо идома ёфта истодааст.

  Вохӯрии навбатии аъзоёни лоиҳа мувофиқи панҷумин маҷмӯи кории созишномаи умумӣ дар Донишгоҳи давлатии тиббии Хатлон санаҳои 4-5-уми ноябр баргузор гардид, ки дар он профессор Гюлгюн Эрсой аз Донишгоҳи Медиполи Истанбул, профессор Бауржан Омаркулов аз Донишгоҳи тиббии Карагандаи Ҷумҳурии Қазоқистон, профессор Рабига Хожамкул аз Донишгоҳи миллии тиббии Қазоқистон, профессор Низом Эрматов аз Академияи тиббии Тошкант, н.и.т. Фирӯз Умаров ва Саддридин Пулатов аз Донишкадаи тиббии Бухоро иштирок намуданд.

Вохӯрии мазкур тибқи нақшаи генералии лоиҳа “Рӯзҳои байналмилалӣ” ном гирифтааст ва ҳар як иштирокчӣ дар мавзуъҳои марбут ба ғизои солим ва ғизо барои бемориҳои гуногун  маъруза намуданд.

Равобити байналмилаии донишгоҳ.

Тавре ки маълум аст, аз таърихи 21-ум то 30-уми октбяри соли 2024 даври ҷумҳуриявии озмуни “Илм-фурӯғи маърифат” дар шаҳри Душанбе баргузор гардид.

Омӯзгорон ва донишҷӯёни Донишгоҳи давлатии тиббии Хатлон низ дар баробари дигар идораву муассисаҳои таҳсилоти олии кишвар дар ин озмун фаъолони ширкат варзида, дар даври якум ва дуюми он сазовори ҷойҳои намоён гардиданд.

Донишҷўи курси 5-уми факултети тиббии ДДТХ - Худойбердиев Ҳайдар Жоракулович дар даври ҷумҳуриявии озмуни мазкур аз рӯи номинатсияи фанни “Биология” ширкат варзида, пас аз натиҷагирӣ ва хулосабарории аҳзои ҳакамон ба гирифтани ҷойи 2-юми озмун шарафёб гардид. Номбурда бо дипломи озмун ва мукофоти пулӣ дар ҳаҷми 25 ҳазор сомонӣ аз ҷониби масъулини озмун қадрдонӣ карда шуд

Раёсати донишгоҳ донишҷўи курси 5-уми факултети тиббии ДДТХ - Худойбердиев Ҳайдар Жоракуловичро барои сазовор гардидан ба ҷойи дуюми озмуни ҷумҳуриявии “Илм-фурӯғи маърифат” сидқан таҳният намуда, барояшон комёбиҳои наву беназирро таманно менамояд.

Муовинтаи илм ва нашрия.

             Санаи 5-уми ноябри соли 2024, дар толори калони донишгоҳ бо иштироки васеи аъзои Раёсат, ҳайати профессорону омӯзгорон, донишҷӯён ва кормандон бахшида ба 30 солагии қабули Конститутсияи Ҷумҳурии Тоҷикистон ҳамоиши илмӣ ва барномаи фарҳангӣ баргузор гардид.

Нахуст муовини ректор оид ба таълим ва корҳои методӣ дотсент Аҳмадиён Ш.Р. ҳамоиши илмиро ҳусни оғоз бахшид. Сипас барои қироати нутқи табрикотии Ректори ДДТХ, д.и.т., профессор Убайдулло Қурбон бахшида ба 30 солагии Конститутсияи Ҷумҳурии Тоҷикистон суханро ба муовини ректор оид ба илм ва нашрия дотсент Боронов Ҳ.А. дода шуд.

