Скачать шаблон Joomla с JooMix.org

ТАШРИФИ МЕҲМОНОНИ ОЛИҚАДР БА ДДТХ

03 Июн 2021 Муаллиф :  

2 июни соли 2021 сафари кории Вазири тандурустӣ ва ҳифзи иҷтимоии аҳолии Ҷумҳурии Тоҷикистон муҳтарам Абдуллозода Ҷамолиддин Абдулло бо намояндагони ташкилотҳои байналмилалӣ ба шаҳри Кӯлоб ва ноҳияи Данғара  сурат гирифт.


Дар доираи сафари корӣ таҳти роҳбарии Вазири тандурустӣ меҳмонони олиқадр ба Донишгоҳи давлатии тиббии Хатлон низ ташриф оварданд.

Ба ҳайати гурӯҳи сафари корӣ намояндаи доимии Бонки Умумиҷаҳонӣ дар Тоҷикистон ҷаноби Ян - Петер Олтерс, ҳамоҳангсози доимии СММ дар Тоҷикистон (UNRC)  Сезин Синаноглу, намояндаи ЮНИСЕФ дар Тоҷикистон ҷаноби Осама Маккавӣ, сардори барномаи тандурустӣ ва ғизо Энтони Асиҷе, муовини роҳбари Намояндагӣ дар Тоҷикистон ҷаноби Кикучи Такеши шомил буданд.

Дар ДДТХ Ректори донишгоҳ доктори илмҳои тиб, профессор Убайдулло Қурбон меҳмонони олиқадрро бо намояндагони Раёсати донишгоҳ пешвоз гирифтанд.

Дар идомаи сафар меҳмонон аз рафти имкониятҳои илмомӯзӣ дар Донишгоҳи давлатии тиббии Хатлон аз наздик шинос шуданд.

Дар даромадгоҳи бино ҳунарҳои мардумӣ, ки аз ҷониби донишҷӯён тайёр карда шудааст, ба намоиш гузошта шуда буд, ки  меҳмононро ба ваҷд овард. Сипас, меҳмонон аз Китобхонаи донишгоҳ, синфхонаи электронӣ, толори фарҳангӣ, Маркази курси малакаҳои амалӣ дидан намуда, бо донишҷӯён ҳамсуҳбат шуданд.









Сухбати озоди донишҷӯён ба забони англисӣ, таҷҳизоти синфхонаҳо, тарзи гузаронидани дарсҳо дар донишгоҳе, ки ҳамагӣ панҷ сол дорад, ба меҳмонон хеле писанд омад.

Дар анҷом Ректори донишгоҳ профессор Убайдулло Қурбон аз ташрифи меҳмонони олиқадр изҳори қаноатмандӣ намуда, иброз доштанд, ки Донишгоҳи давлатии тиббии Хатлон барои ҳамкориҳо бо ташкилотҳои байналмилалӣ ва донишгоҳҳои хориҷӣ ҳамеша омода аст.

ХАБАРНИГОРИ СОМОНА

0 Шарҳ 1441 нафар мутолиа намуданд
ADMIN

Назари худро гузоред

Боварӣ ҳосил намоед, ки маълумоти заруриро (*) ворид созед. Коди HTML иҷозат дода намешавад.

Таърихи ДДТХ

Our partners
 

Тамос бо мо

МТД "Донишгоҳи давлатии тиббии Хатлон"

  • Суроға: н.Данғара, кӯчаи Исмат Шариф - 3
  • Телефон: +992 3312 21034
  • Факс: +992 3312 21035
  • Email: info@khatmedun.tj
  • Шуъбаи таҳлил, назорат ва робита бо ҷомеа: +992 3312 21029

Маводҳои муфид