Санаи 29-уми августи соли 2024 ҷаласаи нахустини Шурои олимони ДДТХ дар соли таҳсили 2024-2025 баргузор гардид.

Ҷаласаро Раиси Шурои олимон д.и.т., профессор Убайдулло Қурбон ҳусни оғоз бахшида, нахуст ҳозиринро бо оғози соли нави таҳсили 2024-2025 табрику таҳният намуд. Ҳамзамон, пеш аз баррасии масъалаҳои дар рӯзнома омада, Раиси шурои олимон ба омӯзгорони донишгоҳ: сардори шуъбаи кадрҳо, омӯзгори кафедраи физиологияи нормалӣ ва патологӣ Асоев С.П., н.и.т., мудири кафедраи фанҳои ҷарроҳии № 1 Пиров Б.С., барандаи “Шоҳҷоиза”-и омзуни ҷумҳуриявии “Илм-фурӯғи маърифат” - ассистенти кафедраи фанҳои ҷарроҳии № 1 Дадоҷонов Ҷ.Ю., омӯзгори кафедраи фармакология ва микробиология Ҷулаев А. нишони “Аълочии тандурустӣ”-ро дар вазъияти тантанавӣ тақдим намуд.

Сипас аъзои Шурои олимон бо рӯзномаи ҷаласа шинос гардонда шуданд ва рӯзномаи ҷаласа тасдиқ карда шуд.

Вобаста ба масъалаи якуми рӯзнома - “Натиҷаи  қабули довталабон ба ДДТХ  барои соли таҳсили 2024-2025” котиби комиссияи қабул н.и.т. Боронов Ҳ.А. маълумотро манзури аъзои шуро намуда, қайд дошт, ки нақшаи қабули донишҷӯён дар ду марҳила доир гардид ва ҳуҷҷатҳои 712 нафар донишҷӯён, тибқи нақшаи қабул ва рӯйхати ММТ,  ба 5 факултети донишгоҳ қабул карда шуданд.

Дар масъалаи дуюми рӯзнома сардори шуъбаи кадрҳо Аосев С.П. оид ба натиҷаи озмуни қабули кормандон ва ҲПО дар соли таҳсили 2024-2025 ба донишгоҳ маълумот дод. Зикр гардид, ки озмун тибқи талабот ва низомнома баргузор карда шуд ва нафароне, ки ба талабот чавобгӯ буда, аз холи гузариши озмунро ба даст оварданд, дар сохторҳо ва кафедраҳои донишгоҳ ба кор қабул карда шуданд.

Ваколатдори сардори шуъбаи таълим –Назаров З.С. дар масъалаи сеюми рӯзнома омодагии шуъбаи таълим, деканати факултетҳо ва кафедраҳои донишгоҳ барои оғози соли таҳсили 2024-2025-ро мавриди баррасӣ қарор дод ва иброз намуд, ки бо дарназардошти баъзе камбудиҳои ҷузъӣ шуъбаи таълим, деканати факултет ва кафедраҳо тамоми нақшаи кориро муайян намудаанд ва барои оғози соли нави таҳсил омода мебшанд.

Дар масъалаи чоруми рӯзнома сардори Шуъбаи таҳлил, назорат ва робита бо ҷомеа - Ҳомидзода И.Ҷ. вобаста ба тағйиру илова ба ҳайати шурои олимон, ҳамзамон, лоиҳаи Нақшаи кории Раёсат ва Нақшаи кории шурои олимон барои соли таҳсили 2024-2025 сухан намуд.

Дар масъалаҳои гуногун 11 Лоиҳаи қарори шурои олимон аз ҷониби масъулин пешниҳод ва аз тарафи аъзои шурои олимон тасдиқ карда шуданд. Ҳамзамон, дар ҷаласаи Шурои олимон аз ҷониби сардори шуъбаи кадрҳо фармони Ректори донишгоҳ вобаста ба таъин гардидани мутахассисон ба вазифаҳои нав қироат гардид. Дар навбати худ Ректори донишгоҳ кадрҳои навтаъингардидаро ба вазифаҳои нав табрик намуда, ҳамзамон, бо масъулияти баланд ва содиқонаву софдилона адои вазифа намуданро таъкид намуд.   

Хабарнигори сомона.

Санаи 16-уми августи соли 2024 дар толори бошукуҳи фарҳангии Донишгоҳи давлатии тиббии Хатлон, бо иштироки раиси ноҳияи Данғара муҳтарам Саломзода Сиҷоуддин “Рӯзи кормандони соҳаи тиб” таҷлил гардид.