Дар идома, тибқи сенария ҳамоиши илмӣ давом ёфта, маърузаҳои  мутахассисон шунида шуданд. Мушовири ректор оид ба масъалаҳои ҳуқуқӣ, профессори фахрии донишгоҳ Азизуллоев А.А. дар мавзуи «Конститутсия-ифодагари маърифати ҳуқуқии шаҳрвандон, мудири кафедраи ҷомешиносӣ н.и.ф. Гулов А.А. дар мавзуи «Конститутсия-ҳамчун рукни худшиносии миллӣ», ассистентони кафедраи ҷомеашиносӣ Муродова Т. ва Мардонова Н., донишҷӯйи соли аввали факултети педиатрӣ Асламова О. дар мавзуъҳои «Мафҳум ва моҳияти Конститутсия», «Конститутсия-бахтномаи миллат», «Конститутсия-эътимодномаи ҳуқуқу озодӣ» маърузаҳоро пешниҳоди ҳозирин намуданд.

Дар ҷамъбасти ҳамоиши илмӣ тибқи фармоиши Ректори донишгоҳ ғолибони озмуни донишгоҳии «Ҳуқуқдони беҳтарин», ки бахшида ба эълон гардидани «Соли 2024-соли маърифати ҳуқуқӣ» байни омӯзгорон ва донишҷӯён баргузор карда шуд, бо мукофоти пулӣ, «Диплом»-и дараҷаи I, II, III ва Ифтихорномаи Ректори донишгоҳ қадрдонӣ карда шуданд.

Пас аз ҷамъбасти ҳамоиши илмӣ барномаи фарҳангии аҳли ҳунари донишгоҳ ва дастаи ҳунарии «Дурахшон»-и донишгоҳ бахшида ба 30 солагии Конститутсияи Ҷумҳурии Тоҷикистон манзури иштирокчиён гардонда шуд. Барномаи фарҳангӣ бо композитсияи адабӣ таҳти унвони «Конститутсия-шиносномаи миллат» оғоз гардида, таронаҳои мавзуни ватандӯстона, сурудҳои ифтихор аз ватану ватандорӣ, рақсҳои зебою дилнишин идомабахши чорабинии фарҳангӣ гардиданд.

Хабарнигори сомона.

Аз санаи 30-уми октябр то 2-юми ноябри соли 2024 муовини ректор оид ба тарбия ва фарҳанг дотсент Қурбонмамадов С.Х. ва сардори шуъбаи равобити байналмилалӣ Назаров Р.И. дар  “Конфронси солонаи Чин ва намоишгоҳи таҳсилоти байналмилалӣ дар соли 2024 (CACIE) иштирок намуданд. Чорабинӣ бо даъвати Ассотсиатсияи Чин оид ба мубодилаи байналмилалӣ дар соҳаи маориф (CACIE) ва дар шаҳри Пекини Ҷумҳурии мардумии Чин ташкил ва баргузор карда шуд.

Дар доираи конфронси мазкур намояндагони донишгоҳ, ҳамзамон, дар Форуми байналмилалии “Густариши ҳамкорӣ дар соҳаи таҳсилоти тибби Чин ва Осиёи Марказӣ” ширкат варзида, дотсент Қурбонмамадов С.Х. бо маърузаи “Ҳамкориҳои дуҷонибаи Донишгоҳи давлатии тиббии Хатлон (Тоҷикистон) ва Донишгоҳи тиббии Шинҷон (Чин) баромад намуд. Зимни баромад иброз дошта шуд, ки муносибатҳои дипломатӣ байни Ҷумҳурии Мардумии Чин ва Ҷумҳурии Тоҷикистон дар аввали солҳои соҳибистиқлолӣ ба роҳ монда шуд ва дар татбиқи Стратегияи миллии рушд ва афзалиятҳои асосии он имруз Ҷумҳурии мардумии Чин нақши назаррас дорад.  Донишгоҳи давлатии тиббии Хатлон бошад, аз аввали таъсисёбии худ ҳамкориҳои судмандро бо Донишгоҳи тиббии Шинҷон (Чин) ба роҳ мондааст.

Чунин ҳамкорищои судманд дар таҳкими муносибатҳои дуҷониба дар соҳаи маориф ва нигаҳдории тандурустӣ ва рушди таҳсилоти рақамии тиббӣ як такони нав мебахшанд.

Шуъбаи робита байналмилалӣ.