20 - уми марти соли 2021 дар Донишгоҳи давлатии тиббии Хатлон бахшида ба ҷашни байналмилалии Наврӯз чорабинии фарҳангӣ - адабӣ бо иштироки ҳайати профессорону омӯзгорон ва донишҷӯён баргузор гардид.

      Сараввал, Ректори Донишгоҳи давлатии тиббии Хатлон доктори илмҳои тиб, профессор Убайдулло Қурбон аҳли нишастро бо Наврӯзи оламафрӯз табрику таҳният намуданд.

   Дар идомаи чорабинӣ композитсияи адабӣ - мусиқӣ таҳти унвони «Наврӯзи дилафрӯз муборак!» дар иҷрои дастаи «Дурахшон» ба намоиш гузошта шуд.

  Бояд қайд намуд, ки пас аз қироати шеърҳо дар васфи баҳор ва наврӯз, сурудҳои дилнишину рақсҳои мавзун, расму оин ва пешвозгирии иди Наврӯз дар вилоятҳои Суғду Хатлон ва ВМКБ ба намоиш гузошта шуд, ки ба чорабинии идонаи наврӯзӣ шукуҳу шаҳомати хосса ва ҳусну таровати тоза бахшид.

    Дар анҷоми чорабинии фарҳангӣ Ректори донишгоҳ муҳтарам Убайдулло Қурбон ба таҳиягарони барномаи фарҳангӣ - адабӣ барои дар сатҳи баланд баргузор намудани чорабинии мазкур изҳори сипос намуда, бори дигар барои аҳли нишаст рӯзгори неку осоишта ва бахту иқболи баланд таманно намуданд.

ХАБАРНИГОРИ СОМОНА