Скачать шаблон Joomla с JooMix.org

Комиссияи қабул - 2019

18 Август 2020
Муаллиф :  

   Имрӯз, 3-юми августи соли 2019, вобаста ба эълон шудани натиҷаҳои озмуни тақсимоти асосии довталабон дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2019, Комиссияи қабули довталабони ДДТХ – 2019 ба кори худ шурӯъ намуд.

     Комиссияи қабул ҳамарӯза аз соати 07:00 то 17:00 фаъолияташро ба роҳ мондааст.

Довталабоне, ки тибқи натиҷаҳои озмуни тақсимот ба муассисаҳои таълимӣ мувофиқи яке аз комбинатсияҳои ихтисосҳои интихобкардаашон комёб гардидаанд, бояд на дертар аз 15‑уми август ба Комиссияи қабул ҳозир шуда, бо пешниҳоди ҳуҷҷатҳои зарурӣ, ки рӯйхати онҳо дар зер оварда мешавад, муроҷиат намоянд. Дар сурати бо сабабҳои узрнок дар муҳлати муқарраргардида имконнопазир будани ҳозиршавии довталаб ба Комиссияи қабул, довталабро зарур аст, ки қаблан, то 15‑уми август, комиссияи қабулро дар ин хусус тавассути намояндаи худ хабардор карда, ҳуҷҷатҳои заруриро пешниҳод намояд.

   ТАВАҶҶУҲ! Мувофиқи тартиби муқарраргардида, дар сурати то 15‑уми август ба муассисаи таълимии таҳсилоти миёна ё олии касбии дахлдор ҳозир нашудани довталаб ва ҳуҷҷатҳои заруриро пешниҳод накарданаш ӯ аз ҳуқуқи қабул шудан ба муассисаи таълимӣ маҳрум мегардад ва ҷойҳои аз ин ҳисоб холимонда дар озмуни тақсимоти такрорӣ пешниҳод карда мешаванд. Чунин довталаб дар озмуни тақсимоти такрорӣ ҳуқуқи иштирокро надорад.

 

     Довталабон имкон доранд, ки дархост ё саволҳои худро ба нишонии почтаи электронии Комиссияи қабул – This email address is being protected from spambots. You need JavaScript enabled to view it.  низ пешниҳод намоянд.

   Ҳуҷҷатҳои зарурие, ки довталабони дар озмуни тақсимот муваффақгардида бояд ба Комиссияи қабул пешниҳод намоянд, инҳоянд:

1) ариза ба номи ректор;

2) ҳуҷҷат дар бораи таҳсилот (диплом ё аттестат);

3) маълумотномаи тиббӣ (шакли 038-у);

4) 6 дона сурати ранга (андозаи 3х4см);

5) маълумотнома аз ҷойи зист;

6) шиноснома (асл ва нусха) ё ҳуҷҷати тасдиқкунандаи шахсият бо сурат, ки мақоми ваколатдори давлатӣ  додааст;

7) билети ҳарбӣ (агар дошта бошад) ё шаҳодатномаи ҳарбии даъватшаванда (барои мардон);

8) нусхаи дафтарчаи меҳнатӣ (агар собиқаи корӣ дошта бошад).

 

     Дар мувофиқа бо “Номгӯйи бемориҳое, ки шахсони ба онҳо мубталогашта ҳуқуқи дар муассисаҳои таълимии тиббӣ таҳсил карданро надоранд”, ки бо қарори Ҳукумати Ҷумҳурии Тоҷикистон аз 25-уми сентябри соли 2018, № 475 тасдиқ шудааст, дар назди комиссияи қабул ташхиси тиббӣ низ гузаронида мешавад. Хотиррасон мекунем, ки агар ҳангоми ташхис муайян карда шавад, ки довталаб гирифтори чунин беморӣ аст, комиссияи қабул ин довталабро қабул намекунад.

Комиссияи қабул

2 comments 203 нафар мутолиа намуданд
ADMIN

Шарҳ

  • Dawaun Dawaun Сешанбе, 18 Август 2020

    I got this web site from my buddy who told me concerning this site and now this time I am browsing
    this website and reading very informative articles or reviews at this time.

  • Isabela Isabela Сешанбе, 18 Август 2020

    Hi there to every single one, it's actually a pleasant for me to visit this site, it includes useful Information.

Назари худро гузоред

Боварӣ ҳосил намоед, ки маълумоти заруриро (*) ворид созед. Коди HTML иҷозат дода намешавад.

Таърихи ДДТХ

Our partners
 

Тамос бо мо

МТД "Донишгоҳи давлатии тиббии Хатлон"

  • Суроға: н.Данғара, кӯчаи Исмат Шариф - 3
  • Телефон: +992 3312 21034
  • Факс: +992 3312 21035
  • Email: info@khatmedun.tj
  • Шуъбаи таҳлил, назорат ва робита бо ҷомеа: +992 3312 21029

Маводҳои муфид