Нахуст Раиси ноҳия бо иди касбӣ тамоми кормандони соҳаи тибби ноҳияро табрику таҳният намуд. Қайд намуд, ки ҳамасола ҷашни кормандони соҳаи тиб дар арафаи таҷлили Истиқлолияти давлатии Ҷумҳурии Тоҷикистон ва зодрӯзи нобиғаи тиб - Абуалӣ ибни Сино қайд карда мешавад, ки басо рамзӣ ва боиси ифтихор мебошад. Боварӣ дорам, ки Шумо – табибон вазифаи пурмасъули табибиро, ки ҳаёти ҳазорҳо инсонҳо дар дасти Шумост, бо дасту дили пок, маҳорату малака, ҳунару истеъдод, донишу масъулият ва сифати баланди хизматрасонии тиббӣ ба иҷро расонида, тамоми фаъолияти касбии хешро содиқона барои халқ сафарбар менамоед.

Қобили қайд аст, ки давлату ҳукумати мамлакат ҳанӯз аз солҳои аввали соҳибистиқлолӣ ҷиҳати рушди бомароми соҳаи тандурустӣ ва ҳифзи иҷтимоии аҳолӣ тадбирҳои судмандро роҳандозӣ намуд, ки самараи неки он имрӯзҳо баръало мушоҳида карда мешавад.  Кормандони соҳаи тиб имрӯз таҳти таваҷҷуҳ ва дастгирии бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба дастовардҳою комёбиҳои беназир ноил гардида, ворисони ҳақиқии Абуали ибни Сино будани худро бо ақлу заковат ва дастони моҳирашон дар таъмини саломатии аҳолӣ исбот намуда истодаанд.

Сипас ба як қатор кормандони соҳаи тиб, табибон ва ҳамшираҳои шафқат сипоснома ва туҳфаҳои Мақомоти иҷроияи ҳокимияти давлатии ноҳияи Данғара супорида шуд.

Барномаи консертии аҳли ҳунари ноҳия, бо пешниҳоди суруду таронаҳои ватандӯстона, анҷомбахши чорабинии мазкур гардид.

Хабарнигори сомона.

Санаи 29-уми июни соли 2024 ҷаласаи навбатии Шурои олимони ДДТХ, ки дар соли таҳсили 2023-2024 ҷаласаи охирон ба ҳисоб мерафт, баргузор гардид.

Ҷаласаро Раиси Шурои олимон д.и.т., профессор Убайдулло Қурбон ҳусни оғоз бахшида, нахуст ҳозиринро бо ҷашни “Ваҳдати миллӣ” табрику таҳният намуд. Сипас аъзоро бо рӯзномаи ҷаласа шинос намуда, бо дарназардошти тағйиру илова рӯзномаи ҷаласаро тасдиқ намуд.

Вобаста ба масъалаи якуми рӯзнома “Маълумот оид ба иҷроиши сметаи даромад ва хароҷотии маблағҳои буҷетӣ ва хусусии ДДТХ дар  шаш моҷи соли 2024” сармуҳосиби донишгоҳ  Шарипов Ғ. маълумотномаро ба самъи аъзо расонид.

Сардори ШТН ва РҶ Ҳомидзода И.Ҷ. доир ба вазъи коргузорӣ ва натиҷаи иҷроиши дастуру супоришҳои ректор, қарорҳои раёсат ва шурои олимон маълумот дода, иҷрои мактубҳоро дар ҳар як муовинат ва сохторҳои донишгоҳ таҳлил намуд.

Дар масъалаи сеюм фаъолияти ташкилотҳои ҷамъиятии донишгоҳ: КИКК ва Д., шурои занон ва духтарон, шуъбаи кор бо ҷавонон мавриди баррасӣ қарор дода шуд.

Масъалаи чоруми рӯзномаро ваколатдори сардори шуъбаи таълим н.и.х. Назаров З.С. пешниҳоди аъзо намуда, оид ба иҷрои сарбории таълимӣ ва натиҷаи ҳисоботи инфиродии омӯзгорони кафедраҳо дар соли таҳсили 2023-2024-ро таҳлилу баррасӣ намуд.

Масъалаи панҷуми рӯзномаро “Фаъолияти Донишгоҳи давлатии тиббии Хатлон дар шаш моҳи соли 2024  ва вазифаҳо барои нимсолаи дуюми соли 2024” ташкил дода, муовини ректор оид ба корҳои таълимӣ дотсент Аҳмадиён Ш.Р. оид ба фаъолияти донишгоҳ ҳисобот пешниҳод намуд.

Дар масъалаҳои гуногун Раиси шурои олимон вобаста ба ҷамъбасти соли таҳсил ва омодагӣ ба соли нави таҳсил, дида баромадани фаъолияти озмоишгоҳҳо, истифодаи таҷҳизотҳои таълимӣ ва дигар масъалаҳои рӯзмарраро таҳлил намуд. Ҳамзамон, вобаста ба масъалаҳои рӯзнома ба масъулон ҷиҳати беҳтар ба роҳ мондани фаъолияти таълимӣ, тарбиявӣ, илмӣ, муолиҷавӣ ва хоҷагидории донишгоҳ супоришҳои мушаххас дод.

Хабарнигори сомона.